Kurdî  ■  كوردی  ■  عربي
WED, 11 DEC 2019 13:35 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هەمیشە كەركووك
| KDP.info


ئاریان فەرەج

زۆرمان دەگووت كەركوك كێشەی نێوان كورد و دەوڵەتی عێراقە نەك نێوان كورد و كورد، كێشەی خاك و ناسنامە و وجودە نەك پۆست و بەركەوتی حزبی، هەر كاتێك بۆ چركەیەك لەم راستییە غافڵ بووبین، دەم و دەست شۆڤێنی و قەومەچی و تەعریبچیەكان بەبیریان هێناوینەوە.

تەعریبچی و شۆڤێنی و تائیفی و بەعسییەكان هەڵەن گەر وابزانن شازدەی ئۆكتۆبەر ناسنامەی كەركوكی گۆڕیوە و واقیعێكی نوێی بەدڵی ئەوانی بۆ هەتا هەتایە لەو شارەدا هێناوەتە وجود و كوردیش تەسلیم بەو واقیعە تاڵە بووە. گەر داگیركاری و لەشكركێشی و وەدەرنانی كورد و هاوردەكردنی عەرەب و ئینكاری كوردستانیەتی كەركوك، ئەو شارەی لە كورد و كوردستان دابڕیبا، ئەوا زۆر دەمێك بوو دەستمان لە كەركوك شووشتبوو. ئێمە لەبەرامبەر تەعریب و دەستبەسەرداگرتن و جەور و ستەمی شۆڤێنیزم دەرهەق كەركوك، خاوەنی ئەو فەرمودەیەی بارزانی نەمرین كە دەفەرموێ كەركوك تاكە كوردێكیشی تێدا نەمێنێ هەر كوردستانە. ئەو عەقڵە ژەنگگرتووانەی پێیانوایە كورد و نەوەكانی بارزانی بە غەدری شازدەی ئۆكتۆبەر دەست لەو شارە هەڵدەگرن، نە مێژووی كوردیان ناسیوە و نە دەزانن كەركوك لای كورد مانای چی. 

كورد واقیعبینە و دەشزانێ گێڕانەوەی كەركوك و حەق بۆ خاوەن حەق ئامانجێكی سەختگیرە و حەوسەڵە و خەباتی ماندوویی نەناسانەی پشوودرێژی دەوێت، كەركوكیشی بۆ هەموو خاوەن و پێكهاتە راستەقینە و رەسەنەكانی دەوێت نەك تەنیا بۆ خۆی، ئەوە قەومەچییەتی عەرەبە كە كەركوكێكی یەك رەنگی داسەپاوی تەپەسەكراوی دەوێت، دەنا روانگای كورد بۆ كەركوك شاری هاوژییانی و پێكەوەیی و برایەتیییە، كورد جگە لە ناسنامەی كوردستانییەتی ئەو شارە، پێداگیرییەكی دیكەی نییە، جگە لە رزگاركردنی ئەو شارە لە هەژمونی توندرۆیی قەومەچی و تائیفی ومیلیشیایی كە دژی ژیان و پێكەوەیی و ئارامی و مافی كۆی پێكهاتەكانی شارەكەن، ئامانجێكی دیكەی نییە. لەو پێناوەشدا لەگەڵ بەغدا و لەگەڵ پێكهاتە رەسەنەكانی شارەكە كە لە شۆڤێنیزم وەك كورد بەدبەختی و ستەمیان چێشتووە، وەك هەمیشە ئامادەی گفتوگۆ و لێكگەیشتنە، بۆ كورد تەنیا ئینكاری كوردستانیەتی كەركوك هێڵی سووری بێ مساوەمەیە.




دوایین هەواڵەکان

یەکێتی ئافرەتانی کوردستان لە شەست و حەوتەمین ساڵەی دامەزراندنیدا

WEDNESDAY, 11 DECEMBER 2019 13:12:18

د. ڤیان سلێمان

 
جێگری سەرۆکی پارتی دیموکراتی کوردستان، پەیامێک ئاڕاستەی یەکێتی ئافرەتان دەکات

WEDNESDAY, 11 DECEMBER 2019 11:12:46

هەولێر-KDP.info- نێچیرڤان بارزانی جێگری سەرۆکی پارتی دیموکراتی کوردستان، بە بۆنەی ٦٧ەمین ساڵیادی دامەزراندنی رێکخراوەکەیانەوە، پەیامێک ئاڕاستەی یەکێتی ئافرەتانی کوردستان دەکات، و دەڵێ ئەو رێکخراوە خاوەنی مێژوویەکی پڕ سەروەری و تێکۆشانە، ڕۆڵی گرینگ و بەرپرسیارانەی هەبووە لە قۆناغە جیاجیاکانی خەباتی نیشتیمانی و نەتەوەییماندا و، پێشەنگی خەباتی مەدەنی و ڕێکخراوەییە لە کوردستاندا.

 
سارا دڵشاد: پارتی هەمیشە پاڵپشتی پێكهاتەكانە

WEDNESDAY, 11 DECEMBER 2019 11:12:26

هەولێر-KDP.info- پەرلەمانی كوردستان، دوێنێ بە دەنگی ئەندامانی پارتی دیموكراتی كوردستان و كریستیانەكان، خوێندنەوەی یەكەمی بۆ پێشنیازەبڕیارێكی توركمانەكان كرد، پەرلەمانتارێكی كوردستانیش لە فڕاكسیۆنی پارتی گەشەپێدانی توركمان دەڵێت، دەستخۆشی لە پارتی دیموكراتی كوردستان دەكەین، كەوا هەمیشە پاڵپشتی نەتەوەی توركمان و پێكهاتەكانی ترە لە هەرێمی كوردستان.

 
"ئەمڕۆ ئەنجومەنی وەزیران پڕۆژەیاسای چاكسازی و مووچە و دەرماڵە پەسەند دەكات"

WEDNESDAY, 11 DECEMBER 2019 10:12:27

هەولێر-KDP.info- ئەمڕۆ ئەنجومەنی وەزیرانی هەرێمی كوردستان كۆدەبێتەوە و، پڕۆژەیاسای چاكسازی و مووچە و دەرماڵە و بەخشین و ئیمتیازاتەكانی دیكە پەسەند دەكات و رەوانەی پەرلەمانی دەكات، سەرۆكی فراكسیۆنی پارتیش، دەڵێ، هەر كاتێك پڕۆژەكە بگاتە پەرلەمان، رێكارە یاساییەكان دەگرنە بەر.

 
مەیادە نەجاڕ: دەبێ پڕۆژەیاسای بودجەی 2020ی عێراق پێش سەری ساڵ بگاتە پەرلەمان

WEDNESDAY, 11 DECEMBER 2019 10:12:33

بەغدا-KDP.info- پەرلەمانتارێكی كورد لە لیژنەی ئابووری و وەبەرهێنانی ئەنجوومەنی نوێنەرانی عێراق دەڵێ، بۆ ڕەوانەكردنی بودجەی 2020ی عێراق بۆ پەرلەمان، پێویست بە هیچ دەرچەیەكی یاسایی ناكات و كێشەی نییە، دوای پەسەندكردنی پڕۆژەیاسای هەڵبژاردنی ئەنجوومەنی نوێنەرانیش، ڕاستەوخۆ كار لەسەر پڕۆژەیاسای بودجە دەكرێت.

 


 
© 2018 Kurdistan Democratic Party, KDP