Kurdî  ■  كوردی  ■  عربي
WED, 19 FEB 2020 00:47 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"لایەنە عێراقییەکانیش لەگەڵ خەرجکردنی مووچەی فەرمانبەرانی هەرێم دان"
| KDP.info


هەولێر-KDP.info-  پەرلەمانتارێکی پارتی دەڵێ، لایەنە عێراقییەکانیش گەیشتوونەتە ئەو باوەڕی کە دەبێ خەرجکردنی مووچەی فەرمانبەرانی هەرێم بەردەوامی هەبێ و لە پرسەکانی دیکە جوودا بکرێتەوە.

ھەدار بارزانی، جێگری سەرۆکی لیژنەی شەھیدان لە پەرلەمانی عێراق بەماڵپەڕی فەرمیی پارتی دیموکراتی کوردستانی راگەیاند: "بەپێی رێکەوتنی کۆتلەکان لەسەر یاسای بودجەی گشتیی عێراق بەھیچ شێوەیەک حکوومەتی عێراق ناتوانێت مووچەی فەرمانبەرانی ھەرێمی کوردستان ببڕێت، چونکە بەگوێرەی یاسای بودجە مووچەی فەرمانبەران خەرج دەکرێت و ئەگەر ھەرێمی کوردستان رۆژانە ٢٥٠ ھەزار بەرمیلی نەوت رادەستی بەغدا بکات ئەوا پشکی بودجە رەوانە دەکرێ و بە پێچەوانەوە نرخی نەوت لە بازاڕی جیھاندا چەندە ئەوا لەبەرانبەر پارەی ٢٥٠ ھەزار بەرمیل لە پشکی بودجەی ھەرێم دەبڕدرێت  و ئەوەی دەمێنێتەوە رەوانە دەکرێت."
جێگری سەرۆکی لیژنەی شەھیدان دەشڵێ، کارکردنی لەسەر ئامادەکردنی پڕۆژەیاسای بودجەی ساڵی ٢٠٢٠ بەردەوامی ھەیە و بڕیارە بەر لە کۆتایی ئەمساڵ پڕۆژەیاسای بودجە بگاتە پەرلەمانی عێراق تا خوێندنەوەی یەکەمی بۆ بکرێ.
پێوەست بە پشکی هەرێم لە بودجەی گشتیی عێراقدا، هەدار بارزانی گوتی، پێویستە هەولێر و بەغدا رێککەوتن بکەن، چونکە ھیچ لایەنێک لەگەڵ ئەوەدانیە مووچەی فەرمانبەرانی ھەرێمی کوردستان ببڕدرێت لەلایەن عێراقەوە، ھەتا لایەنە عێراقییەکانیش لەگەڵ ئەوەدانین ناردنی مووچەی فەرمانبەران لە ساڵی داھاتووش بەردەوامی ھەبێت، بەڵام ئەوان دوپات لەوە دەکەنەوە ئەگەر ھەرێم نەوت رادەستی بەغدا نەکات جگە لە مووچە، پشکی بودجەی ھەرێم رەوانە نەکرێت.
قائید میرۆ




دوایین هەواڵەکان

''پەڕەپێدانی ھاوكاریی کەلتووریی هەرێمی کوردستان لەگەڵ شاری کراکۆڤ لە پۆڵۆنیا تاوتوێ کرا''

TUESDAY, 18 FEBRUARY 2020 19:02:37

هەولێر -KDP.info- زیاد ڕەئووف، نوێنەری حکوومەتی هەرێمی کوردستان لە وڵاتی پۆڵۆنیا کۆبوونەوەیەکی تایبەتی لەگەڵ بەڕێز، ڕۆبەرت پیاسکۆڤسکی (Robert Piaskowski)، نوێنەری تایبەتی پارێزگاری کراکۆڤ بۆ کاروباری کەلتووری، ئەنجام دا.

 
چاودێرێكی سیاسی: چوونی شاندی سیاسیی كورد بۆ به‌غدا گرنگه‌

TUESDAY, 18 FEBRUARY 2020 17:02:28

هه‌ولێر -KDP.info- چاودێرێكی سیاسی ده‌ڵێ، چوونی شاندی سیاسیی كورد بۆ به‌غدا گرنگه،‌ بۆ ئه‌وه‌ی به‌رچاوڕوونیان هه‌بێت له‌باره‌ی پێكهێنانی حكوومه‌تی نوێ و هیچ حكوومه‌تێك به‌بێ پێكهاته‌كان پێک نایەت و حكوومه‌تیش كاتی ده‌بێت و ته‌نیا بۆ شه‌ش مانگ ده‌بێت، به‌ڵام ناتوانێ به‌ ته‌نها حكوومه‌ت به‌ڕێوه‌ ببات و سه‌ركه‌وتوو نابێت.

 

"وەزارەتی پیشەسازی و بازرگانی پلانی ھەیە بۆ بەکارخستنەوەی زیاتر لە دووھەزار کارگە"

TUESDAY, 18 FEBRUARY 2020 16:02:16

هەولێر-KDP.info- بەھۆی قەیرانی دارایی و شەڕی بەرەنگاربوونەوەی داعشەوە سەدان کارگە لە ھەرێمی کوردستان داخراون و وەزارەتی پیشەسازی و بازرگانیش پلانی ھەیە بۆ ئەوەی کارگە داخراوەکان بەگەڕ بخرێنەوە.

سەرۆكی حكومەتی هەرێمی كوردستان لەگەڵ سەرۆك وەزیرانی ڤاتیكان كۆبووەوە

TUESDAY, 18 FEBRUARY 2020 16:02:32

ڤاتیكان-KDP.info- ئەمڕۆ سێشەممە 2020/2/18 مەسروور بارزانی سەرۆكی حكومەتی هەرێمی كوردستان لە گەڵ كاردینال پێترۆ پارۆلین سەرۆك وەزیرانی ڤاتیكان كۆبووەوە. 

سەرۆکی حکومەتی هەرێمی کوردستان لە گەڵ سەرۆک وەزیرانی ئیتالیا کۆدەبێتەوە

TUESDAY, 18 FEBRUARY 2020 14:02:10

هەولێر-KDP.info-  ئەمڕۆ سێشەممە 2020/2/18 مەسرور بارزانی سەرۆکی حکومەتی هەرێمی کوردستان لە رۆما لە گەڵ جوزێپێ کۆنتێ سەرۆک وەزیرانی ئیتالیا کۆبووەوە.



 
© 2020 Kurdistan Democratic Party, KDP