Kurdî  ■  كوردی  ■  عربي
MON, 27 JAN 2020 13:00 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

حزبەكان پشتیوانیی خۆیان بۆ سەرۆكی حكوومەت دووپات دەكەنەوە
| KDP.info


سلێمانی-KDP.info- سەرۆكی حكوومەتی هەرێمی كوردستان، لە گوتارێكیدا بە بۆنەی 100 ڕۆژی كاركردنی حكوومەتی هەرێم، رایگەیاند: "حكوومەتی هەرێم هی هەموو هاووڵاتیانە، بە تەنیا هی تاكەكەسێك و یان چەند حیزبێك نییە، بۆیە چاوەڕوانین هەموو لایەنە سیاسییەكانی هەرێم لە بەهێزكردنی ئەم حكوومەتەدا پاڵپشتمان بن". حزبە سیاسییەكانی كوردستانیش، پشتیوانیی خۆیان بۆ سەرۆكی حكوومەت دووپات دەكەنەوە.

نەسرەدین مەحموود، ئەندامی جڤاتی گشتیی بزووتنەوەی گۆڕان، بە ماڵپەڕی فەرمیی پارتی دیموكراتی كوردستانی ڕاگەیاند: "ئێمە وەك بزووتنەوەی گۆڕان بەشدارین لە حكوومەتدا و، دەبێ هەموومان پاڵپشتی بین و هەوڵ بدەین ئەو كەموكوڕییەی لە ڕابردوودا هەبووبێت، نەهێڵدرێت".

ناوبراو گوتیشی: "بزووتنەوەی گۆڕان بە مەرجی چاكسازی بەشداری لە كابینەی نوێی حكوومەتی هەرێمدا كرد، بۆیە لە ڕێگەی فڕاكسیۆنەكەمان لە پەرلەمانی كوردستان و وەك حزبیش، پشتیوانیی پڕۆژەی چاكسازی دەكەین و بە كردەیی كار بۆ ئەوە دەكەین ئەو پڕۆژەیە جێبەجێ بكرێت".

ئەندامەكەی جڤاتی گشتیی بزووتنەوەی گۆڕان زیاتر دەڵێ: "زۆر گرنگ بوو سەرۆكوەزیران ئەنجامی 100 ڕۆژی یەكەمی كارەكانی حكوومەتی ڕاگەیاند، دەشكرێت 6 مانگ جارێك گوتارێك لەسەر بەرنامە و كارەكانی حكوومەت بدات، تاوەكو بۆ خەڵك ڕوون بێت حكوومەت ئەو كارانەی كردووە و بەرنامەی كاری داهاتووشی چییە".

"ڕەوشێكی ناسەقامگیر بە هۆی پەلامارەكانی داعش بەرۆكی سنووری گەرمیانی گرتووەتەوە، پێویستە حكوومەتی هەرێم پلان و بەرنامەی بۆ ئەو ناوچەیەش هەبێت". نەسرەدین مەحموود وای گوت.

هەر لەو بارەیەوە، دیاری حوسێن، ئەندامی سەركردایەتیی پارتی، بە ماڵپەڕی فەرمیی پارتی دیموكراتی كوردستانی ڕاگەیاند: "حكوومەتی هەرێم 100 ڕۆژی پڕبەرهەم و دەستكەوتنی بەڕێ كردووە، بە هیوای ئەوەی كارە باشەكانی بەردەوام بێت، وەك پارتی لە بانگەشەی هەڵبژاردنیشدا ڕامانگەیاندبوو كە كار بۆ كوردستانێكی بەهێز دەكەین،  هەموو پشتیوانییەكی سەرۆكی حكوومەت دەكەین بۆ ئەوەی گەندەڵی بنەبڕ بكرێت و هەرێمی كوردستان باشتر ببووژێتەوە".

حوسێن گوتیشی:" هەموو هەوڵی خۆمان دەخەینە گەڕ بۆ ئەوەی كەشێكی سیاسیی ئارام بۆ كوردستان فەراهەم بكەین، تاوەكو حكوومەت بتوانێت زۆر بە باشی هەنگاوەكانی بنێت بۆ جێبەجێكردنی بەرنامەكەی، هەروەها لەسەر حزبەكانیش پێویستە كەشێكی وا بخوڵقێنین حكوومەت بتوانێت كارەكانی خۆی بە رێكوپێكی بكات".

ناوبراو زیاتر روونی كردەوە: "ئێمە وەك پارتی پشتیوانی لە مەسروور بارزانی دەكەین و هاوكار و كارئاسانیی بۆ دەكەین بۆ بنەبڕكردنی گەندەڵی و شەفافی لە داهاتی وڵات و ئاشكراكردنی بۆ ڕای گشتی، بێگومان كوردستانیش بووژانەوەی زیاتر بە خۆیەوە دەبینێت".

 

عەزیز ڕەسووڵ




دوایین هەواڵەکان

سەرۆکی حکوومەتی هەرێمی کوردستان پێشوازی لە شاندێکی پەرلەمانی ئەڵمانیا دەکات

MONDAY, 27 JANUARY 2020 12:01:28

هەولێر-KDP.info- ئەمڕۆ دووشەممە 2020/1/27 مەسروور بارزانی سەرۆکی حکوومەتی هەرێمی کوردستان، پێشوازی لە شاندێکی پەرلەمانی ئەڵمانیا كرد كە پێکهاتبوو لە پەرلەمانتاران مارکوس گروبەل و یورگن هاردت ئەندامانی پەرلەمانی ئەڵمانیا.

 
پارێزگار: 20%ی كارەبای ھەولێر دەدزرێت.. ھیچ كەس پارێزبەندی لەسەر نییە

MONDAY, 27 JANUARY 2020 12:01:21

هەولێر-KDP.info- پارێزگاری ھەولێر رایگەیاند، لە سەرەتای مانگی داھاتوو دەست بە بڕینی زێدەڕۆییەكانی سەر كارەبا دەكەن و ھەموو كەسێك دەگرێتەوە و ھیچ كەس پارێزبەندی لەسەر نییە.

 
ساسان عەونی: به‌ یه‌كسانی كارده‌كه‌ین و نابێ چیتر سامانی ئاو بەفیڕۆ بدرێت

MONDAY, 27 JANUARY 2020 12:01:10

هەولێر-KDP.info- وەزارەتی شارەوانی و گەشتوگوزاری حكوومەتی هەرێمی كوردستان، وۆركشۆپێكی سەبارەت بە گرفت و ئاستەنگەكانی ئاو و چارەكردنی ساز كرد، كە تێیدا وەزیری شارەوانی و گەشتوگوزار رایگەیاند، بە جدییەتەوە كار بۆ چارەكردنی گرفتەكانی ئاو لە هەرێمی كوردستان دەكەن.

 
ئەحمەد قادر: كێشەی كارەبای چۆمان چارە دەكرێت

MONDAY, 27 JANUARY 2020 11:01:59

چۆمان-KDP.info- سەرەڕای نزمبوونەوەی پلەكانی گەرما بۆ ژێر سفر، لە سنووری قەزای چۆمان كێشەی كارەبا دروست بووە، وەك قایمقامی قەزاكەش دەڵێ، لە ھەوڵی چارەكردنی كێشەی كارەبای ناوچەكەدان.

 
پەیامی سەرۆکی هەرێم لە ساڵیادی کۆمەڵکوژی جووەکان

MONDAY, 27 JANUARY 2020 10:01:45

هه‌ولێر-KDP.info- سەرۆکی هەرێمی کوردستان لە ساڵیادی کۆمەڵکوژی جووه‌کان، کە ناسراوە بە هۆڵۆکۆست، ده‌ڵێ، هۆڵۆکۆست ئەوەمان بیردەخاتەوە، کە مرۆڤایەتی کاری زۆریکردووە بۆ وەستاندنی جینۆساید و بیرکردنەوە لە قوربانییەکانی.

 


 
© 2020 Kurdistan Democratic Party, KDP