Kurdî  ■  كوردی  ■  عربي
MON, 9 DEC 2019 02:24 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئەیاد حەسەن: ساڵی ئایندە قەبارەی بازرگانی زیاتر دەبێت
| KDP.info


هەولێر-KDP.info- قەبارەی بازرگانی لە ھەرێمی كوردستان بەروارد بە مانگەكانی رابردوو زۆر زیادی كردووە، بەرپرسێكی ژوورە بازرگانییەكانیش، ھۆكاری زیادبوونی قەبارەی بارزگانی، بۆ ئارامیی رەوشی ئەمنیی ھەرێمی كوردستان و گەشەی ئابووری دەگەڕێنێتەوە.

ئەیاد حەسەن، سەرۆكی ژووری بازرگانی و پیشەسازیی دھۆك، بە ماڵپەڕی فەرمیی پارتی دیموكراتی كوردستانی راگەیاند: "قەبارەی بازرگانیی نێوان ھەرێمی كوردستان و توركیا زۆر زیادی كردووە و تەنیا لە مانگی رابردوودا بە ڕێژەی ٢٠%ی جووڵەی بازرگانی زیاد بووە، بێگومان چەندین ھۆكار ھەن بۆ ھەڵكشانی قەبارەی بازرگانیی نێوان ھەرێم و توركیا، یەكێك لەو ھۆكارانە ئەوەیە، لە ترسی ئاڵۆزیی رەوشی عێراق، بازرگانانی عەرەب سەرمایەكانیان دەگوازنەوە بۆ ھەرێمی كوردستان".

سەرۆكی ژووری پیشەسازی و بازرگانیی دھۆك دەشڵێت: "بەرەوپێشچوونی رەوشی ھەرێمی كوردستانیش كاریگەریی خۆی ھەبووە لەسەر گەشەی رەوشی بازرگانی، لەبەر ئەوەی باری ئابووری بەرەو پێشەوە چووە، ھەرێمی كوردستانیش ناوچەیەكی سەقامگیرە بۆ بازرگانی و بازرگانانی عێراقیش روویان لە ھەرێم كردووە".

حەسەن پێشبینیشی كرد، بۆ ساڵی ئایندە ٢٠٢٠، ھێشتا گەشەی ئابووری و قەبارەی بازرگانی ژمارەی نوێ تۆمار بكات و گوتیشی: "ھێشتا جووڵەی بازرگانی بەرەو زیادبوون دەچێت، رەوشی ئەمنی رۆڵی ھەبووە لەسەر رەوشی ئابووری، پارێزگای دھۆكیش بووەتە سەنتەرێكی ئابووریی گرینگ بۆ عێراق و ھەرێمی كوردستان، تەنیا لەگەڵ توركیاش قەبارەی بازرگانی زیادی نەكردووە، بگرە لەگەڵ وڵاتی دیكەی وەك ئەورووپاش بەرەو زیادبوونە".

 

قائید میرۆ

 




دوایین هەواڵەکان

بە نوێنەرایەتی سەرۆک بارزانی هێمن هەورامی بەشداری لە ڕۆژی نیشتیمانی ڕۆمانیا کرد

SUNDAY, 08 DECEMBER 2019 23:12:21

هەولێر -KDP.info- ئێوارەی ئەمڕۆ ۸/۱۲/۲۰۱۹  لە شاری هەولێر، بە نوێنەرایەتی جەنابی سەرۆک مسعود بارزانی، هێمن هەورامی بەشداری لە مەراسیمی ڕۆژی نیشتیمانی ڕۆمانیا کرد.

 
فارس عیسا: شاندێكی حكوومەتی هەرێم سەردانی بەغدا دەكاتەوە

SUNDAY, 08 DECEMBER 2019 15:12:09

هەولێر -KDP.info- دوای ڕێككەوتنی ھەولێر و بەغدا لەسەر پرسی بودجە و نەوت، بڕیارە پاش گەیشتنی پڕۆژەیاسای بودجە لە حكوومەتەوە بۆ ئەنجومەنی نوێنەران، شاندێكی حكوومەتی ھەرێم سەردانی كوتلە سیاسییەكانی نێو ئەنجومەنی نوێنەرانی عێراق بكەن، سەرۆكی نوێنەرایەتیی حكوومەتی ھەرێمیش لە بەغدا جەخت دەكاتەوە، كە ھەوڵەكانیان بۆ ئەوەیە ڕێككەوتنەكە وەك خۆی جێبەجێ بكرێت.

 

هاونیشتمانیان: حكوومەت ھەنگاوی كرداریی بۆ چاكسازی و نەھێشتنی رۆتین ناوە

SUNDAY, 08 DECEMBER 2019 13:12:24

هەولێر-KDP.info- ئێوارەی دوێنێ، مەسروور بارزانی، سەرۆكوەزیرانی ھەرێمی كوردستان، گوتارێكی بە بۆنەی ١٠٠ رۆژی دەستبەكاربوونی كابینەی حكوومەت پێكەش كرد و، تێیدا جەختی لە بەرەوپێشبردنی ھەرێمی كوردستان لە ھەموو بوارەكاندا كردەوە و گوتیشی: "ئەوەی ھەیە، بەپێی خواستی ئێمە نییە و پێویستە كاری زیاتری بۆ بكەین". هاونیشتمانیانیش بە ئومێدەوە دەڕواننە ھەنگاوەكانی حكوومەت بۆ چاكسازی و باشتركردنی ژیان و گوزەرانیان.

 

"ئەوانەی رووبەری خانووی زێدەڕۆیان كەمە، بە سوودمەند ھەژمار ناكرێن"

SUNDAY, 08 DECEMBER 2019 12:12:24

هەولێر-KDP.info- هەفتەی رابردوو و دوای گه‌ڕاندنه‌وه‌ى لەلایەن سەرۆكی ھەرێمی كوردستانەوە، پەرلەمانی كوردستان جارێكی دیكە یاسای تاپۆكردنی خانووی زێدەڕۆی پەسەند كرد، ئەندامێكی لیژنەی شارەوانییەكانیش دەڵێ، لە كاتی تاپۆكردنی خانووی زێدەڕۆدا، ئەگەر رووبەرەكەی زۆر زیاد نەبێت، خاوەنەكەی بە سوودمەند ھەژمار ناكرێت.

 
عەلی خەلیل بۆ KDP: داعش لەناو مووسڵ سەرقاڵی خۆڕێكخستنەوەیە

SUNDAY, 08 DECEMBER 2019 11:12:52

مووسڵ-KDP.info- دوای ئەوەی لە سنووری خانەقین و كەركووك داعش دەستی بە جموجۆڵ و كردەوەی تیرۆریستی كرد، ئێستا بە شێوەیەكی بەرچاو سەری هەڵداوەتەوە و جووڵەیان زیادی كردووە، بەرپرسی لقی 14ی پارتیش دەڵێ، لە مووسڵیش بە هەمان شێوە داعش سەرقاڵی خۆڕێكخستنەوەیە. دەشڵێ: "خەڵك داوا دەكەن پێشمەرگە بگەڕێتەوە ناوچەكە".

 


 
© 2018 Kurdistan Democratic Party, KDP