Kurdî  ■  كوردی  ■  عربي
TUE, 2 JUN 2020 18:50 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پارتی بێ منەتە لە هەموو موزایەداتێك
| KDP.info


عه‌بدولڕه‌زاق عه‌لی

سه‌رباری هه‌موو ئه‌و داواكارییانەی خه‌ڵكی كوردستان و حكوومه‌تی هه‌رێمی كوردستان له‌ ساڵانی ڕابردوودا له‌ چه‌كدارانی په‌كه‌كه‌ ده‌یكەن كه‌ كێشه‌ بۆ هه‌رێمی كوردستان دروست نه‌كه‌ن، به‌ڵام عینادی سیاسی و گوماناویی سه‌رانی په‌كه‌كه‌ به‌رده‌وامه‌ و هه‌موو ساڵێك، لە تەوقیتی جۆراوجۆردا وه‌زعه‌كه‌ ده‌گه‌یه‌ننه‌ لێواری ته‌قینه‌وه‌ و دەبنە هۆی له‌شكركێشی سوپای توركیا و زیانگەیاندن بە هاووڵاتیانی سڤیلی هەرێم. ئه‌گه‌رچی تا ئێستا خه‌ڵكی كوردستان له‌به‌ر كۆمه‌ڵێك ئیعتیبار، خۆیان له‌ ڕووبه‌ڕووبوونه‌وه‌ی ته‌عه‌ددا و كه‌ڵه‌گایی په‌كه‌كه‌ پاراستووه‌، كه‌چی له‌ جیاتی ئه‌وه‌ی سه‌رانی په‌كه‌كه‌، ڕێزێك له‌و خۆپاراستنه‌ی خه‌ڵكی كوردستان بگرن و به‌هۆش خۆیان بێنه‌وه‌ و موراجه‌عه‌ی سیاسه‌ت و هه‌ڵسوكه‌وته‌كانیان بكه‌نه‌وه‌، زیاتر پێ ڕاده‌كێشن بۆ خۆفەرزكردن و كەڵەگایی و هیچ ڕێزی خەڵكی هەرێم ناگرن.

جگە لەوە هێشتا خۆیان و ئه‌وانه‌ی وه‌ك ئه‌وان بیرده‌كه‌نه‌وه‌، موزایه‌ده‌ش به‌سه‌ر پارتی و دامه‌زراوه‌كانی حكوومه‌ته‌وه‌ ده‌كه‌ن كه‌ گوایه‌ له‌ ئاست له‌شكركێشی توركیا، بێده‌نگن. حكوومه‌تی هه‌رێمی كوردستان، وه‌ك دامه‌زراوه‌ی شه‌رعی و هه‌ڵبژێردراوی خه‌ڵكی هه‌رێمی كوردستان، پەیوەندی بەو شه‌ڕه‌ نه‌خوازراوه‌ نییە كه‌ بوونی په‌كه‌كه‌ له‌سه‌ر خاكی هه‌رێمی كوردستان خوڵقاندوویه‌تی. سەبەبی سەرەكیی شەڕ و بوردومان و شەهیدبوونی هاووڵاتیانی سڤیل بوونی پەكەكەیە لەو ناوچانە و پەكەكە نەبێت هیچ سوپایەك جورئەت بە خۆی نادات بێتە ناو خاكی هەرێم. هه‌رێمی كوردستان، به‌رده‌وام ڕایگه‌یاندووه‌ كه‌ بێ چه‌ندوچوون، دژی شه‌ڕه‌. بەڵام وا دیاره‌ سه‌رانی په‌كه‌كه‌، مەبەستیانە سه‌قامگیریی و ژیانی كوردستان تێكبده‌ن و له‌ به‌رژه‌وه‌ندیی ئه‌م و ئه‌و ئه‌وراق تێكه‌ڵ بكه‌ن.

به‌درێژایی مێژووی درووستبوونی په‌كه‌كه‌، خه‌ڵكی هه‌رێمی كوردستان و هه‌ندێك له‌ حزبه‌كانی هاوكاریی زۆری ئینسانی و سیاسی په‌كه‌كه‌یان كردووه‌. بەڵام پەكەكە تەكوینەیەكی بێ ئەمەك و بێ مۆڕاڵە و هیچ چاكەی خەڵكی كوردستانیان لەبیر نیە و لەبەرانبەر ئەو چاكەیەدا خۆیان بە حاكم دەزانن و سەدان گوندی هەرێمیان داگیر كردووە و نەیانهێشتووە خەڵك لە زێدی بابوباپیرانی خۆی بژیێت.

با پەكەكە و هاوبیرانی وەڵام بدەنەوە كە خۆیان لەبەر سوپای تورك هەڵدێن و زەوییان بۆ چۆڵ دەكەن بۆ باسی بێدەنگیی حكوومەتی هەرێم دەكەن؟ موزایه‌ده‌ی شه‌ڕ و موقاوه‌مه‌ت به‌سه‌ر كێدا ده‌كه‌ن؟ ئەگەر ڕاست دەكەن ئەوە كەس ڕێگەی لێ نەگرتوون و بڕۆن ڕێگە لە سوپاى تورك بگرن. خۆ هێشتا ساڵێك و چه‌ند مانگێك به‌سه‌ر ڕووداوه‌كانی عه‌فریندا تێپه‌ڕیووه‌، هه‌موو خه‌ڵكیش موزایه‌ده‌كانی سه‌روه‌ختی عه‌فرینیان له‌بیره‌، كێ ده‌ستی گرتبوون؟ بۆ نەچوون لە عەفرین شەڕی توركەكان بكەن؟ پارتی و حكوومەتی هەرێم ئەهلی موزایەدە نین، هه‌موو كوردستانیش شایه‌تی قاره‌مانێتی پێشمه‌رگه‌ی كوردستانن كه بە سەربەرزی چوون و كۆبانێیان له‌ كه‌وتن پاراست.

ئێستایش خه‌ڵكی كوردستان هه‌قیانه‌ لە پەكەكە و موزایەدەچییەكان بپرسن، به‌ڕاست چیتان بۆ ئه‌و خه‌ڵكه‌ش كردووه‌ كه‌ به‌ناوی ئه‌وانه‌وه‌ ماف به‌خۆتان ده‌ده‌ن ده‌خاڵه‌ت له‌ هه‌موو بستێكی كوردستاندا بكه‌ن؟ ئێوه‌یه‌ك كه‌ تا ئه‌م ساته‌، له‌ ساحه‌ی خه‌باتی ڕاسته‌قینه‌ی خۆتان نه‌تانتوانیووه‌، ته‌نیا گوندێك ڕزگاربكه‌ن و ڕۆژانە لە هەڵات هەڵات دان، موزایه‌ده‌ی چی به‌سه‌ر خه‌ڵكی هه‌رێمی كوردستانه‌وه‌ ده‌كه‌ن ؟

ئێستاش، سەرانی پەكەكە و موزایەدەچییەكان، ده‌بێت چاوێك به‌ سیاسه‌ت و ڕفتاره‌كانی خۆیاندا به‌رانبه‌ر  هه‌رێمی كوردستان بگێڕنه‌وه‌ و هه‌موو ڕۆژێك نه‌بنه‌ مایه‌ی شه‌ڕ و كێشه‌ و كاولكاری و بیرێكی جیددی له‌ بوونی ناشه‌رعی خۆیان له‌ خاكی هه‌رێمی كوردستاندا بكه‌نه‌وه‌؛ خۆ ئه‌گه‌ر په‌نابه‌ر و میوانن، ئه‌وه‌ په‌نابه‌ریی و میوانداریی، دابونه‌ریت و یاساوڕێسای خۆی هه‌یه‌، ئه‌گه‌ر هه‌ر به‌رده‌وامیشن له‌سه‌ر خۆسه‌پێنی و ملهوڕیی و گوێنه‌دان به‌ یاساوڕێساكان، ده‌بێت چاك بزانن، خه‌ڵكی كوردستان، سنوور بۆ كاری تێكدەرانەیان دادەنێ.




دوایین هەواڵەکان

"بەربەداعش نەگیرێ پیلانی مەترسیداری لە ناوچە کوردستانییەکان ھەیە"

TUESDAY, 02 JUNE 2020 18:06:56

کەرکووک - KDP.info-  داعش به ‌شێوه‌یه‌كی مه‌ترسیدار ده‌یه‌وێت بگه‌ڕێته‌وه‌ بۆ شوێنه‌كانی پێشووی خۆی. به‌ڕێوه‌به‌ری ئاسایشی كه‌ركووك ئاماژه‌ به‌وه‌ ده‌كات كه‌ هێرش و ڕێكخستنه‌كانی داعش ده‌رخه‌ری ئه‌وه‌یه‌ كه‌ پلانیان هه‌یه‌ بۆ داهاتوو بگه‌ڕێنه‌وه‌ بۆ ئه‌و ناوچانه‌ی كه‌ ده‌وڵه‌تیان له‌سه‌ر بنیاد نابوو.

 

ڕێبوار ھادی: لەم مانگەدا ھەرێم و بەغدا ڕێککەوتنی کۆتایی ئیمزا دەکەن

TUESDAY, 02 JUNE 2020 18:06:38

بەغدا – KDP.info -  لە چەند مانگی ڕابردوودا دانوستانی ورد دەربارەی پرسی نەوت و مووچەی فەرمانبەرانی ھەرێمی کوردستان لە نێوان ھەرێمی کوردستان و بەغدا کراوە و سەرۆکی لیژنەی یاساییی پەرلەمانی عێراق ئاشکرای کرد، لەم مانگەدا ڕێککەوتنی کۆتایی دەکرێت.

 

"ئەمڕۆ فراکسیۆنی پارتی بڕیار لە پشکداریکردنی دانیشتنەکەی سبەینێی پەرلەمان دەدات"

TUESDAY, 02 JUNE 2020 17:06:15

هەولێر- KDP.info -  بڕیارە سبەی کۆبوونەوەی ئەنجومەنی نوێنەرانی عێراق بەڕێوە بچێت، گوتەبیژی فراکسیۆنی پارتی لە ئەنجومەنی نوێنەرانی عێراق دەڵێ، ئەمڕۆ فراکسیۆنەکەیان بڕیار لە پشکداریکردن دەدات.

 
وه‌زیری ناوخۆ: ئه‌و كه‌سانه‌ی بانگه‌شه‌ی ئه‌وه‌ ده‌كه‌ن كۆرۆنا نییه‌ ڕووبه‌ڕووی یاسایان ده‌كه‌ینه‌وه‌

TUESDAY, 02 JUNE 2020 17:06:52

هەولێر– KDP.info-  ڕێبه‌ر ئه‌حمه‌د، وه‌زیری ناوخۆ، له‌ كۆنگره‌یه‌كی ڕۆژنامه‌نوسیدا دوای كۆتاییهاتنی كۆبوونه‌وه‌ی وه‌زیری ناوخۆ و ته‌ندروستی و پارێزگارەکان ڕایگه‌یاند: "دوای ئه‌وه‌ی هاووڵاتییان پابه‌ند نه‌بوون به‌ ڕێكاره‌ ته‌ندروستییه‌كان و هه‌ڵكشانی ژماره‌ی تووشبووانی كۆرۆنا له‌ قه‌زای پێنجوێن و پارێزگای سلێمانی، بڕیاری قه‌ده‌غه‌ی هاتوچۆمان ده‌ركرد و، ئه‌مڕۆ له‌ كۆبوونه‌وه‌مان له‌گه‌ڵ وه‌زیری ته‌ندروستی و پارێزگاره‌كان بڕیار درا پێداچوونه‌وه‌ به ‌به‌یانی ژمارە 28دا بكه‌ین و ده‌سه‌ڵات بده‌ینه‌ پارێزگاره‌كان و سه‌رۆكی یه‌كه‌ ئیدارییه‌كان كارئاسانی بكه‌ن، به‌ڵام ڕێكاری توندی خۆپارێزی پێڕه‌و بكرێت، هه‌ركه‌س سه‌رپێچی بكات سزای توند بدرێت.''

 
سه‌رۆكى هه‌رێمى كوردستان و باڵیۆزى ئه‌مه‌ریكا دۆخى عێراق تاوتوێ ده‌كه‌ن

TUESDAY, 02 JUNE 2020 16:06:19

ھەولێر-KDP.info- نیوه‌ڕۆى ئه‌مڕۆ سێشه‌ممه‌ 2/6/2020 به‌ڕێز نێچیرڤان بارزانى، سه‌رۆكى هه‌رێمى كوردستان پێشوازى له‌ به‌ڕێز ماتیو توله‌ر باڵیۆزى ئه‌مه‌ریكا له‌ عێراق كرد.



 
© 2020 Kurdistan Democratic Party, KDP