Kurdî  ■  كوردی  ■  عربي
SUN, 23 FEB 2020 13:26 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"كورد پێویسته‌ به ‌یه‌كگوتاری دانوستان له‌گه‌ڵ به‌غدا بكات بۆ حكوومه‌تی نوێ"
| KDP.info


هەولێر -KDP.info-پاش ئه‌وه‌ی سه‌رۆكوه‌زیرانی عێراق ده‌ست له‌كاركێشانه‌وه‌ی پێشكه‌ش به‌ ئه‌نجومه‌نی نوێرانه‌رانی عێراق كرد، ئه‌نجومه‌نی نوێنه‌ران ده‌ستله‌كاركێشانه‌وه‌كه‌ی په‌سه‌ند كرد، ئێستا له‌ شه‌قامی عێراق باس له‌ پێكهێنانی حكوومه‌تی نوێ و سه‌رۆكوه‌زیرانێكی نوێیه‌، چاودێرێكی سیاسی ده‌ڵێ، ده‌بێ كورد به ‌یه‌ك تیم بكه‌وێته‌ گفتوگۆ بۆ پێكهێنانی حكوومه‌ت.

سۆران سێوه‌كانه‌یی، شرۆڤه‌كاری سیاسی، به‌ ماڵپه‌ڕی فه‌رمیی پارتی دیموكراتی كوردستانی ڕاگه‌یاند: "بۆ پێكهێنانی كابینه‌ی نوێی حكوومه‌تی عێراق و ده‌ستنیشانكردنی سه‌رۆكوه‌زیرانی نوێ له‌سه‌ر كورد پێویسته‌ به‌ یه‌كگرتوویی و یه‌كگوتاری هه‌نگاو بنێت، بۆ ئه‌وه‌ی له‌ به‌رنامه‌ی حكوومه‌تی نوێدا مافه‌كانی كورد بچه‌سپێندرێت".

له‌ حه‌فته‌ی ڕابردوودا سه‌رۆكی هه‌رێمی كوردستان سه‌ردانی لایه‌نه‌ سیاسییه‌كانی كرد، به ‌مه‌به‌ستی زیاتر یه‌كخستن و یه‌كگوتاریی كورد سەبارەت بەو ڕووداوانەی لە عێراق و ناوچه‌كه‌دا دێنه‌ پێشه‌وه‌ و، بۆ گفتوگۆی هه‌ولێر و به‌غدا له‌سه‌ر بودجه‌ و نه‌وت.

سێوه‌كانه‌یی گوتیشی: "ده‌بێ كورد به ‌وریایی و به‌ یه‌كگرتوویی هه‌نگاو بنێت، نه‌وه‌كو له‌م دۆخەدا کە لە عێراق هاتووه‌ته‌ پێشه‌وه‌ لایەنە عێراقییه‌كان به‌ده‌رفه‌تی بزانن بۆ پێشێلكردنی مافه‌كانی كورد. بۆیە کورد دەبێ ته‌ئكید له‌سه‌ر ئه‌وه ‌بكاته‌وه کە‌ فراكسیۆنه‌ گه‌وره‌كانی شیعه‌ ده‌نگ بدەن به‌ پڕۆژه‌ی بودجه‌ی 2020ی عێراق به‌ پشكی هه‌رێمی كوردستانه‌وه‌، وه‌ك ئه‌وه‌ی له‌سه‌ری ڕێك ده‌كه‌ون".

ناوبراو پێی وایه: "كورد ده‌بێ له‌سه‌ر پێكهێنانی حكوومه‌تی نوێ و سه‌رۆكوه‌زیرانی نوێی عێراق گفتوگۆی ورد بكات، بۆ ئه‌وه‌ی سه‌رۆكوه‌زیرانی نوێ له‌ كارنامه‌كه‌ی حكوومه‌تەکەیدا مافه‌كانی كورد بپارێزێت."

عه‌زیز هه‌ورامی


 




دوایین هەواڵەکان

دانیشتنی سبه‌ی پەرلەمانی عێراق دواخرا

SUNDAY, 23 FEBRUARY 2020 13:02:05

به‌غدا-KDP.info- سەرۆکی فراکسیۆنی پارتی لە ئەنجوومەنی نوێنەرانی عێراق، دەڵێ، کە دانیشتنی ئەنجوومەنەکە بە مەبەستی دەنگدان بە کابینەی عەلاوی لەبەر ئەوە دواخراوە، هەتا سەرجەم لایەنەکان کۆک بن لەسەر کابینەکەی.

 
بایدەمیر: ئه‌و نموونەیەی هەرێم ئیرادەیەکی بەهێزە بۆ پارچەکانی تری کوردستان

SUNDAY, 23 FEBRUARY 2020 12:02:40

هەولێر-KDP.info- سەرلەبەیانیی ئەمڕۆ یه‌كشه‌مه‌ ٢٣/٢/٢٠٢٠، هێمن هەورامی جێگری سەرۆکی پەرلەمانی کوردستان پێشوازیی لە عوسمان بایدەمیر سیاسەتمەداری کورد لە تورکیا کرد.

 
سبەی وەزیری تەندروستی بانگھێشتی پەرلەمان دەكرێت

SUNDAY, 23 FEBRUARY 2020 11:02:56

هەولێر-KDP.info- بڕیارە سبەی وەزیری تەندروستیی حكوومەتی ھەرێمی كوردستان بانگھێشتی پەرلەمان بكرێت، سەرۆكی لیژنەی تەندروستیش لە پەرلەمانی كوردستان ئاشكرای كرد، ھەموو رێكارەكان بۆ بەرەنگابوونەوەی ڤایرۆسی كۆرۆنا گیراونەتە بەر.

 
د. محەمەد بۆ KDP: ئەگەر نەگەینە رێككەوتن، كورد بایكۆتی كۆبوونەوەی پەرلەمانی عێراق دەكات

SUNDAY, 23 FEBRUARY 2020 10:02:57

هەولێر-KDP.info- شاندی ھەرێمی كوردستان بۆ گەیشتن بە رێككەوتن لەسەر پشكی كورد لە كابینەی نوێی حكوومەتی عێراق لە بەغدایە، پەرلەمانتارێكی پارتیش دەڵێ، زۆربەی فڕاكسیۆنە كوردستانییەكان بەشداری لە كۆبوونەوەی پەرلەمانی عێراقدا ناكەن ئەگەر داواكاریی ھەرێمی كوردستان لە بەرچاو نەگیرێت.

 
ئاكرەیی: جموجۆڵی بازرگانی لەگەڵ ئێران بەردەوام ده‌بێت

SUNDAY, 23 FEBRUARY 2020 10:02:55

هەولێر-KDP.info- بەڕێوەبەری پەیوەندییەكانی نێوان هەرێمی كوردستان و ئێران رایگەیاند، دوای داخستنی سنوورەكانی نێوان هەرێم و ئێران بە هۆی ڤایرۆسی كۆرۆنا، سێ سنووری كراوە ماون بۆ ئەوەی هەم هاووڵاتیانی كورد لە ئێرانەوە بگەڕێنەوە و هەمیش جموجۆڵی بازرگانی و هاوردەكردنی كەلوپەل لە ئێرانەوە بۆ هەرێمی كوردستان بەردەوام بێت، بۆیە داخستنی سنوورەكان هیچ كاریگەرییەكی لەسەر جموجۆڵی بازرگانی نەبووە.

 


 
© 2020 Kurdistan Democratic Party, KDP