Kurdî  ■  كوردی  ■  عربي
MON, 6 APR 2020 07:18 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

په‌یامى نێچیرڤان بارزانى، جێگرى سه‌رۆكى پارتی، له‌ یادى 16ى ئابدا
| KDP.info


هەولێر-KDP.info-  بەبۆنەی (73)ــەمین ساڵیادی دامەزراندنی پارتی دیموكراتی كوردستانه‌وه‌، پیرۆزبایی لە جه‌نابى سەرۆك بارزانى، مەكتەبی سیاسی، سەركردایەتی، هەموو لق و ناوچە و ڕێكخراو و بنكه‌كان، خانه‌واده‌ى شەهیدان و كادیران و جەماوەری پارتی دیموكراتی كوردستان دەكەم.

دامەزراندنی پارتی لە ساڵی 1946دا وەرچەرخانێكی مێژوویى بوو له‌ كوردستان، لەوكاتەوە ئیرادەی كوردستانییان به‌ هه‌موو پێكهاته‌كانییه‌وه‌ بۆ ئازادی و پێشكەوتن بووە هێز و بزووتنەوەیەكی ڕێكخراو و سەرتاسەری. دامەزراندنی پارتی بووە سەرەتای بووژانەوەیەكی گەورەی نیشتیمانی و نەتەوەیی و ڕۆشنبیری لەنێو كۆمەڵگەی كوردستاندا و گەلی كوردستان بووە خاوەن بزووتنەوەیەكی سیاسی حیساببۆكراو لە ناوچەكە و ڕۆژهەڵاتی نێوەڕاست و جیهاندا.

پارتی دیموكراتی كوردستان بە هەڵگیرساندنی شۆڕشی ئەیلوول بە ڕابه‌رایه‌تیى بارزانیی نەمر، بۆ یەكەمجار بووە خاوەن درێژترین و فراوانترین شۆڕش لە مێژووی هاوچەرخی كوردستاندا و توانی بەشێك لە ئامانجەكانی گه‌لى كوردستان لە ڕێككەوتنێكی سیاسیی فەرمیدا لەگەڵ حكوومەتی عێراق جێ بكاتەوە، ئەوەش بووە مایەی بەدەستهێنانی دانپێدانانێكی جیهانی بە ڕەوایەتیی دۆز و بزووتنەوەی ڕزگاریخوازی كوردستان، هەروەها لە شۆڕشی ئەیلوولدا پارتی بووە خاوەنی گەورەترین هێزی شۆڕشگێڕ لە ڕۆژهەڵاتی نێوەڕاستدا.

پارتی نسكۆ و سەختی بینیون، بەڵام چونكە خاوەن باوەڕ و بنچینەیەكی ڕیشەداری بەهێزە، هەمیشە توانیویەتی هەموو نسكۆ و سەختییەكان تێپەڕێنێت و مایەی مانەوە و سەركەوتن بێت بۆ كوردستانییان، هەروەها بەشدارێكی بەهێز بووە لە بزووتنەوەی دیموكراسی و مەدەنیی عێراقدا، لەبەرئەوە لە مێژووی عێراقیشدا خاوەن پێگەیەكی بەهێزە.

پارتی دیموكراتی كوردستان كە شانازیی گەورەی هەیە لە دروستبوون و پاراستنی پرۆسەی سیاسی و دیموكراسیی هەرێمی كوردستان و چەسپاندنی وەك قەوارەیەك لە دەستووری عێراقدا، لە هەمان كاتدا پارتی و پارتییەكان شانازیی بەڕێوەبردنی سەركەوتووانەی پرۆسەی ئاوەدانكردنەوە و پێشخستنی هەمەلایەنەی هەرێمی كوردستان و پاراستنى یه‌كڕیزى و ته‌بایى و كولتوورى پێكه‌وه‌ژیان و لێبورده‌یییان هەیە. قارەمانیه‌تیی ئەندامان و جەماوەری پارتی جارێكی دیكە لە بەرگریی قارەمانانەی پێشمەرگە لە شەڕی داعشدا خۆی نواندەوە كه‌ وەك هێزی پارێزەری ئازادیی جیهان، شانازییەكی گەورەی جیهانی تۆمار كرد.

پارتی وەك هێزێكی ڕیشەدار و بزووتنەوەیەكی جەماوەریی بنكەفراوان، خاوەن هێزێكی زۆر بەهێزی ئاوەدانی و نوێبوونەوە و پێشكەوتنە. لاوان و قوتابیان و ئافره‌تانى پارتی حەزێكی گەورەیان هەیە بۆ كار و ئاوەدانكردنەوەی كوردستان، پارتی بە پشتیوانیی تێكۆشەرە دێرین و بەئەزموونەكانی و جه‌ماوه‌رى دڵسۆزى كوردستان بەهێزتر دەبێت، هەر لەبەرئەوەش لە هەڵبژاردنەكانی هەرێمی كوردستان و عێراقدا سه‌رکه‌وتنی گه‌وره‌ی به‌ده‌ست هێنا، لەمەودواش پارتی بە كارنامە و پلانی بەرفراوانتر دەتوانێت زیاتر خزمەتی دۆز و ئامانجەكانی گەلی كوردستان به‌ هه‌موو پێكهاته‌كانییه‌وه‌ بكات.

دووباره‌ ئه‌م یاده‌ له‌ هه‌موو كوردستانییان پیرۆز بێت.

نێچیرڤان بارزانی
جێگری سەرۆكی پارتی دیموكراتی كوردستان
15/8/2019

 




دوایین هەواڵەکان

ڕاگەیێندراوی بارەگای بارزانی لە ساڵیادی جینۆسایدكردنی كوردە فەیلییەكان

SUNDAY, 05 APRIL 2020 22:04:10

هەولێر-KDP.info- چل ساڵ بەسەر تاوانی ئەنفال و جینوسایدكردنی كوردە فەیلییەكان لە لایەن ڕژێمی پێشووی عێراق تێدەپەڕێت، كە تێیدا دوازدە هەزار كوردی فەیلی ئەنفال و شوێنبزر و شەهید كران. جینۆسایدكردنی كوردە فەیلییەكان درێژكراوەی ئەو زنجیرە تاوانانە بوو كە لە سەدەی بیستەمدا لە لایەن ڕژێمە یەك لەدوای یەكەكانی عێراق، دژی گەلی كوردستان ئەنجام دراون.

لەبارەی کەمپینی کۆکردنەوەی پارە هۆشداری دەدرێت

SUNDAY, 05 APRIL 2020 19:04:29

هەولێر-KDP.info-  سەرچاوەیەك لە ئەنجومەنی وەزیرانی هەرێمی كوردستانەوە رایگەیاند، هیچ كەمپینێك بۆ كۆكردنەوەی پارە بەناوی هاوكاری رێگەپێدراو نییە و بۆ هیچ كەسێك یان لایەنێک نییە كەمپین رابگەیەنێت.

دەزگای خێرخوازی بارزانی لە دابه‌شكردنی خۆراك له‌ هه‌ڵه‌بجه‌ و سلێمانی و گه‌رمیان و ڕاپه‌ڕین به‌رده‌وام ده‌بێت

SUNDAY, 05 APRIL 2020 17:04:31

سلێمانی-KDP.info- له‌گه‌ڵ ڕاگه‌یاندنی قه‌ده‌خه‌ی هاتوچۆ به‌هۆی بڵاوبوونه‌وه‌ی ڤایرۆسی كۆرۆنا، ده‌زگای خێرخوازیی بارزانی هه‌ڵمه‌تێكی گه‌وره‌ی له‌ سه‌رتاسه‌ری كوردستان ده‌ست پێ كرد، به‌ دابه‌شكردنی سه‌به‌ته‌ی خۆراك بۆ ئه‌و خێزانانه‌ی پێویستیان پێییه‌تی.

 

"نەخۆشخانەی ڕزگاری دەبێتە ناوەندی چارەسەری کۆرۆنا"

SUNDAY, 05 APRIL 2020 16:04:16

هه‌ولێر-KDP.info-  دوای زیادبوونی ژمارەی تووشبوانی ڤایرۆسی کۆرۆنا، بەڕێوەبەرایەتیی گشتیی تەندروستیی ھەولێر، نەخۆشخانەی ڕزگاریی ئامادە کردووە و بەڕێوەبەری گشتیی تەندروستیی ھەولێریش دەڵێ، نەخۆشخانەی ڕزگاریی ھەولێر ٤٠٠ قەرەوێلەیە و ئامادەیە بۆ چارەسەرکردن.

 

ورده‌كاریی دروستكردنی یه‌كه‌یه‌كی ژمێریاری بۆ وه‌زاره‌تی پێشمه‌رگه‌ له ‌یاسای چاكسازیدا

SUNDAY, 05 APRIL 2020 15:04:21

هه‌ولێر-KDP.info-  سه‌رۆكی لیژنه‌ی پێشمه‌رگەی په‌رله‌مانی كوردستان گوتی، حكوومه‌تی هه‌رێمی كوردستان ده‌ستی به ‌جێبه‌جێكردنی یاسای چاكسازی كردووه‌ و ئه‌و یاسایەدا سوودی زۆری بۆ پێشمه‌رگه‌ ده‌بێت، چونكه‌ هه‌موو هێزه‌كانی پێشمەرگه‌ له ‌چوارچێوه‌ی یه‌ك یه‌كه‌ی ژمێریاریدا مووچه‌ وه‌رده‌گرن و هیچ كه‌سێك ناتوانێ به‌ نایاسایی مووچه‌ وه‌رگرێت و بۆ هه‌ر پێشمه‌رگه‌یه‌ك چه‌ك دروست ده‌كرێت و له‌ بانك مووچه‌ وه‌رده‌گرێت، به‌مه‌ش هه‌موو هێزی پێشمه‌رگه‌ له‌ چوارچێوه‌ی وه‌زاره‌تی پێشمه‌رگەدا‌ ده‌بێت و پاره‌ش له‌ ده‌ست ئه‌وان ده‌بێت.

 



 
© 2020 Kurdistan Democratic Party, KDP