Kurdî  ■  كوردی  ■  عربي
TUE, 2 JUN 2020 16:51 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پارتی و یەكێتی ته‌یب جه‌باریان وەك پارێزگاری كەركووك دیاری كرد
| KDP.info


 

سلێمانی-KDP.info- دوای كۆبوونەوەی ئەمڕۆی شاندی پارتی دیموكراتی كوردستان و یەكێتی نیشتمانی كوردستان لە سلێمانی، ته‌یب جه‌بار-یان وەك پارێزگاری كەركووك دیاری كرد".

لە كۆنفرانسێكی رۆژنامەوانیدا مەحموود محەمەد وتەبێژی پارتی و حاكم قادر حەمەجان كارگێڕی مەكتەبی سیاسی یەكێتی رایانگەیاند، كە رێككەوتوون لەسەر دیاركردنی ته‌یب جه‌بار ئەمین وەك پارێزگاری كەركووك.

مەحموود محەمەد رایگەیاند، كە چەند جارێ كۆبوونەوەیان لەگەڵ برایانی یەكێتی لەسەر پرسی كەركووك كردووە و هەوڵیان داوە باری نائاسایی شارەكە بگۆڕن، دواجاریش هەردوولا گەیشتنە ئەو بڕوایەی دەبێ لە بابەتی ئەمنی و تەتبیع و دانانی پارێزگار گۆڕانكاری بكەن، لیژنە هەیە لەسەر كەركووك، كە لەگەڵ بەغدا گفتوگۆیان كردووە و ئەوانیش گەیشتوونەتە ئەنجامی باش، كە ماوەیەكی دیكە چاككردنەوەی هەندێ بابەت رادەگەیەندرێ.

ناوبراو ئەوەیشی گوت، كە لە میانەی ئەو سیڤییانەی ئامادە بوون، كە خزمەتی كەركووك بكەن، لیژنەیەك پێكهات و چەند پێوەرێك داندرا، بۆ ئەو مەبەستەش لیستی برایەتیی ئەنجوومەنی پارێزگای كەركووك پێیان باش بوو ئەندازیار تەیب جەبار ئەمین، وەكو نوێنەرایەتیی لیستی برایەتی بۆ پارێزگاری شارەكە دەستنیشان بكرێت.

مەحموود محەمەد گوتیشی: "با هەمووان لە خەمی خەڵكی كەركووكدا بین و پێكەوە هەموو ئەو كێشانە لابەرین، ئێمە باوەڕمان بە پێكەوەژیانە و دەست بۆ توركمان و عەرەب و پێكهاتە ئایینییەكانی شارەكە درێژ دەكەین، كەركووك پێویستی بەوەیە ئاسایی بكرێتەوە و رێك بخرێتەوە، ئێمە لەگەڵ ئەوەین گرفتی كەركووك لە رێگەی دەستوورەوە چارە بكرێت، رێگەكانی دیكەمان لاداوە، پێشنیازی لیستی برایەتیش هەر ئەوەیە و ئەو كەموكوڕیانەی هەن چارە بكرێن، ئەویش لەگەڵ هەموو پێكهاتەكان چ لە رووی نەتەوەیی، چ ئایینی".

گوتەبێژی فەرمیی پارتی ئەوەیشی ئاشكرا كرد، كە دانانی پارێزگار و ئاساییكردنەوەی بارودۆخی كەركووك، پێكەوە دەبێ، هاوكات لیژنەیەكیش دادەنرێ، كە لەگەڵ لایەنەكانی دیكەی شارەكە لەسەر كاندیدی لیستی برایەتی بۆ پۆستی پارێزگار، گفتوگۆ بكەن.

 

خێڵان بەختیار

 




دوایین هەواڵەکان

سه‌رۆكى هه‌رێمى كوردستان و باڵیۆزى ئه‌مه‌ریكا دۆخى عێراق تاوتوێ ده‌كه‌ن

TUESDAY, 02 JUNE 2020 16:06:19

ھەولێر-KDP.info- نیوه‌ڕۆى ئه‌مڕۆ سێشه‌ممه‌ 2/6/2020 به‌ڕێز نێچیرڤان بارزانى، سه‌رۆكى هه‌رێمى كوردستان پێشوازى له‌ به‌ڕێز ماتیو توله‌ر باڵیۆزى ئه‌مه‌ریكا له‌ عێراق كرد.

سەرۆک بارزانی پێشوازی لە باڵیۆزی ئەمەریکا لە عێراق دەکات

TUESDAY, 02 JUNE 2020 16:06:44

ھەولێر-KDP.info- ئەمڕۆ سێشەممە ٢ـی ٦ـی ٢٠٢٠ سەرۆك مەسعود بارزانی لە بارەگای خۆی لە سەڵاحەددین پێشوازی لە بەڕێز ماتیۆ تولەر باڵیۆزی ولایەتە یەکگرتووەکانی ئەمەریکا لە بەغدا کرد.

پەیامی پیرۆزبایی مەکتەبی سیاسی پارتی دیموکراتی کوردستان بۆ کۆمەڵی ئیسلامی کوردستان

TUESDAY, 02 JUNE 2020 14:06:56

به‌ڕێز مامۆستا عه‌لی باپیر ئه‌میری كۆمه‌ڵی ئیسلامیی كوردستان، به‌رێزان ئه‌نجومه‌نی سیاسیی كۆمه‌ڵی ئیسلامی كوردستان.

سەرۆکی حکومەتی هەرێمی کوردستان پێشوازی لە باڵیۆزی ئەمەریکا لە عێراق دەکات

TUESDAY, 02 JUNE 2020 14:06:00

ھەولێر-KDP.info- ئەمڕۆ سێشەممە 2020/6/2 مەسروور بارزانی سەرۆکی حکومەتی هەرێمی کوردستان پێشوازی لە ماتیۆ تولەر باڵیۆزی ئەمەریکا لە عێراق کرد. 

سه‌رۆكى هه‌رێمى كوردستان پێشوازى له‌ كونسولى گشتیى به‌ریتانیا كرد

TUESDAY, 02 JUNE 2020 14:06:27

ھەولێر-KDP.info- پێشنیوه‌ڕۆى ئه‌مڕۆ سێشه‌ممه‌ 2/6/2020 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ به‌ڕێز جەیمس سۆرنتن، کونسوڵی گشتیی بەریتانیا له‌ هه‌ولێر كرد.



 
© 2020 Kurdistan Democratic Party, KDP