Kurdî  ■  كوردی  ■  عربي
TUE, 2 JUN 2020 18:05 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئەیاد کاکەیی: مەسروور بارزانی پیاوی جێبەجێکردنی یاسایە لە کوردستان
| KDP.info


 

 

هەولێر-KDP.info- دوێنێ (١٠-٧-٢٠١٩) سەرۆکوەزیرانی ھەرێمی کوردستان لە گوتاری دەستپێکی وەرگرتنی پۆستی سەرۆکوەزیراندا ئاشکرای کرد، جێبەجێکردنی یاسا و جێبەجێکردنی چاکسازی لە ئەولەویەتی کارەکانی حکوومەتن. بەرپرسێکی سەندیکای پارێزەرانی کوردستانیش دەڵێ، بۆ جێبەجێکردنی یاسا ئومێدی زۆریان بە مەسروور بارزانی هەیە.

 

ئەیاد کاکەیی، سەرۆکی لقی ھەولێری سەندیکای پارێزەرانی کوردستان، بە ماڵپەڕی فەرمیی پارتی دیموکراتی کوردستانی ڕاگەیاند: "لە کابینەی ڕابردوودا بەھۆی شەڕی داعش و قەیرانی دارایییەوە ھەندێ پلانی حکوومەت جێبەجێ نەکران، بەڵام ئەمڕۆ ھەموو ئومێدێکمان بە مەسروور بارزانی، سەرۆکوەزیرانی ھەرێمی کوردستان ھەیە بۆ چاکسازی و جێبەجێکردنی یاسا لە ھەرێمی کوردستان، بەتایبەتی پرسی خانەنشینکردن چارەسەر بکرێت، چونکە بە سەدان کەس بە پلەی بەرز لەسەر میلاکی حکوومەت خانەنشین کراون بێ ئەوەی مافی خۆیان بێت، ھەروەھا ناکرێت ئەو ھەموو پاسەوانە لە ھەرێمی کوردستان ھەبێت، کە بەداخەوە بەشێکیان بۆ فشارخستنە سەر خەڵک بەکار دەھێندرێن."

 

بەرپرسەکەی سەندیکای پارێزەرانی کوردستان دەشڵێت: "سەرۆکوەزیران دوێنێ لە کاتی دەستبەکاربوونیدا زۆر جەختی لەسەر سەروەریی یاسا کردەوە و، ئێمەی پارێزەرانیش زۆر دڵخۆشین بەوەی مەسروور بارزانی کار بۆ جێبەجێکردنی یاسا بکات، چونکە ئێمە لە دادگاکانین و دەزانین چ دەگوزەرێت و چ غەدرێک ھەیە."

 

ئەیاد کاکەیی ئاماژە بۆ ئەوە کرد: "لە ھەرێمی کوردستان چەندین کار لە دەرەوەی یاسا دەکرێن و پێویستیان بە ڕێگری ھەیە و یەکێک لە ئامانجەکانی سەندیکای پارێزەرانی کوردستانیش پشتگیریی کابینەی نوێی حکوومەتی ھەرێمی کوردستانە و بەڵێن بە سەرۆکوەزیران دەدەین تەواوکەری کارەکانی بەڕێزیان بین بۆ سەرخستن و جێبەجێکردنی یاسا لە کوردستان لە ھەموو بوارەکاندا، ھەر ئەوەش، لە سەرۆکوەزیران چاوەڕێ دەکەین بۆ خزمەتی خەڵکی کوردستان."

قائید میرۆ




دوایین هەواڵەکان

"ئەمڕۆ فراکسیۆنی پارتی بڕیار لە پشکداریکردنی دانیشتنەکەی سبەینێی پەرلەمان دەدات"

TUESDAY, 02 JUNE 2020 17:06:15

هەولێر- KDP.info -  بڕیارە سبەی کۆبوونەوەی ئەنجومەنی نوێنەرانی عێراق بەڕێوە بچێت، گوتەبیژی فراکسیۆنی پارتی لە ئەنجومەنی نوێنەرانی عێراق دەڵێ، ئەمڕۆ فراکسیۆنەکەیان بڕیار لە پشکداریکردن دەدات.

 
وه‌زیری ناوخۆ: ئه‌و كه‌سانه‌ی بانگه‌شه‌ی ئه‌وه‌ ده‌كه‌ن كۆرۆنا نییه‌ ڕووبه‌ڕووی یاسایان ده‌كه‌ینه‌وه‌

TUESDAY, 02 JUNE 2020 17:06:52

هەولێر– KDP.info-  ڕێبه‌ر ئه‌حمه‌د، وه‌زیری ناوخۆ، له‌ كۆنگره‌یه‌كی ڕۆژنامه‌نوسیدا دوای كۆتاییهاتنی كۆبوونه‌وه‌ی وه‌زیری ناوخۆ و ته‌ندروستی و پارێزگارەکان ڕایگه‌یاند: "دوای ئه‌وه‌ی هاووڵاتییان پابه‌ند نه‌بوون به‌ ڕێكاره‌ ته‌ندروستییه‌كان و هه‌ڵكشانی ژماره‌ی تووشبووانی كۆرۆنا له‌ قه‌زای پێنجوێن و پارێزگای سلێمانی، بڕیاری قه‌ده‌غه‌ی هاتوچۆمان ده‌ركرد و، ئه‌مڕۆ له‌ كۆبوونه‌وه‌مان له‌گه‌ڵ وه‌زیری ته‌ندروستی و پارێزگاره‌كان بڕیار درا پێداچوونه‌وه‌ به ‌به‌یانی ژمارە 28دا بكه‌ین و ده‌سه‌ڵات بده‌ینه‌ پارێزگاره‌كان و سه‌رۆكی یه‌كه‌ ئیدارییه‌كان كارئاسانی بكه‌ن، به‌ڵام ڕێكاری توندی خۆپارێزی پێڕه‌و بكرێت، هه‌ركه‌س سه‌رپێچی بكات سزای توند بدرێت.''

 
سه‌رۆكى هه‌رێمى كوردستان و باڵیۆزى ئه‌مه‌ریكا دۆخى عێراق تاوتوێ ده‌كه‌ن

TUESDAY, 02 JUNE 2020 16:06:19

ھەولێر-KDP.info- نیوه‌ڕۆى ئه‌مڕۆ سێشه‌ممه‌ 2/6/2020 به‌ڕێز نێچیرڤان بارزانى، سه‌رۆكى هه‌رێمى كوردستان پێشوازى له‌ به‌ڕێز ماتیو توله‌ر باڵیۆزى ئه‌مه‌ریكا له‌ عێراق كرد.

سەرۆک بارزانی پێشوازی لە باڵیۆزی ئەمەریکا لە عێراق دەکات

TUESDAY, 02 JUNE 2020 16:06:44

ھەولێر-KDP.info- ئەمڕۆ سێشەممە ٢ـی ٦ـی ٢٠٢٠ سەرۆك مەسعود بارزانی لە بارەگای خۆی لە سەڵاحەددین پێشوازی لە بەڕێز ماتیۆ تولەر باڵیۆزی ولایەتە یەکگرتووەکانی ئەمەریکا لە بەغدا کرد.

پەیامی پیرۆزبایی مەکتەبی سیاسی پارتی دیموکراتی کوردستان بۆ کۆمەڵی ئیسلامی کوردستان

TUESDAY, 02 JUNE 2020 14:06:56

به‌ڕێز مامۆستا عه‌لی باپیر ئه‌میری كۆمه‌ڵی ئیسلامیی كوردستان، به‌رێزان ئه‌نجومه‌نی سیاسیی كۆمه‌ڵی ئیسلامی كوردستان.



 
© 2020 Kurdistan Democratic Party, KDP