Kurdî  ■  كوردی  ■  عربي
SUN, 5 JUL 2020 07:14 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"مانگی دابێ لە سەماوەی باشووری عێراق گۆڕێکی دیکەی بەکۆمەڵ ھەڵدەدرێتەوە"
| KDP.info


 

سەماوە-KDP.info- دوو گۆڕی دیکەی قوربانیانی کورد لە بیابانی پارێزگای سەماوە دوزراونەتەوە و بەرپرسێکی وەزارەتی شەھیدانیش دەڵێ، مانگی دابێ دەست بە هەڵدانەوەی ئەو دوو گۆڕە بەکۆمەڵەش دەکرێت و پڕۆسەکە بەردەوام دەبێت.

 

سیروان جەلال، بەڕێوەبەری گۆڕە بەکۆمەڵەکانی وەزارەتی شەھیدان بە ماڵپەڕی فەرمیی پارتی دیموکراتی کوردستانی ڕاگەیاند: "دوای کارکردنێکی زۆر توانیومانە شوێنی دوو گۆڕی دیکەی بەکۆمەڵی قوربانیانی کورد لە بیابانی عێراق دەستنیشان بکەین و بڕیارە لە مانگی ئەیلوولی داھاتوودا دەست بە هەڵدانەوەی یەکێک لەو گۆڕانە بکرێت و لە لایەن تیمی نیشتمانیی گۆڕە بەکۆمەڵەکانەوە کار بۆ ئەوە دەکرێت بە شێوازێکی زانستیانە ھەڵبدرێنەوە."

 

بەڕێوەبەری گۆڕە بەکۆمەڵەکان گوتی: "ئەو دوو گۆڕە بەکۆمەڵە ھی قوربانیانی کوردە لە سەردەمی ڕژێمی بەعسی لەناوچوودا، بەڵام تا پڕۆسەی هەڵدانەوەی دەستی پێ نەکرێت ناتوانین بڵێین ھی خەڵکی کام ناوچەن و پێویستە لە لایەن تیمی تایبەت و پشکنینی زانستییەوە ڕوفاتی نێو گۆڕەکان دیاری بکرێن."

 

پەیوەست بە ڕوفاتی ئەو دوو گۆڕە بەکۆمەڵەی مانگی ڕابردوو ھەڵدرانەوە، سیروان جەلال ڕوونی کردەوە: "لەنێو ھەردوو گۆڕەکەدا ڕوفاتی ١٧١ کەس ھەبوو، ئێستا ڕەوانەی پزیشکی دادی بەغدا کراون بۆ دەستنیشانکردنی ناسنامەی ئەو قوربانیانە، چونکە پکشنینی ئێسکیان بۆ دەکرێت و دواتر سامپلی خوێن لە کەسوکاریان وەردەگیرێت بۆ بەرواردکردنیان."

 

جەلال ئاشکرای کرد: "دوای دیارکردنی ناسنامەی ئەو ١٧١ ڕوفاتە بە ڕێوڕەسمی فەرمی دەگوازرێنەوە بۆ ھەرێمی کوردستان و ڕادەستی کەسوکاریان دەکرێن، ئەم جارە کۆدی ھەر ڕوفاتێکیش لەسەر گۆڕی شەھیدەکە دەنووسرێت بۆ ئەوەی ھەر خێزانێک گۆڕی شەھیدەکەی دیار بێت."

 

قائید میرۆ

 




دوایین هەواڵەکان

KDP زانیاری دەر‌بارەی ھاوبەشیپێکردنی کەرتی گشتی و کەرتی تایبەت لەلایەن حکوومەتەوە بڵاو دەکاتەوە

SATURDAY, 04 JULY 2020 22:07:52

ھەولێر-KDP.info- ڕۆژی چوارشەممە، ٢٠٢٠/٧/١، یاسای چاکسازی کەوتە بواری جێبەجێکردنەوە، بریکاری وەزارەتی پلاندانانیش ڕایگەیاند، جیا لە یاسای چاکسازی، ئەنجومەنی وەزیران بڕیاری بە پەسەندكردنی هاوبەشیپێکردنی كەرتی گشتی و كەرتی تایبەت لە پڕۆژەكاندا داوە، ئەوەش بۆ یەكەمین جارە لە هەرێمی كوردستان شێوازێكی نوێی كار بەم شێوەیە بنیات بنرێت.

پەیامی پیرۆزبایی دەزگای رۆشنبیری و راگەیاندنی پارتی دیموكراتی كوردستان بەبۆنەی (20)هەمین ساڵەی دامەزراندنی خانەی موكریانی

SATURDAY, 04 JULY 2020 21:07:54

بەڕێزان/ بەڕێوەبەر و کادیر و كارمەندانی خانەی موكریانی بۆ چاپ و بڵاوكردنەوە

بەبۆنەی (20)هەمین ساڵیادی دامەزراندنی خانەی موكریانی گەرمترین پیرۆزباییتان لێدەكەین و هیوادارین بەردەوام و سەرکەوتووبن لە كار و پڕۆژەکانتان بۆ پێشخستن و زیاتر برەودان بە بواری چاپەمەنی و بڵاوكردنەوە.

بروسكەی سەرەخۆشیی سەرۆك بارزانی بۆ كۆچی دوایی شێخ محەمەد شێخ عەبدولكەریم كەسنەزانی

SATURDAY, 04 JULY 2020 17:07:39

بەناوی خودای بەخشندە و میهرەبان

 
شاخەوان عەبدوڵڵا: دانوستانەکانی ئاساییکردنەوەی ڕەوشی کەرکووک قۆناغی زۆری بڕیوە

SATURDAY, 04 JULY 2020 17:07:25

هەولێر-PDK.info- پێکھاتەکانی کەرکووک دەیانەوێ ڕەوشی پارێزگاکەیان ئاسایی بکەنەوە، کە دوای ڕووداوەکانی ١٦ی ئۆکتۆبەر بەسەریاندا سەپێندرا و ئەندامێکی کوردی لیژنەی ئاساییکردنەوەی ڕەوشی کەرکووکیش وا دەڵێ.

 

"تاقیکردنەوەی کۆتاییی پۆلی ۱۲ی ئامادەیی لە ڕێکەوتی دیاریکراودا ئەنجام دەدرێت"

SATURDAY, 04 JULY 2020 17:07:22

هەولێر ـKDP.infoـ  ڕێکەوتێک دیاری کرابوو لە لایەن وەزارەتی پەروەردەی حکوومەتی هەرێمی کوردستان، تاقیکردنەوەی گشتی کۆتاییی پۆلە کۆتاکان ئەنجام بدرێت، هەربۆیە وەزیری پەروەردەی حکوومەتی هەرێمی کوردستان لە پرێسکۆنفرانسێکدا دووپاتی کردەوە، لە هەمان ڕێکەوتدا ئەنجام دەدرێت و هیچ بڕیارێک نییە بۆ دواکەوتنی، بەڵام قۆتابیان دەبێ ناچار بکرێن ماسک بەکار بێنن بۆ خۆپارێزی.

 


سه‌رۆك نێچیرڤان بارزانى: كاتى ئه‌وه‌یه‌ بگه‌ینه‌ تێگه‌یشتنێكى هاوبه‌ش و هه‌موو دۆسیه‌كان یه‌كلا بكه‌ینه‌وه‌

بەغدا-KDP.info- سه‌رۆك نێچیرڤان بارزانى له‌گه‌ڵ هه‌رسێ سه‌رۆكایه‌تى و سه‌ركرده‌ و لایه‌نه‌ عێراقییه‌كان، كێشه‌ و به‌رپرسیارییه‌تییه‌كانى به‌ هاوبه‌ش بۆ هه‌موو عێراقییان له‌ قه‌ڵه‌م دا و گوتى: هه‌موومان یه‌ك چاره‌نووسمان هه‌یه‌ و كێشه‌كانى عێراق و هه‌رێمى كوردستان كێشه‌ى هه‌موو عێراقییه‌كانه‌، دووپاتیشى كرده‌وه‌ دواى ئه‌زموونى تاڵى چه‌ندین ساڵى گرفت و كێشه‌ى نێوان هه‌ردوولا، ئیتر ده‌بێ نه‌چینه‌وه‌ سه‌ر ڕابردوو، به‌ڵكوو ئێستا كاتى ئه‌وه‌یه‌ بگه‌ینه‌ تێگه‌یشتنێكى هاوبه‌ش و به‌ ڕێككه‌وتنێكى گشتگیرى جێى ڕه‌زامه‌ندیى هه‌ردوولا كه‌ ئارامى و سه‌قامگیرى، دادپه‌روه‌رى و پێشكه‌وتن بۆ ئێستا و داهاتووى هاوبه‌شمان دابین بكات، كێشه‌كان به‌ یه‌كجارى چاره‌سه‌ر بكه‌ین.

 
© 2020 Kurdistan Democratic Party, KDP