Kurdî  ■  كوردی  ■  عربي
WED, 22 JAN 2020 22:21 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پارتی پۆستێکی دیکەی پارێزگای مووسڵ وەردەگرێتەوە
| KDP.info


مووسڵ -KDP.info- سەرۆکی ئەنجومەنی پارێزگای مووسڵ گوتی، لە مووسڵ چوار بەڕێوەبەری گشتی ھەیە و یەکێک لەوانە کە پۆستی بەڕێوەبەری گشتیی تەندروستییە دراوە بە پارتی دیموکراتی کوردستان و کاندیدیشی دیاری کراوە و لە کۆبوونەوەی داھاتوودا دەنگی لەسەر دەدەن و ھەڵدەبژێردرێت.

سەرۆکی ئەنجومەنی پارێزگای مووسڵ، سەیدۆ چەتۆ، بۆ ماڵپەڕی فەرمیی پارتی دیموکراتی کوردستان گوتی: "لەسەر ئاستی پارێزگای مووسڵ چوار بەڕێوەبەری گشتی ھەیە، ئەوانیش پەروەردە و تەندروستی و وەبەرھێنان و پۆلیس، یەکێک لەوانە پشکی پارتی دیموکراتی کوردستانە، ئەویش بەڕێوەبەری تەندروستییە و ناوی کاندیدیش پێشکەش کراوە و لە دانیشتنی داھاتوودا دەنگی لەسەر دەدەین و پەسەند دەکرێت و ئەو پۆستەش وەردەگرین."

سەیدۆ چەتۆ گوتیشی: "جگە لەبەڕێوەبەری گشتی، کۆمەڵێک پۆستی دیکەی خزمەتگوزاری وەردەگرین کە پشکی پارتی دیموکراتی کوردستانن، چونکە بەپێی ئیستحقاقی ھەڵبژاردن ئێمە ٣٣%ی ئەنجومەن پێک دێنین و پشکی ئێمەش زیاتر لە٣٠%ی پۆستەکانی مووسڵە، بۆیە لە ھەرچوار پۆست یەکێک پشکی پارتی دیموکراتی کوردستانە."

چەتۆ باسی لەوەش کرد: "ھەر پۆستێک پشکی پارتی دیموکراتی کوردستان بێت وەریدەگرینەوە و لە ماوەی ڕابردووشدا دوای لادانی پارێزگار و جێگرەکانی یەکێکیان پشکی پارتی بوو، ئەو پۆستەشمان وەرگرتەوە."

بڵند ئیبراھیم




دوایین هەواڵەکان

سەرۆك بارزانی پێشوازی لە پارێزگاری موسەننا و شاندێكی یاوەری دەكات

WEDNESDAY, 22 JANUARY 2020 17:01:49

هەولێر-KDP.info-  ڕۆژی چوارشەممە 22ـی 1ـی 2020 لە سەلاحەددین سەرۆك مەسعود بارزانی پێشوازی لە ئەحمەد مەنفی جەودە پارێزگاری موسەننا و شاندێكی یاوەری كرد.

سه‌رۆكى هه‌رێمى كوردستان له‌گه‌ڵ سه‌رۆكى ڕێكخراوى جایكا كۆبوه‌وه‌

WEDNESDAY, 22 JANUARY 2020 17:01:49

هەولێر-KDP.info- سه‌رۆك نیچیرڤان بارزانى له‌ كۆبوونه‌وه‌یه‌كدا له‌گه‌ڵ به‌ڕێز شینیچى كیتائۆكا سه‌رۆكى ئاژانسى جایكاى ژاپۆنى، سوپاس و پێزانینى هه‌رێمى كوردستانى بۆ كار و پرۆژه‌كانى ڕێكخراوه‌كه‌ ده‌ربڕى كه‌ بۆ ماوه‌ى چه‌ندین ساڵ خزمه‌تیان به‌ هه‌رێمى كوردستان كردووه‌ و جێپه‌نجه‌یان به‌ پرۆسه‌ى ئاوه‌دانكردنه‌وه‌ى هه‌رێمى كوردستانه‌وه‌ دیاره‌.

ئەنجومەنی وەزیران پەیڕەوی پیادەکردنی پیشەی ژمێریاریی و وردبینی لە هەرێمی کوردستان پەسەند کرد

WEDNESDAY, 22 JANUARY 2020 17:01:40

هەولێر-KDP - ئەمڕۆ چوارشەممە 2020/1/22 ئەنجومەنی وەزیرانی هەرێمی کوردستان بە سەرپەرشتی مەسرور بارزانی سەرۆکی ئەنجومەنی وەزیران و ئامادەبوونی قوباد تاڵەبانی جێگری سەرۆک وەزیران کۆبوونەوەی ئاسایی خۆی ئەنجامدا.

سه‌رۆكى هه‌رێمى كوردستان چاوى به‌ سه‌رۆك وه‌زیرانى ئوردن كه‌وت‌

WEDNESDAY, 22 JANUARY 2020 17:01:54

هەولێر-KDP.info-  هه‌ر له‌ په‌راوێزى به‌شداریكردنیدا له‌ كۆڕبه‌ندى ئابووریى جیهان له‌ داڤۆس، پاشنیوه‌ڕۆى ئه‌مڕۆ چوارشه‌ممه‌ 22/1/2020 به‌ڕێز نێچیرڤان بارزانى، سه‌رۆكى هه‌رێمى كوردستان، چاوى به‌ به‌ڕێز عومه‌ر ئه‌لڕه‌زاز سه‌رۆك وه‌زیرانى ئوردن كه‌وت.

نێچیرڤان بارزانى له‌گه‌ڵ وه‌زیرى ده‌ره‌وه‌ى سعوودیه‌ كۆبووه‌وه‌

WEDNESDAY, 22 JANUARY 2020 17:01:03

هەولێر-KDP.info-  سه‌رۆك نێچیرڤان بارزانى له‌گه‌ڵ وه‌زیرى ده‌ره‌وه‌ى عه‌ره‌بستانى سعوودیه‌ دۆخى عێراق و خۆپیشاندانه‌كانى به‌غدا و پارێزگاكانى دیكه‌ى وڵات و داواكارییه‌كانیان و داهاتووى پرۆسه‌ى سیاسى له‌ عێراق تاوتوێ ده‌كه‌ن و جه‌خت له‌ هه‌وڵى هێوردكردنه‌وه‌ى گرژییه‌كان و ڕێگرى له‌ په‌ره‌نه‌سه‌ندنى ئاڵۆزییه‌كان ده‌كه‌نه‌وه‌.



 
© 2020 Kurdistan Democratic Party, KDP