Kurdî  ■  كوردی  ■  عربي
THU, 23 JAN 2020 10:16 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نێچیرڤان بارزانى: بۆ ڕاگرتنى شەڕ لە هەوڵى بەردەوامداین
| KDP.info


هەولێر-KDP.info-  لە پەیامێکدا دەربارەى ئۆپەراسیۆنە سەربازییەکانى ڕۆژهەڵاتى فورات لە سووریا، بەڕێز نێچیرڤان بارزانى، سەرۆکى هەرێمى کوردستان وێڕاى دەربڕینى دڵگرانى و نیگەرانى، داواى لە کۆمەڵگەى نێودەوڵەتى و ئەنجومەنى ئاسایش کرد ڕۆڵى خۆیان بۆ ڕاگرتنى شەڕ و گێڕانەوەى ئاشتى بگێڕن، هەروەها ڕایگەیاند کە ئامادەى هەموو نێوانگیرى و هاوکارییەکە بۆ ڕاگرتنى شەڕ، بۆ ئەم مەبەستەش لە هەوڵى بەردەوامدایە.

دەقى پەیامەکە:

هەر لە سەرەتاوە بە وردى چاودێریى دۆخەکە دەکەین و بە دڵگرانى و نیگەرانییەکى قووڵەوە لە ئۆپەراسیۆنە سەربازییەکانى ڕۆژهەڵاتى فورات لە سووریا دەڕوانین بەتایبەتى کە گرووپە توندڕەوەکانى ئۆپۆزسیۆنى سووریا تیایدا بەشدارن. شەڕ، دەرگا بە سەر کوشتار و دەربەدەرى و ئاوارەبوونى خەڵکى سڤیل و دروستبوونى ناسەقامگیرى لە تەواوى ناوچەکەدا دەکاتەوە و هەڕەشە و مەترسیى سەرهەڵدانەوەى تیرۆریش جددیتر و گەورەتر دەکات.

ئێمە کە لە هەرێمی كوردستان و عێراق قوربانییەكی زۆرمان بۆ تێكشكاندنی تیرۆر داوە و مەینەتییەکانى شەڕمان بینیوە، زۆر بە نیگەرانى و هەستیارییەوە لە ئاڵۆزبوونی دۆخەكە و تێکچوونى ئاسایش و نەمانى سەقامگیرى دەڕوانین کە دەرەنجامى چاوەڕواننەکراو و مەترسیدارى بۆ ناوچەکە و جیهان لێ دەکەوێـتەوە، بۆیە لەپێناو ڕاگرتنی شەڕ و دروستكردنی ئارامیدا، لە هەوڵى بەردەوامداین و بۆ هەموو نێوانگیری و هاوكارییەك ئامادەین.

شەڕ و پێکدادان تەنیا ئاڵۆزى و پشێوى و مەترسی لە ناوچەکە زیاد دەکات، دەسکەوتەکانى تێکشکاندنى داعش لەناو دەبات و لە بەرژەوەندیى هیچ لایەنێکدا نابێت، بۆیە داوا لە کۆمەڵگەى نێودەوڵەتى و ئەنجومەنى ئاسایش دەکەین چارەسەرێکى دادپەروەرانە بۆ ئایندەى سووریا بدۆزێتەوە بە جۆرێک مافى هەموو پێکهاتەکانى تیادا پارێزراو بێت و بە جددى ڕۆڵى خۆى بۆ ڕاگرتنى شەڕ و گەڕانەوەى سەقامگیرى و پاراستنى ئاشتى و دیالۆگ و ڕێگەچارەى سیاسى بگێڕێت و ڕێگە نەدرێت خەڵکى سڤیل دەربەدەر و ئاوارە ببن.

نێچیرڤان بارزانى

سەرۆکى هەرێمى کوردستان

10/10/2019




دوایین هەواڵەکان

شاندی دانوستانی هه‌رێم له‌باره‌ی رێككه‌وتن له‌گه‌ڵ به‌غدا روونكردنه‌وه‌ ده‌داته‌ په‌رله‌مان

THURSDAY, 23 JANUARY 2020 10:01:51

هه‌ولێر-KDP.info- ئه‌ندامێكی لیژنه‌ی یاسایی ‌په‌رله‌مانی كوردستان دەڵێ، ئه‌مڕۆ په‌رله‌مان كۆده‌بیته‌وه‌ و تێیدا شاندی دانوستانی هه‌رێم له‌باره‌ی رێككه‌وتن له‌گه‌ڵ به‌غدا روونكردنه‌وه‌ ده‌داته‌ په‌رله‌مان.

 
شوان محه‌مه‌د ته‌ها: هەتا حكوومه‌تی نوێ درووست نه‌بێت، خۆپیشاندانه‌كان به‌رده‌وام ده‌بن

THURSDAY, 23 JANUARY 2020 10:01:02

به‌غدا-KDP.info- به‌رپرسی لقی پێنجی پارتی دیموكراتی كوردستان له‌ به‌غدا دەڵێ، هەتا حكوومه‌تی نوێ درووست نه‌بێت، خۆپیشاندانه‌كان به‌رده‌وام ده‌بن، ئه‌گه‌ر حكوومه‌تی نوێش درووست بێت، پێویسته‌ سه‌رۆكوه‌زیران ده‌سته‌ڵاتی ته‌واوی هه‌بێت و، داواكاری خۆپیشانده‌ران جێبه‌جێ بكات و، قه‌ناعه‌تیان پێبكات، چونكه‌ له‌ئێستادا جگه‌ له‌ داواكاری، پرسی كوژرانی خۆپیشانده‌رانیش هاتۆته‌ ئاراوه.

 
سەرۆك بارزانی پێشوازی لە پارێزگاری موسەننا و شاندێكی یاوەری دەكات

WEDNESDAY, 22 JANUARY 2020 17:01:49

هەولێر-KDP.info-  ڕۆژی چوارشەممە 22ـی 1ـی 2020 لە سەلاحەددین سەرۆك مەسعود بارزانی پێشوازی لە ئەحمەد مەنفی جەودە پارێزگاری موسەننا و شاندێكی یاوەری كرد.

سه‌رۆكى هه‌رێمى كوردستان له‌گه‌ڵ سه‌رۆكى ڕێكخراوى جایكا كۆبوه‌وه‌

WEDNESDAY, 22 JANUARY 2020 17:01:49

هەولێر-KDP.info- سه‌رۆكى هه‌رێمى كوردستان نیچیرڤان بارزانى له‌ كۆبوونه‌وه‌یه‌كدا له‌گه‌ڵ به‌ڕێز شینیچى كیتائۆكا سه‌رۆكى ئاژانسى جایكاى ژاپۆنى، سوپاس و پێزانینى هه‌رێمى كوردستانى بۆ كار و پرۆژه‌كانى ڕێكخراوه‌كه‌ ده‌ربڕى كه‌ بۆ ماوه‌ى چه‌ندین ساڵ خزمه‌تیان به‌ هه‌رێمى كوردستان كردووه‌ و جێپه‌نجه‌یان به‌ پرۆسه‌ى ئاوه‌دانكردنه‌وه‌ى هه‌رێمى كوردستانه‌وه‌ دیاره‌.

ئەنجومەنی وەزیران پەیڕەوی پیادەکردنی پیشەی ژمێریاریی و وردبینی لە هەرێمی کوردستان پەسەند کرد

WEDNESDAY, 22 JANUARY 2020 17:01:40

هەولێر-KDP - ئەمڕۆ چوارشەممە 2020/1/22 ئەنجومەنی وەزیرانی هەرێمی کوردستان بە سەرپەرشتی مەسرور بارزانی سەرۆکی ئەنجومەنی وەزیران و ئامادەبوونی قوباد تاڵەبانی جێگری سەرۆک وەزیران کۆبوونەوەی ئاسایی خۆی ئەنجامدا.



 
© 2020 Kurdistan Democratic Party, KDP