Kurdî  ■  كوردی  ■  عربي
MON, 6 JUL 2020 23:50 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

رێگای بەردەڕەش بۆ کەڵەک بڕی ٣٠٠ ملیۆن دیناری دیکەی بۆ تەرخان کرا
| KDP.info


بەردەڕەش-KDP.info- بریکاری وەزارەتی ئاوەدانکردنەوەی حکوومەتی ھەرێمی کوردستان بۆ کاروباری رێگاوبان دەڵێ، حکوومەتی ھەرێمی کوردستان بودجەی بۆ نۆژەنکردنەوەی رێگای بەردەڕەش کەڵەک تەرخان کردووە و، بڕیاریشە دوای تەواو بوونی رێگای چەمە بۆ ھەولێر، رێگای بەردەڕەش کەڵەکیش بکرێتە دووساید.

سدقی ئامێدی، بە ماڵپەڕی فەرمیی پارتی دیموکراتی کوردستانی راگەیاند، کە رێگای بەردەڕەش بۆ کەڵەک بە تەواوی تێکچووە و پێویستی بە نوژەنکردنەوە ھەیە، حکوومەتی ھەرێمیش ماوەیەک پێش ئێستا ٥٠٠ ملیۆن دیناری بۆ نوژەنکردنەوەی تەرخان کردووە، ئێستاش ٣٠٠ ملیۆنی دیکەی بۆ تەرخان کراوە و، نوژەنکردنەوەی ئەو رێگایەش دەستی پێکردووە و بەشێوەیەکی باش نوژەندەکرێتەوە، چونکە رێگایەکی ستراتیژییە و ھەموو ھاتووچۆی ئۆتۆمبێلی بار ھەڵگر بۆ کاری بازرگانی بەوێدا ھاتووچۆ دەکەن.

ئامێدی گوتیشی: "جگە لەوەش بڕیارە لە ماوەیەکی کەمدا دەست بە تەواوکردنی رێگای دووسایدی نێوان روڤیا بۆ بەردەڕەش بکرێت، چونكه‌ تەواوکردنی ئەو رێگایە ماوه‌یه‌ك بوو وەستابوو.

بریکاری وەزارەتی ئاوەدانکردنەوە باسی لەوەشکرد، بڕیارە ئەو رێگایەش بکرێتە دووساید، بەڵام بەھۆی ئەوەی رێگای بەدیل نییە، جارێ تەنیا نۆژەن دەکرێتەوە و ھەر کاتێک رێگای چەمە بۆ ھەولێر تەواو بوو، ئەوکات دەست دەکرێت بە درووستکردنی رێگای دووسایدی بەردەرەش بۆ کەڵەک.

 

 

بڵند ئیبراھیم  

 

 




دوایین هەواڵەکان

د. محەمەد قادر: لە چەند ڕۆژی داھاتوو ھاوکارییەکان ڕێکخراوی WHO دەگەنە ھەرێمی کوردستان

MONDAY, 06 JULY 2020 20:07:07

ھەولێر-KDP.info-  گوتەبێژی وەزارەتی تەندروستیی ڕایگەیاند، بەھۆی بەردەوامیی شەپۆلی دووەمی ڤایرۆسی کۆرۆناوە، بە باشیان زانیوە دەربارەی نەخۆشییەکە و چۆنیەتیی ڕووبەڕووبوونەوەی لە قۆناغی ئێستادا پەیوەندی بە ڕێکخراوی تەندروستیی جیھانییەوە بکەن ، دەڵێت، بە خۆشحاڵییەوە ئەوانیش ئامادەیییان دەربڕیوە و لە کۆتاییی ئەم ھەفتەیەدا ھاوکارییە تەندروستییەکان لە ڕێگای شاندێکی ڕێکخراوی تەندروستیی جیھانی WHO دەگەنە ھەرێمی کوردستان و، دەشڵێ، بارودۆخی بڵاوبوونەوەی ڤایرۆسی کۆرۆنا بەردەوامە، پێویستە ھاونیشتمانیان زیاتر خۆیان بپارێزن و ڕێنماییەکانی تەندروستی جێبەجێ بکەن.

 
ھندرێن دۆسکی: خاڵی ناکۆکی نێوان ھەرێم و بەغدا نەماون بۆ گەیشتن بە ڕێککەوتن

MONDAY, 06 JULY 2020 18:07:03

هەولێر -PDK.info-  بڕیارە سبەی شاندی دانوستانکاری حکوومەتی ھەرێمی کوردستان بۆ درێژەدان بە دانوستان لەگەڵ حکوومەتی فیدڕاڵ سەردانی بەغدا بکات و پەرلەمانتارێکی فراکسیۆنی پارتیش پێی وایە، تەنھا ھەندێ گرفتی تەکنیکی ماون و ھەردوولا دەیانەوێ بگەنە ڕێککەوتن.

 

وەزارەتی شارەوانی ١٠% خەرجییەکانی کەم دەکاتەوە

MONDAY, 06 JULY 2020 18:07:46

ھەولێر -KDP.info-  گوتەبێژی وەزارەتی شارەوانی و گەشتوگوزاری حکوومەتی ھەرێمی کوردستان گوتی، لە چوارچێوەی چاکسازی و پێداچوونەوە بە خەرجییەکانی وەزارەتی شارەوانی توانرا ١٠% خەرجییەکان کەم بکرێتەوە بەبێ ئەوەی کاریگەریی لەسەر خزمەتگوزارییەکان ھەبێت.

 

بەرپرسى پەیوەندییەکانى پارتى و بەرپرسى بەرەى تورکمانى تەئکیدیان لە هەماهەنگى و پەیوەندیى نێوانیان کردەوە

MONDAY, 06 JULY 2020 17:07:35

هەولێر -KDP.info-  ئەمڕۆ عەلى حسێن، بەرپرسى مەکتەبى پەیوەندییەکانى کوردستانى و عێراقیى پارتى دیموکراتى کوردستان، بە یاوەریى بەرپرسى دیسکى پارتە تورکمانییەکان و ئەندامانى مەکتەب، سەردانى بەرەى تورکمانیى عێراقییان لە شارى هەولێر کرد و لەلایەن ئایدن مەعرووف، ئەندامى مەکتەبى سیاسى و وەزیرى هەرێم بۆ کاروبارى پێکهاتەکان و هیمداد بیلال، سەرۆکى فراکسیۆنى بەرەى تورکمانى و بەرپرسى هەولێرى بەرەکە پێشوازیی لی کرا.

 

ڕاپۆرتێك له‌سه‌ر ڕه‌وشى ناوچه‌ كوردستانییه‌كانی ده‌ره‌وه‌ى ئیداره‌ى هه‌رێم ئاماده‌ ده‌كرێت

MONDAY, 06 JULY 2020 16:07:15

هەولێر-KDP.info-  بە مەبه‌ستی تاووتوێكردن و ئاماده‌كردنی ڕاپۆرتێك سه‌باره‌ت به ڕه‌وشی ناوچه‌ كوردستانییه‌كانی ده‌ره‌وه‌ى ئیداره‌ى هه‌رێم، ڕۆژی یەکشەممە 2020/7/5، لیژنەی ناوچە کوردستانییەکانی دەرەوەی ئیدارەی ھەرێم له‌ په‌رله‌مانی كوردستان، بە سەرپەشتیی جوان یونس ڕۆژبەیانی، سەرۆکی لیژنەکە و ئامادەبوونی جێگری سەرۆکى لیژنە و بڕیاردەر و ئەندامان و ڕاوێژکارانی لیژنەكه‌ کۆ بووەوە.

 


سه‌رۆك نێچیرڤان بارزانى: كاتى ئه‌وه‌یه‌ بگه‌ینه‌ تێگه‌یشتنێكى هاوبه‌ش و هه‌موو دۆسیه‌كان یه‌كلا بكه‌ینه‌وه‌

بەغدا-KDP.info- سه‌رۆك نێچیرڤان بارزانى له‌گه‌ڵ هه‌رسێ سه‌رۆكایه‌تى و سه‌ركرده‌ و لایه‌نه‌ عێراقییه‌كان، كێشه‌ و به‌رپرسیارییه‌تییه‌كانى به‌ هاوبه‌ش بۆ هه‌موو عێراقییان له‌ قه‌ڵه‌م دا و گوتى: هه‌موومان یه‌ك چاره‌نووسمان هه‌یه‌ و كێشه‌كانى عێراق و هه‌رێمى كوردستان كێشه‌ى هه‌موو عێراقییه‌كانه‌، دووپاتیشى كرده‌وه‌ دواى ئه‌زموونى تاڵى چه‌ندین ساڵى گرفت و كێشه‌ى نێوان هه‌ردوولا، ئیتر ده‌بێ نه‌چینه‌وه‌ سه‌ر ڕابردوو، به‌ڵكوو ئێستا كاتى ئه‌وه‌یه‌ بگه‌ینه‌ تێگه‌یشتنێكى هاوبه‌ش و به‌ ڕێككه‌وتنێكى گشتگیرى جێى ڕه‌زامه‌ندیى هه‌ردوولا كه‌ ئارامى و سه‌قامگیرى، دادپه‌روه‌رى و پێشكه‌وتن بۆ ئێستا و داهاتووى هاوبه‌شمان دابین بكات، كێشه‌كان به‌ یه‌كجارى چاره‌سه‌ر بكه‌ین.

 
© 2020 Kurdistan Democratic Party, KDP