Kurdî  ■  كوردی  ■  عربي
MON, 6 APR 2020 09:40 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"بڕیارە ھێزێکی ھاوبەش بۆ ڕێگریکردن لە پێشێلکارییەکانی حەشد لە دەوروبەی مووسڵ جێگیر بکرێت"
| KDP.info


مووسڵ -KDP.info- بەرپرسێکی پارتی دیموکراتی کوردستان لە پارێزگای نەینەوا ئاشکرای کرد، دەشتی نەینەوا لە لایەن ھێزێکی ھاوبەشەوە بەڕێوە دەبرێت، ئەوەش بۆ ڕێگریکردن لە پێشێلکارییەکانی حەشدی شەعبییە و دەشڵێ، سەرۆکوەزیرانی عێراق لەو ئاڵۆزییانە ئاگادار کراوەتەوە کە لیوای ٣٠ی حەشد دەیانکەن.

شیلان باجەلان، کارگێڕی لقی ١٤ی مووسڵ، بە ماڵپەڕی فەرمیی پارتی دیموکراتی کوردستانی ڕاگەیاند: "چەند یەکەیەکی حەشدی شەعبی لە سنووری پارێزگای نەینەوا سەرچاوەی ئاڵۆزییەکانی ئەو سنوورەن و لەو چوارچێوەیەدا عادل عەبدولمەھدی، سەرۆکوەزیرانی عێراق، کە ھاوکات فەرماندەی ھێزە چەکدارەکانیشە، بڕیاری داوە لیوای ٣٠ی حەشد لە دەشتی نەینەوا پاشەکشە بکات و ناوچەکە چۆڵ بکات، بەڵام دوای دەرچوونی بڕیارەکە، حەشدی شەعبی ھاووڵاتیانی ناوچەکەی بۆ خۆپێشاندان دژی بڕیارەکەی سەرۆکوەزیرانی عێراق بەکار ھێنا و، ھەتا ھەڕەشەی لە گوندەکانی سنوورەکە کردووە ھەر گوندێک ١٠٠ کەس بنێرن بۆ خۆپێشاندان."

بەرپرسەکەی پارتی لە شاری مووسڵ گوتیشی: "دوای گرتنی ڕێگای مووسڵ- ھەولێر و بەڕێوەچوونی خۆپیشاندان بڕیار دراوە لیواکەی حەشد لە شوێنی خۆیان بمێننەوە، بەڵام ھێزێکی ھاوبەش لە پۆلیس و سوپای عێراق و ھێزەکانی دیکەش لە ناوچەکە جێگیر دەکرێن و بە ھاوبەشی مەلەفی ئەمنی سنوورەکە بەڕێوە دەبەن، چونکە ھەبوونی ئەو ھێزەی حەشد کێشەی بۆ خەڵکی دەشتی نەینەوا ناوەتەوە."

شیلان باجەلان ئاماژەی بۆ ئەوە کرد: "دەرکردنی بڕیاری گرتنی بارەگاکانی حەشدی شەعبی، بەتایبەتی لیوای ٣٠، لەوەوە ھاتووە، کە بەپێی ئەو زانیارییانەی گەیشتوونەتە دەست عادل عەبدولمەھدی، ئەو ھێزەی حەشد دەستی لە چەندین پێشێلکاریدا ھەبووە، لەوانە وەرگرتنی پارە و سەرانە لە خەڵکی ناوچەی دەشتی نەینەوا بە ھەموو پێکھاتەکانەوە، لەبەر ئەوە پێمان وایە تا میلیشیات لە سنووری پارێزگای نەینەوا بمێنێت، کێشەی زیاتر بۆ خەڵکی ئەو ناوچانە دەنێنەوە و حەشدی شەعبی خۆی بەشێکە لە ئاڵۆزییەکان."

قائید میرۆ

 




دوایین هەواڵەکان

ڕاگەیێندراوی بارەگای بارزانی لە ساڵیادی جینۆسایدكردنی كوردە فەیلییەكان

SUNDAY, 05 APRIL 2020 22:04:10

هەولێر-KDP.info- چل ساڵ بەسەر تاوانی ئەنفال و جینوسایدكردنی كوردە فەیلییەكان لە لایەن ڕژێمی پێشووی عێراق تێدەپەڕێت، كە تێیدا دوازدە هەزار كوردی فەیلی ئەنفال و شوێنبزر و شەهید كران. جینۆسایدكردنی كوردە فەیلییەكان درێژكراوەی ئەو زنجیرە تاوانانە بوو كە لە سەدەی بیستەمدا لە لایەن ڕژێمە یەك لەدوای یەكەكانی عێراق، دژی گەلی كوردستان ئەنجام دراون.

لەبارەی کەمپینی کۆکردنەوەی پارە هۆشداری دەدرێت

SUNDAY, 05 APRIL 2020 19:04:29

هەولێر-KDP.info-  سەرچاوەیەك لە ئەنجومەنی وەزیرانی هەرێمی كوردستانەوە رایگەیاند، هیچ كەمپینێك بۆ كۆكردنەوەی پارە بەناوی هاوكاری رێگەپێدراو نییە و بۆ هیچ كەسێك یان لایەنێک نییە كەمپین رابگەیەنێت.

دەزگای خێرخوازی بارزانی لە دابه‌شكردنی خۆراك له‌ هه‌ڵه‌بجه‌ و سلێمانی و گه‌رمیان و ڕاپه‌ڕین به‌رده‌وام ده‌بێت

SUNDAY, 05 APRIL 2020 17:04:31

سلێمانی-KDP.info- له‌گه‌ڵ ڕاگه‌یاندنی قه‌ده‌خه‌ی هاتوچۆ به‌هۆی بڵاوبوونه‌وه‌ی ڤایرۆسی كۆرۆنا، ده‌زگای خێرخوازیی بارزانی هه‌ڵمه‌تێكی گه‌وره‌ی له‌ سه‌رتاسه‌ری كوردستان ده‌ست پێ كرد، به‌ دابه‌شكردنی سه‌به‌ته‌ی خۆراك بۆ ئه‌و خێزانانه‌ی پێویستیان پێییه‌تی.

 

"نەخۆشخانەی ڕزگاری دەبێتە ناوەندی چارەسەری کۆرۆنا"

SUNDAY, 05 APRIL 2020 16:04:16

هه‌ولێر-KDP.info-  دوای زیادبوونی ژمارەی تووشبوانی ڤایرۆسی کۆرۆنا، بەڕێوەبەرایەتیی گشتیی تەندروستیی ھەولێر، نەخۆشخانەی ڕزگاریی ئامادە کردووە و بەڕێوەبەری گشتیی تەندروستیی ھەولێریش دەڵێ، نەخۆشخانەی ڕزگاریی ھەولێر ٤٠٠ قەرەوێلەیە و ئامادەیە بۆ چارەسەرکردن.

 

ورده‌كاریی دروستكردنی یه‌كه‌یه‌كی ژمێریاری بۆ وه‌زاره‌تی پێشمه‌رگه‌ له ‌یاسای چاكسازیدا

SUNDAY, 05 APRIL 2020 15:04:21

هه‌ولێر-KDP.info-  سه‌رۆكی لیژنه‌ی پێشمه‌رگەی په‌رله‌مانی كوردستان گوتی، حكوومه‌تی هه‌رێمی كوردستان ده‌ستی به ‌جێبه‌جێكردنی یاسای چاكسازی كردووه‌ و ئه‌و یاسایەدا سوودی زۆری بۆ پێشمه‌رگه‌ ده‌بێت، چونكه‌ هه‌موو هێزه‌كانی پێشمەرگه‌ له ‌چوارچێوه‌ی یه‌ك یه‌كه‌ی ژمێریاریدا مووچه‌ وه‌رده‌گرن و هیچ كه‌سێك ناتوانێ به‌ نایاسایی مووچه‌ وه‌رگرێت و بۆ هه‌ر پێشمه‌رگه‌یه‌ك چه‌ك دروست ده‌كرێت و له‌ بانك مووچه‌ وه‌رده‌گرێت، به‌مه‌ش هه‌موو هێزی پێشمه‌رگه‌ له‌ چوارچێوه‌ی وه‌زاره‌تی پێشمه‌رگەدا‌ ده‌بێت و پاره‌ش له‌ ده‌ست ئه‌وان ده‌بێت.

 



 
© 2020 Kurdistan Democratic Party, KDP