Kurdî  ■  كوردی  ■  عربي
FRI, 28 FEB 2020 15:22 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئاژگەیی: 95%ی پەنابەرانی سووریا لە هەرێمی كوردستان نیشتەجێن
| KDP.info


هەولێر-KDP.info- نوێنەری حكوومەتی هەرێمی كوردستان لە یەكێتیی ئەورووپا، بەشداری لە كۆبوونەوەی سندووقی هاریكاریی مەداد بۆ پرسی پەنابەرانی سووریا لە كۆمسیۆنی ئەورووپا كرد، كە بە ئامادەبوونی نوێنەری وڵاتانی ئەندام لە یەكێتیی ئەورووپا و باڵیۆزی وڵاتانی دراوسێی سووریا بەڕێوە چوو.

د. دلاوەر خالید ئاژگەیی، نوێنەری حكوومەتی هەرێمی كوردستان لە یەكێتیی ئەورووپا، لە كۆبوونەوەكەدا وتارێكی پێشكەش كرد و تیشكی خستە سەر پرسی پەنابەرانی سووریا لە هەرێمی كوردستان، ئاماژەی بەوەش كرد كەوا لە ئێستادا 95%ی پەنابەرانی سووریا لە هەرێمی كوردستان نیشتەجێن، ئەمە لە كاتێكدایە كە پێشتر هەرێمی كوردستان زیاتر لە 350 هەزار پەنابەری سووری لە خۆگرتبوو، هەروەها لە دوای هاتنی شەپۆلی نوێی پەنابەران لە سووریا تاكو ئێستا زیاتر لە 18 هەزار كەسیان ڕوویان لە هەرێمی كوردستان كردووە.

لە درێژەی وتارەكەیدا، د. دلاوەر داوای لە وڵاتانی ئەورووپا كرد، كە بە دەنگ هاوكاری و یارمەتیدانی ئەو ئاوارە و پەنابەرانەوە بێن، كە لە هەرێمی كوردستان نیشتەجێن و ژمارەیان بە گشتی دەگاتە 1.5 ملیۆن ئاوارەی ناوخۆ و پەنابەری سووری.

هاوكات باسی لە هەوڵ و پلان و ئامادەكارییەكانی حكوومەتی هەرێمی كوردستان كرد بۆ بەدەنگەوەهاتنی هەزارەها ئاوارەی ڕۆژئاوای كوردستان. هەروەها پلانی ئامادەكراوی ناوەندی هاوبەشی هەماهەنگیی قەیرانەكانی حكوومەتی هەرێمی كوردستانی بەسەر سەرجەم وڵاتانی ئەندامی بەشدار لە كۆبوونەوەكە و كۆمسیۆنی ئەورووپا دابەش كرد، كە بووە جێگەی سەرنج و تێڕوانینی بەشداربووان.

ئەم كۆبوونەوەیە لە چوارچێوەی ئامادەكاری یەكێتیی ئەورووپا دێت بۆ ساڵی داهاتوو 2020 و، بڕیارە لە پلانەكەدا گرنگی بە داواكارییەكانی هەرێمی كوردستان بدرێت و هاوكاریی ئەو ئاوارە و پەنابەرانە بكرێت، كە هەرێمی كوردستان لە خۆی گرتوون.

شایەنی باسە، سندووقی هاریكاریی مەداد، بریتییە لە كۆكردنەوەی هاریكاریی وڵاتانی یەكێتیی ئەورووپا و كۆمسیۆنی ئەورووپا، كە تایبەتە بە قەیرانەكانی سووریا و بە مەبەستی بەدەنگەوەهاتنی ئەو وڵاتانەیە كە ئاوارەی سوورییان لە خۆ گرتووە.  




دوایین هەواڵەکان

سەرۆك بارزانی سەرەخۆشی لە ئیبراهیم برۆ دەكات

FRIDAY, 28 FEBRUARY 2020 13:02:42

بەناوی خودای مەزن و دلۆڤان

بەڕێز ئیبراهیم برۆ ئەندامی مەكتەبی سیاسیی پارتی یەكێتیی كوردستانی سووریا

ناسنامەی ڕووفاتەکانی گۆڕە بەکۆمەڵەکانی شنگال ئاشکرا کرا

THURSDAY, 27 FEBRUARY 2020 17:02:40

شنگال-KDP.info- بەرپرسی ڕێکخراوی ئێزدییەکان بۆ دیکیۆمێنتکردن لە شنگال ڕایگەیاند، دوای ئەوەی ڕووفاتەکانی ئێزدییان ڕەوانەی پزیشکی دادی بەغدا کرابوون، ئەمڕۆ ناسنامەکانیان ئاشکرا کرا.

 
بەڕێوەبەری ناحیەی زوممار: دروستکردنی کەمپێک بۆ پاشماوەکانی داعش ڕاگیراوە

THURSDAY, 27 FEBRUARY 2020 17:02:16

زوممار-KDP.info- بڕیار بوو لە نزیک ناحیەی زوممار کەمپێک بۆ پاشماوەکانی داعش دروست بکرێت و بەڕێوەبەری شارەدێی زومماریش دەڵێ، دروستکردنی کەمپی عەمەل ڕاگیراوە و خەڵکی ناوچەکە بەتوندی دژی گەڕانەوەی پاشماوەکانی داعشن.

 
خۆشناو: لەپێناو بەڕێكردنی خولێكی پڕكار ‌و پرۆژەی باش ئامادەكاری ده‌كه‌ین

THURSDAY, 27 FEBRUARY 2020 11:02:24

هەولێر-KDP.info- سەرۆكی فراكسیۆنی پارتی  لە پەرلەمانی كوردستان گوتی، فراكسیۆنه‌كان لەسەر ئەوە رێككەوتووین كە لە خولی وەرزی بەهارە، پێكەوە پرۆژەیاسا پێشكەش بكەین ‌و هاوئاهەنگی نێوانمان زیاتر بكەین، ئەمەش لەپێناو بەڕێكردنی خولێكی پڕكار ‌و پرۆژەی باش.

 
میرانی: وه‌ك پارتیه‌ك قسه‌ ناكه‌م.. ئه‌مه‌ی عەلاوی دەیکات کودەتای پێنجه‌مه‌

THURSDAY, 27 FEBRUARY 2020 10:02:53

هەولێر-KDP.info- فازڵ میرانی سکرتێری مەکتەبی سیاسی پارتی دیموکراتی کوردستان باس لە مەرج و داواکاری کورد دەکات بۆ بەشداری کردن لە کابینەی نوێی حکوومەتی عێراقی و بژاردەکانی بەردەم کورد، هەروەها دەشڵێت ئەم بۆچونانە بۆچوونی کوردستانیە کە لەکۆبونەوەی هەموو لایەنە سیاسیەکانی هەرێم لەسەرۆکایەتی هەرێم خستمانەڕوو. "

 


 
© 2020 Kurdistan Democratic Party, KDP