Kurdî  ■  كوردی  ■  عربي
MON, 20 JAN 2020 23:36 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نێچیرڤان بارزانى داکۆکى لە پێكه‌وه‌ژیان و لێبورده‌یى و یه‌كترقبووڵكردن‌ دەکاتەوە
| KDP.info


هەولێر-KDP.info-  سه‌رله‌به‌یانیی ئه‌مڕۆ 11/9/2019 به‌ ئاماده‌بوونی به‌ڕێز نێچیرڤان بارزانی جێگری سه‌رۆكی پارتی دیموكراتی كوردستان و به‌شداریی ژماره‌یه‌ک له‌ ئه‌ندامانی مه‌كته‌بی سیاسی، به‌رپرس و ئه‌ندامانی ئه‌نجومه‌نه‌كان، مه‌كته‌ب‌ و لقه‌كان و كادیرانی پارتی دیموكراتی كوردستان، له‌ باره‌گانی ئه‌نجومه‌نی پارێزگای هه‌ولێری پارتی كۆنفرانسی (پارتی لەنێو گۆڕانکارییەکاندا، هەڵسەنگاندنێک بۆ ئێستا و نەخشەڕێگایەک بۆ داهاتوو) به‌ڕێوه‌چوو كه‌ له‌لایه‌ن سه‌نته‌ر‌ى دیراسات و توێژینه‌وه‌ و ئه‌كادیمیاى پارتییەوە، به‌ هاوكاریى كۆمه‌ڵێك شاره‌زا و پسپۆڕ له‌ بواره‌ جیاوازه‌كان ڕێكخرابوو.

له‌ كۆنفرانسه‌كه‌دا به‌ڕێز جێگری سه‌رۆكی پارتی وته‌یه‌كی پێشكه‌ش كرد و تیایدا ڕێكخستنی كۆنفرانسه‌كه‌ و ناوه‌رۆك و بابه‌ته‌كانی له‌ گرنگیدان به‌ ڕێكخستن و خۆڕێكخستنه‌وه‌ به‌ شێوه‌یه‌كی گونجاو له‌گه‌ڵ ئه‌رك و به‌رپرسیاریه‌تیى ئه‌م قۆناغه‌ و قۆناغەکانى ئایندەدا، بە گرنگ لە قەڵەم دا.

بەڕێزیان ئاماژه‌ی بە ڕۆڵ و كاریگه‌ریى ڕێكخراوه‌ جه‌ماوه‌رییه‌كانى قوتابیان، لاوان و ئافره‌تان کرد كه‌ توێژى هه‌ره‌ زیندوو و كاریگه‌رى كۆمه‌ڵگه‌ن و زامنى به‌رده‌وامى و نوێبوونه‌وه‌ن، هه‌روه‌ها جه‌ختی لە كاركردن بۆ حوكمڕانییه‌كى دروست، په‌یوه‌ندییه‌كى باش له‌گه‌ڵ كۆمه‌ڵگه‌ و هەبوونى پرۆگرامى به‌ڕێوه‌بردنى له‌ ئاست متمانه‌ى خه‌ڵكدا، کردەوە.

به‌ڕێزیان دووپاتی كرده‌وه‌ كه‌ پارتى ده‌رفه‌تى سه‌ركه‌وتنى گه‌وره‌ى له‌پێشه‌ و ده‌توانێت داهاتوویه‌كى باشتر بۆ گه‌لى كوردستان ده‌سته‌به‌ر بكات و وه‌ك نموونه‌ش ساڵانی سه‌ختی ڕابردووی بیرهێنایه‌وه‌ كه‌ وێڕاى هه‌موو ئه‌و ئاڵۆزى و ئاسته‌نگه‌كان پارتى توانى له‌ چوارچیوه‌ى حكوومه‌تى هه‌رێمى كوردستاندا له‌ پاراستن و بنیاتنانه‌وه‌ى وڵات و به‌ره‌وپێشبردنى هه‌رێمى كوردستان، له‌ هه‌موو ڕوویه‌كه‌وه‌ ڕۆڵى پێشه‌نگ و كاریگه‌رى خۆى ببینێت و ببێته‌ پارێزه‌رى كوردستان و ده‌ستكه‌وته‌كانى گه‌لی كوردستان.

بەڕێز جێگرى سەرۆکى پارتى هەروەها جەختى لە گرنگیى قووڵكردنه‌وه‌ى گیانى پێكه‌وه‌ژیان و لێبورده‌یى و یه‌كترقبووڵكردن‌ له‌نێو سه‌رجه‌م پێكهاته‌كانى هه‌رێمى كوردستاندا و نەبوونى ململانێ سیاسییەکان بە هۆى دڵه‌ڕاوكێ و نیگه‌رانیى هاووڵاتیان کردەوە.

ئاماژەى بەوەش دا کە پارتى وه‌ك حیزبێكى حوكمڕان و كاریگه‌ر له‌ دامه‌زراوه‌ فه‌رمییه‌كانى هه‌رێمى كوردستان دەبێ په‌یوه‌ندییه‌كانی له‌نێو حیزب و دامه‌زراوه‌ فه‌رمییه‌كاندا ڕێكبخاته‌وه‌ به‌ جۆرێك له‌ خزمه‌تى به‌ره‌وپێشچوونى حوكمڕانییه‌كى سه‌رده‌میانه‌ و سه‌ركه‌وتوودا بێت له‌ كوردستان و ببێته‌ نموونه‌ى حوكمڕانییه‌كى مه‌ده‌نیى پێشكه‌وتووى مایه‌ى ڕه‌زامه‌ندیى هه‌موو خه‌ڵكی كوردستان.

به‌ڕێزیان داوای له‌ کادیرانى پارتى کرد به‌ هه‌مان گیانی پێشوو له‌ تێپه‌ڕاندنی سه‌ختی و قه‌یرانه‌كان،‌ پشتگیرى له‌ كابینه‌ى (9)ى حكوومه‌تى هه‌رێمى كوردستان بكه‌ن و هەموو خۆیان بکەنە خزمەتکردنى خەڵکى کوردستان.




دوایین هەواڵەکان

ڕێکخراوی ناحکوومیی سویدی لە هاوکاریی مرۆیی و گەشەپێدان بۆ کوردستان بەردەوام دەبێت

MONDAY, 20 JANUARY 2020 19:01:42

هه‌ولێر-KDP.info- بەرپرسی ڕێکخراوی ناحکوومیی (سوێدۆ)ی سوێدی بۆ پرسەکانی هاوکاریی مرۆیی و گەشەپێدان لە هەرێمی کوردستان و عێراق و سووریا سەردانی مەکتەبی پەیوەندییەکانی دەرەوەی پارتی دیمۆکراتی کوردستانی کرد و لە لایەن بەڕێزان، هۆشیار سیوەیلی، بەرپرسی مەکتەب و ژمارەیەک لە ستافی پەیوەندییەکانی دەرەوەی (پ.د.ک) بە گەرمی پیشوازی کران.

 
لە داڤۆسی ٢٠٢٠ هەرێمی کوردستان لەنێو وڵاتە ئابووری و سیاسییەکانی جیهاندایە

MONDAY, 20 JANUARY 2020 19:01:48

دهۆک-KDP.info- فۆکسی هەموو دنیا و میدیاکان لەسەر کۆڕبەندی  ئابووریی جیهانی داڤۆسە. لەگەڵ نزیکبوونەوەی کۆڕبەندی ساڵانە، بە ئامادەبوونی سیاسەتمەداران و ئابووریناسان، وڵاتانی جیهان تاوتویی پرسە گرنگەکانی جیهان دەکەن، ئەمەش لە دوای گۆڕینی ئابووری و جیۆسیاسیی جیهانە.

 

وه‌زیری گواستنه‌وه‌ و گه‌یاندن: نووسراومان كردووه‌ بۆ كه‌مكردنه‌وه‌ی نرخی كارتی مۆبایل

MONDAY, 20 JANUARY 2020 16:01:57

هەولێر-KDP.info- وه‌زیری گواستنه‌وه‌ و گه‌یاندن ئاماژه‌ به ‌كاری كۆمپانیاكانی گواستنه‌وه‌ ده‌كات و باس له‌وه‌ ده‌كات نووسراویان كردووه‌ بۆ ئه‌وه‌ی كرێی كارتی مۆبایل كه‌م بكرێته‌وه‌.

 

زێدان برادۆستی: ئەمساڵ پڕۆسەی دامەزراندن دەست پێ دەکات

MONDAY, 20 JANUARY 2020 15:01:44

هەولێر-KDP.info- بڕیارە حکوومەتی ھەرێمی کوردستان دوای پێداچوونەوە و گەڕانەوەی داھات لە چوارچێوەی جێبەجێکردنی یاسای چاکسازیدا ژمارەیەک فەرمانبەری نوێ دابمەزرێنێت. پەرلەمانتارێکیش جەخت لەوە دەکاتەوە کە ئەمساڵ پڕۆسەی دامەزراندن دەست پێ دەکات.

 

مامۆستایەکی زانکۆ: لە داڤۆس پێوەندییە دیپلۆماسییەکانی دنیا دادەرێژرێتەوە

MONDAY, 20 JANUARY 2020 15:01:35

هەولێر-KDP.info - سەرۆک نێچیرڤان بارزانی بەشداری لە کۆڕبەندی ئابووریی داڤۆس دەکات، کە لەسەر ئاستی سەرۆکدا وڵاتانی جیهان بەشداریی تێدا دەکەن و، لەگەڵ سەرۆکی ئەمەریکا و چەندین سەرۆک و سەرۆکوەزیرانی تری وڵاتان دیدار و کۆبوونەوەیان دەبێت.

 



 
© 2020 Kurdistan Democratic Party, KDP