Kurdî  ■  كوردی  ■  عربي
WED, 9 JUL 2025 12:28 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

"هەولێر بە هێزی نەرم پاراستنی مافە دەستوورییەکانی هەرێمی لە بەغدا گرەنتی کردووە"
| KDP.info


سلێمانی-KDP.info- چاودێرێکی سیاسی ده‌ڵێ، هەولێر بە په‌یڕه‌وكردنی سیاسەتێکی جێگیر بووەته‌ براوەی پێشوەختە و ناوەندی بڕیاردان و ڕۆژنامەنووسانیش پێیان وایە، پەیڕەویکردنی سیاسەتێکی بەهێز لە هەولێر وای کردوە، هەمیشە له‌ به‌رژه‌وه‌ندیی كوردستان له‌ كێشه‌ و ململانێكاندا براوه‌ بێت.

چاودێران دەڵێن، له ‌داوكاری هه‌مواری دەستووری عێراقی فیدڕاڵدا، كورد به‌رگریی لەو ماددەیە کرد کە لە دەستووردا فیدڕاڵیەتیی عێراق دەپارێزێت، ئه‌مه‌ش وایكرد، سوننەکان بێنە پشت داواکاریی ھەرێم و، کورد و سوننە بەغدایان ناچار کرد دەست بۆ ئەو ماددەیە نەبرێت. سوودی مانەوەی ئەو ماددەیە بۆ کورد پارێزگارییە لە قەوارەی ھەرێمی کوردستان و بۆ سوننەکانیش سوودی دەبێت، کە لە داھاتوودا بتوانن داوای ھەرێمی خۆیان بکەن، ئه‌مه‌ش به ‌په‌یڕەوكردنی سیاسه‌تێكی جێگیر وای كرد هه‌رێمی كوردستان ببێته‌ یاریزانێكی پێشوه‌ختی براوه‌.

كارزان سه‌لام، چاودێری سیاسی بۆ ماڵپه‌ڕی فه‌رمیی پارتی دیموكراتی كوردستان دەڵێت: "بەغداد هەمیشە خوازیارە دەست بۆ ماف و بەرژەوەندییەکانی هەرێمی کوردستان ببات، بەڵام پەیڕەوکردنی سیاسه‌تێكی جێگیر لە هەولێر وا دەکات، بەغداد بەو ئامانجه‌ی نەگات و هەرێمی کوردستان لە هەر پێشهاتەیەک بپارێزێت، چونکە بەغدا کاریگەریی سیاسیی وڵاتانی هه‌رێمی لەسەر بڕیارەکانی هەیە، کە ئەمەش لە سوودی سوننەکان و کوردستانیش نییە."

سەلام گوتیشی: "هەروەک چۆن هەمیشە لە کێشە و ئاریشەکاندا سەرۆکی هەرێمی کوردستان ده‌ستپێشخه‌ر بووه‌، دەبێت لە داهاتووشدا بەو جۆرە بەرەو ڕووی کێشەکان ببنەوە، تاکو هەرێمی کوردستان بپارێزن و ده‌ستێوه‌ردانی هه‌رێمی و په‌یوه‌ندییان له‌گه‌ڵ شیعه‌ی عێراق، زیان بە هەرێمی کوردستان نەگەیەنێت."

ئه‌و چاودێره‌ سیاسییه‌ ئاماژه‌ی به‌وه ‌دا: "هەرێمی کوردستان لەگەڵ بارودۆخە لەناکاوەکانی حکوومەتی عێراق ئەزموونی لەمێژینەی هەیە، بۆیە لە بارودۆخە هەستیارەکاندا دەڵێت، (ئیتر کشومات)، خۆ ئەگەر بارودۆخەکەش ئاسایی بووه‌وه،‌ بەرەو مێزی گفتۆگۆ، ئەوە دەڵێت (کیش مەلیک).

ڕۆژنامەنووسێکیش دەڵێت: "ئاسایش و ئارامیی هەرێمی کوردستان و نائارامیی ڕەوشی ناوخۆی عێراق دەرخەری پێگەی کوردستانە، لە کاتێکدا بینیمان لەدوای 16 ئۆکتۆبەر بە سیاسەتی دروستی نێچیرڤان بارزانی کۆتایی بە گرژی و ناکۆکیی ناوچەکە هات، کەوایە دەتوانین بڵێین "هەرێمی کوردستان پارویەک نییە بە بەغداد قووت بدرێت".

سیروان حەمە شەریف، بۆ ماڵپەڕی فەرمیی پارتی دیموکراتی کوردستان باسی له‌وه‌ كرد: "هەولێر ناوەندێکی گرنگی ناوخۆیی و نێودەوڵەتییە، کەوایە هه‌رپێشهاتێك بێتە پێش، زیاتر بەهێز دەبێت، ئەمەش بە یەکدەنگی و پتەوبوونی نێوخۆی ماڵی کورد لە پرسە نیشتمانییەکاندا، بۆیە باشترین بژاردە ئه‌وه‌یه،‌ ده‌ستوور له‌ به‌رژه‌وه‌ندیی شەقامی عێراقی و هەرێمی کوردستان هه‌موار بكرێت."

ئێستا ھەولێر له ڕووی دیپلۆماسییه‌وه‌ زۆر به‌هێزه‌ و پێشوه‌خت له‌و یاریه‌دا براوه‌یه‌، له‌ قۆناغی داهاتووشدا ھەولێر بە ھاوبەشی لەگەڵ سوننە و شیعەکان، ڕۆڵێکی گەورەی دەبێ لەسەر دیاریکردنی چارەنووس و داھاتووی عێراق، ھەر ڕووداوێکیش بێتە پێش، ھەولێر بە وردی خوێندنەوەی خۆی کردووە و تێ گەیشتووە لەوەی چ هه‌نگاوێك بنێت.

ڕێبین ڕەحیم، ڕۆژنامەنووس لە شاری هەڵەبجە، بۆ ماڵپەڕی فەرمیی پارتی دیموکراتی کوردستان، گوتی: "پێگەی هەولێر پێگەیەکی بەهێزە و خاوەن کارتێکی بەهێزیشه‌، کە ئەنجامی ڕیفراندۆمە مەزنەکەی کوردستانە، کە بووەتە دیواریکی پتەو و کارتێکی سوور لە بەرامبەر هەر پێشهاتێك، یان دەستوەردانێک لە مافە ڕەواکانی کوردستان، هەروەک چۆن سوننە سیاسییەکان لەوە تێ گەیشتوون، کە لە بەرژەوەندییان نییە پشت بکەنە هەرێمی کوردستان، چونکە ئەوانیش لە هەوڵی دروستكردنی هه‌رێمی تایبه‌ت به‌ خۆیانن."

زریان کەمال




دوایین هەواڵەکان

ماڵپەڕی KDP کاتی دابەشکردنی ٩ ھەزار یەکەی نیشتەجێبوون بڵاو دەکاتەوە

WEDNESDAY, 09 JULY 2025 12:07:14

ھەولێر-KDP.info- بەڕێوەبەری گشتی لە وەزارەتی ئاوەدانکردنەوەی حکوومەتی ھەرێمی کوردستان دەڵێ، ئامادەکاریی تەواو کراوە و لە چەند ڕۆژی داھاتوودا دەست بە دابەشکردنی زیاتر لە ٩ ھەزار یەکەی نیشتەجێبوون بەسەر خەڵکی ھەژار و کەمدەرامەت دەکرێت، کە دابەشکردنیشی لە ڕێگەی تیروپشکەوە دەبێت.

 
مەسروور بارزانی: تا کۆتایی 2026 پڕۆژەی ڕووناکی دەگاتە سەرتاسەری هەرێمی کوردستان

WEDNESDAY, 09 JULY 2025 11:07:38

هەولێر-KDP.info- مەسروور بارزانی سەرۆکی حکوومەتی هەرێمی کوردستان بەبۆنەی فراوان بوونی پڕۆژەی ڕووناکی و سوودمەندبوونی زیاتر لە دوو ملیۆن هاووڵاتی لە کارەبای 24 کاتژمێری لە ئێکس نووسیویەتی، "تا کۆتایی 2026 پڕۆژەی ڕووناکی دەگاتە سەرتاسەری هەرێمی کوردستان.

 
پڕۆژەی ڕووناکی گەیشتە زیاتر لە 2 ملیۆن هاووڵاتی

WEDNESDAY, 09 JULY 2025 09:07:18

هەولێر-KDP.info- وه‌زاره‌تی كاره‌بای حكوومه‌تی هه‌رێمی كوردستان ڕایگه‌یاند، زیاتر لە دو ملیۆن هاووڵاتی و 544 هەزار هاوبەش ئێستا سومەندن لە کارەبای 24 کاتژمێری، هەرروەها، زیاتر لە دوو هه‌زار و 100 مۆلیدەی گازوایل لە گەڕەکەکان کوژێنراونەتەوە و تا کۆتایی ساڵی 2026یش، حکوومەتی هەرێم لە پلانیدایە زیاتر لە حه‌وت هه‌زار مۆلیدە بکوژێنێتەوە. 

 
سه‌رۆكى هه‌رێمى كوردستان سه‌ره‌خۆشی له‌ توركیا ده‌كات

TUESDAY, 08 JULY 2025 18:07:58

ھەولێر-KDP.info- سەرۆکی هەرێمی کوردستان لە نامەیەکدا، سه‌ره‌خۆشى له‌ توركیا، خێزان و كه‌سوكارى ئه‌و سه‌ربازانه‌ى وڵاته‌كه‌ كرد، كه‌ ڕۆژانى ڕابردوو له‌ ئه‌شكه‌وتێكى ناوچه‌ شاخاوییه‌كانى هه‌رێمى كوردستان، گیانیان له‌ده‌ست دابوو.

سەرۆکی حکوومەت پێشوازی لە سەرۆکی ئەکادیمیای کوردی کرد

TUESDAY, 08 JULY 2025 16:07:46

هەولێر-KDP.info- سێشەممە 8ـی تەممووزی 2025، مەسروور بارزانی، سەرۆکی حکوومەتی هەرێمی کوردستان، پێشوازی لە حەمەسەعید حەسەن نووسەر و ڕەخنەگری ناسراو و سەرۆکی ئەکادیمیای کوردی کرد.

 
 


 
© 2023 Kurdistan Democratic Party, KDP

Contact