Kurdî  ■  كوردی  ■  عربي
SUN, 8 DEC 2019 18:42 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"شۆڕشی ئەیلوول ئامانجەكەی بەدەست هێنا"
| KDP.info


 

سۆران-KDP.info- بە بڕوای پێشمەرگەكانی شۆڕشی ئەیلوول، شۆڕشی ئەیلوول ئامانجەكەی بەدەست هێنا، كە ئۆتۆنۆمی بوو بۆ كورد، بۆیە ئەمە شۆڕشێك بوو بێئومێدی و خۆڕادەستكردن و شكانی بێمانا كرد و خەونی دوژمنانی لە گۆڕ نا، كە بۆ یەكەمجار بوو شۆڕشێك سنوورەكانی ناوچەگەری تێپەڕ بكات و هەموو ناوچەكانی كوردستان بگرێتەوە.

 

چەتۆ سابیر، پێشمەرگەی شۆڕشی ئەیلوول بۆ ماڵپەڕی فەرمیی پارتی دیموكراتی كوردستانی دیار كرد: "شۆڕشی ئەیلوول بەهێزترین و فراوانترین هەوڵی كورد بوو لە سەدە تاریكەكەی بیستەم بۆ بەرگریكردن لە بوون و ناسنامەی خۆی، جەماوەر، پێشمەرگە، ڕۆشنبیر، تەنزیم و حزب و ستراتیژی و تاكتیك هەر هەمووی حزووریان هەبوو، ئامانجی هەڵگیرسانی شۆڕشی ئەیلوولیش ڕزگاركردنی نیشتمان و سەربەخۆییی كوردستان بوو."

 

سابیر، ڕوونیشی كردەوە: "شۆڕ‌شی ئەیلوول توانی لە ڕووی سیاسی و هزر و كۆمەڵایەتییەوە مرۆڤێكی وا پەروەردە بكات كە ڕاپەڕێت و داوای مافی خۆی بكات، كۆمەڵگایەكیشی دروست كرد كە داوای ماف و ئازادی و یەكسانی و دادپەروەری و دیموكراسی بكات، شۆڕشی ئەیلوول ئەو لایەنانەی شكاند، ئەمە یەكەم شۆڕشە كە ئامانجێكی بۆ خۆی دیاری كرد، ئامانجەكەیشی بەدەست هێنا كە ئۆتۆنۆمی بوو بۆ كورد، بۆیە ئەمە شۆڕشێك بوو بێئومێدی و خۆڕادەستكردن و شكانی بێمانا كرد و خەونی دوژمنی لە گۆڕ نا."

 

ساڵح شاكر، پێشمەرگەیەكی دیكەی هەردوو شۆڕشی ئەیلوول و گوڵانە، بۆ ماڵپەڕی فەرمیی پارتی دیموكراتی كوردستانی ئاشكرا كرد: "بۆ یەكەمجار بوو شۆڕشێك سنوورەكانی ناوچەگەری تێپەڕ بكات و هەموو ناوچەكانی كوردستان بگرێتەوە، هەروەها یەكەمجار بوو هەموو چینوتوێژەكانی كوردستان لە شۆڕشێكدا كۆ ببنەوە و بۆ یەك ئارمانج تێ بكۆشن و خەبات بكەن، بۆیە ئەو دەستكەوتانەی ئەمڕۆ بەدەست هاتوونە بەئاسانی بەدەست نەهاتوون، بەڵكو بە هەڵگیرسانی شۆڕشی ئەیلوول و شۆڕشەكانی دیكە بەدەست هاتوون".

 

شاكر، جەختی لەوە كردەوە: "گەلی كورد، گەلێكی بندەست بوو، دەیویست لەژێر دەستی و زۆرداری ڕزگار بێت و، وڵاتی خۆی لە داگیركەران و ناحەزان ڕزگار بكات، كاتێك شۆڕشی مەزنی ئەیلوول بە ڕابەرایەتیی بارزانی نەمر و بە پاڵپشتیی گەلی كورد بەردەوام لە بەهێزبووندا بوو، بەتایبەتی دوای ڕێككەوتنامەی 11ی ئازاری ساڵی 1970 كە كورد توانی نێوماڵی خۆی تا ڕادەیەكی زۆر ڕێك بخاتەوە، دوژمنەكانی گەلی كورد دڵنیابوون كە ناتوانن كورد لەناو ببەن، بۆیە پەنایان بۆ ئەنجامدانی ڕێككەوتنی جەزائیر برد، زیاتر لە 65 ساڵە پێشمەرگەمە و هەتا دەمرم خۆم هەر بە پێشمەرگەی پارتی و بارزانی دەزانم".

 

ڕابین شێروانی

 




دوایین هەواڵەکان

فارس عیسا: شاندێكی حكوومەتی هەرێم سەردانی بەغدا دەكاتەوە

SUNDAY, 08 DECEMBER 2019 15:12:09

هەولێر -KDP.info- دوای ڕێككەوتنی ھەولێر و بەغدا لەسەر پرسی بودجە و نەوت، بڕیارە پاش گەیشتنی پڕۆژەیاسای بودجە لە حكوومەتەوە بۆ ئەنجومەنی نوێنەران، شاندێكی حكوومەتی ھەرێم سەردانی كوتلە سیاسییەكانی نێو ئەنجومەنی نوێنەرانی عێراق بكەن، سەرۆكی نوێنەرایەتیی حكوومەتی ھەرێمیش لە بەغدا جەخت دەكاتەوە، كە ھەوڵەكانیان بۆ ئەوەیە ڕێككەوتنەكە وەك خۆی جێبەجێ بكرێت.

 

هاونیشتمانیان: حكوومەت ھەنگاوی كرداریی بۆ چاكسازی و نەھێشتنی رۆتین ناوە

SUNDAY, 08 DECEMBER 2019 13:12:24

هەولێر-KDP.info- ئێوارەی دوێنێ، مەسروور بارزانی، سەرۆكوەزیرانی ھەرێمی كوردستان، گوتارێكی بە بۆنەی ١٠٠ رۆژی دەستبەكاربوونی كابینەی حكوومەت پێكەش كرد و، تێیدا جەختی لە بەرەوپێشبردنی ھەرێمی كوردستان لە ھەموو بوارەكاندا كردەوە و گوتیشی: "ئەوەی ھەیە، بەپێی خواستی ئێمە نییە و پێویستە كاری زیاتری بۆ بكەین". هاونیشتمانیانیش بە ئومێدەوە دەڕواننە ھەنگاوەكانی حكوومەت بۆ چاكسازی و باشتركردنی ژیان و گوزەرانیان.

 

"ئەوانەی رووبەری خانووی زێدەڕۆیان كەمە، بە سوودمەند ھەژمار ناكرێن"

SUNDAY, 08 DECEMBER 2019 12:12:24

هەولێر-KDP.info- هەفتەی رابردوو و دوای گه‌ڕاندنه‌وه‌ى لەلایەن سەرۆكی ھەرێمی كوردستانەوە، پەرلەمانی كوردستان جارێكی دیكە یاسای تاپۆكردنی خانووی زێدەڕۆی پەسەند كرد، ئەندامێكی لیژنەی شارەوانییەكانیش دەڵێ، لە كاتی تاپۆكردنی خانووی زێدەڕۆدا، ئەگەر رووبەرەكەی زۆر زیاد نەبێت، خاوەنەكەی بە سوودمەند ھەژمار ناكرێت.

 
عەلی خەلیل بۆ KDP: داعش لەناو مووسڵ سەرقاڵی خۆڕێكخستنەوەیە

SUNDAY, 08 DECEMBER 2019 11:12:52

مووسڵ-KDP.info- دوای ئەوەی لە سنووری خانەقین و كەركووك داعش دەستی بە جموجۆڵ و كردەوەی تیرۆریستی كرد، ئێستا بە شێوەیەكی بەرچاو سەری هەڵداوەتەوە و جووڵەیان زیادی كردووە، بەرپرسی لقی 14ی پارتیش دەڵێ، لە مووسڵیش بە هەمان شێوە داعش سەرقاڵی خۆڕێكخستنەوەیە. دەشڵێ: "خەڵك داوا دەكەن پێشمەرگە بگەڕێتەوە ناوچەكە".

 
حزبەكان پشتیوانیی خۆیان بۆ سەرۆكی حكوومەت دووپات دەكەنەوە

SUNDAY, 08 DECEMBER 2019 10:12:51

سلێمانی-KDP.info- سەرۆكی حكوومەتی هەرێمی كوردستان، لە گوتارێكیدا بە بۆنەی 100 ڕۆژی كاركردنی حكوومەتی هەرێم، رایگەیاند: "حكوومەتی هەرێم هی هەموو هاووڵاتیانە، بە تەنیا هی تاكەكەسێك و یان چەند حیزبێك نییە، بۆیە چاوەڕوانین هەموو لایەنە سیاسییەكانی هەرێم لە بەهێزكردنی ئەم حكوومەتەدا پاڵپشتمان بن". حزبە سیاسییەكانی كوردستانیش، پشتیوانیی خۆیان بۆ سەرۆكی حكوومەت دووپات دەكەنەوە.

 


 
© 2018 Kurdistan Democratic Party, KDP