Kurdî  ■  كوردی  ■  عربي
MON, 6 APR 2020 07:58 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

باره‌گای بارزانی سه‌ره‌خۆشی له‌ خانه‌واده‌ی مه‌قامبێژ میقداد محه‌مه‌د عومه‌ر و خانه‌واده‌ی بەڕێز محەمەد رەشید لهۆنی ده‌کات
| KDP.info


باره‌گای بارزانی سه‌ره‌خۆشی له‌ خانه‌واده‌ی مه‌قامبێژ میقداد محه‌مه‌د عومه‌ر ده‌کات

بەناوی خودای بەخشندە و میهرەبان

به‌ڕێزان له‌ خانه‌واده‌ی خوالێخۆشبوو میقداد محەمەد عومەر

بەداخێكی زۆرەوە هەواڵی كۆچی دوایی هونەرمەندی مەقامبێژی دیاری كوردستان (میقداد محەمەد عومەر)ـمان پێگه‌یشت.

مامۆستا میقداد محەمەد عومەر، لە هونەری وتنی مەقامدا خزمەتێكی بەرچاوی رەسەنایەتی هونەری میللی كردووە و لە دوای خۆیشی خەرمانێك لەو هونەرە مەزنەی بۆ گەلەكەی بەجێهێشتووە.

به‌م بۆنه‌ خه‌مناكه‌وه‌ سه‌ره‌خۆشی له‌ خانه‌واده‌ و كه‌سوكار و هونەرمەندانی كوردستان بەتایبەتی هونەرمەندانی شاری كەركووك ده‌كه‌ین و خۆمان به‌ هاوبه‌شی خه‌متان ده‌زانین.

له‌ خودای مه‌زن داواكارین خوالێخۆشبوو به‌ به‌هه‌شتی به‌رین شاد بكات و سه‌بر و ئارامی به‌ هه‌موو لایه‌ك ببه‌خشێت.

 

انالله و انا الیە راجعون

باره‌گای بارزانی

 

------------------------------------------------------------------

 

پرسەنامەی بارەگای بارزانی بۆ بەڕێز محەمەد رەشید لهۆنی

 

بەناوی خودای بەخشندە و میهرەبان

بەڕێز محەمەد رەشید لهۆنی

بەدڵگرانیەكی زۆرەوە هەواڵی كۆچی دوایی هاوژینی بەڕێزتان خاتوو(فەریدە عەبدولغەفور)ـمان پێگه‌یشت.

خاتوو(فەریدە عەبدولغەفور)ـی هاوژینتان وەك زۆرێك لە ئافرەتانی كوردستان لە ژیانی پێشمەرگایەتی بەڕێزتان لەپێناو نەتەوە و نیشتمانەكەیدا هاوشانتان بووە وەك ژنە پێشمەرگەیەك.

هاوبەشی خەممان بە بەڕێزتان و خانەوادە سەربەرزەكەتان رادەگەیەنین و سەرەخۆشی ئاڕاستەی ئێوە و خزم و دۆست و هەڤاڵانتان دەكەین.

له‌ خودای مه‌زن داواكارین خوالێخۆشبوو به‌ به‌هه‌شتی به‌رین شاد بكات و سه‌بر و ئارامی به‌ هه‌موو لایه‌ك ببه‌خشێت.

 

 

انالله و انا الیە راجعون

بارەگای بارزانی

 

 

 




دوایین هەواڵەکان

ڕاگەیێندراوی بارەگای بارزانی لە ساڵیادی جینۆسایدكردنی كوردە فەیلییەكان

SUNDAY, 05 APRIL 2020 22:04:10

هەولێر-KDP.info- چل ساڵ بەسەر تاوانی ئەنفال و جینوسایدكردنی كوردە فەیلییەكان لە لایەن ڕژێمی پێشووی عێراق تێدەپەڕێت، كە تێیدا دوازدە هەزار كوردی فەیلی ئەنفال و شوێنبزر و شەهید كران. جینۆسایدكردنی كوردە فەیلییەكان درێژكراوەی ئەو زنجیرە تاوانانە بوو كە لە سەدەی بیستەمدا لە لایەن ڕژێمە یەك لەدوای یەكەكانی عێراق، دژی گەلی كوردستان ئەنجام دراون.

لەبارەی کەمپینی کۆکردنەوەی پارە هۆشداری دەدرێت

SUNDAY, 05 APRIL 2020 19:04:29

هەولێر-KDP.info-  سەرچاوەیەك لە ئەنجومەنی وەزیرانی هەرێمی كوردستانەوە رایگەیاند، هیچ كەمپینێك بۆ كۆكردنەوەی پارە بەناوی هاوكاری رێگەپێدراو نییە و بۆ هیچ كەسێك یان لایەنێک نییە كەمپین رابگەیەنێت.

دەزگای خێرخوازی بارزانی لە دابه‌شكردنی خۆراك له‌ هه‌ڵه‌بجه‌ و سلێمانی و گه‌رمیان و ڕاپه‌ڕین به‌رده‌وام ده‌بێت

SUNDAY, 05 APRIL 2020 17:04:31

سلێمانی-KDP.info- له‌گه‌ڵ ڕاگه‌یاندنی قه‌ده‌خه‌ی هاتوچۆ به‌هۆی بڵاوبوونه‌وه‌ی ڤایرۆسی كۆرۆنا، ده‌زگای خێرخوازیی بارزانی هه‌ڵمه‌تێكی گه‌وره‌ی له‌ سه‌رتاسه‌ری كوردستان ده‌ست پێ كرد، به‌ دابه‌شكردنی سه‌به‌ته‌ی خۆراك بۆ ئه‌و خێزانانه‌ی پێویستیان پێییه‌تی.

 

"نەخۆشخانەی ڕزگاری دەبێتە ناوەندی چارەسەری کۆرۆنا"

SUNDAY, 05 APRIL 2020 16:04:16

هه‌ولێر-KDP.info-  دوای زیادبوونی ژمارەی تووشبوانی ڤایرۆسی کۆرۆنا، بەڕێوەبەرایەتیی گشتیی تەندروستیی ھەولێر، نەخۆشخانەی ڕزگاریی ئامادە کردووە و بەڕێوەبەری گشتیی تەندروستیی ھەولێریش دەڵێ، نەخۆشخانەی ڕزگاریی ھەولێر ٤٠٠ قەرەوێلەیە و ئامادەیە بۆ چارەسەرکردن.

 

ورده‌كاریی دروستكردنی یه‌كه‌یه‌كی ژمێریاری بۆ وه‌زاره‌تی پێشمه‌رگه‌ له ‌یاسای چاكسازیدا

SUNDAY, 05 APRIL 2020 15:04:21

هه‌ولێر-KDP.info-  سه‌رۆكی لیژنه‌ی پێشمه‌رگەی په‌رله‌مانی كوردستان گوتی، حكوومه‌تی هه‌رێمی كوردستان ده‌ستی به ‌جێبه‌جێكردنی یاسای چاكسازی كردووه‌ و ئه‌و یاسایەدا سوودی زۆری بۆ پێشمه‌رگه‌ ده‌بێت، چونكه‌ هه‌موو هێزه‌كانی پێشمەرگه‌ له ‌چوارچێوه‌ی یه‌ك یه‌كه‌ی ژمێریاریدا مووچه‌ وه‌رده‌گرن و هیچ كه‌سێك ناتوانێ به‌ نایاسایی مووچه‌ وه‌رگرێت و بۆ هه‌ر پێشمه‌رگه‌یه‌ك چه‌ك دروست ده‌كرێت و له‌ بانك مووچه‌ وه‌رده‌گرێت، به‌مه‌ش هه‌موو هێزی پێشمه‌رگه‌ له‌ چوارچێوه‌ی وه‌زاره‌تی پێشمه‌رگەدا‌ ده‌بێت و پاره‌ش له‌ ده‌ست ئه‌وان ده‌بێت.

 



 
© 2020 Kurdistan Democratic Party, KDP