Kurdî  ■  كوردی  ■  عربي
MON, 6 JUL 2020 23:35 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ما ینفع الناس
| KDP.info


 
ئاریان فەرەج
 
(لا یصح الا الصحیح) واتا لە كۆتاییدا هەر راستی سەردەگرێ، كێشمەكێش و ململانێ چەند بخایەنن و بەرەو لاڕێمان ببەن، لە كۆتاییدا هەر دەبێ بە گرتنەبەری رێگا راست و دروستەكە و بژاردە خێردارەكە تەواو بێت. بە رەغمی هەموو تەنگ و چەڵەمە و گرفتەكان، جا سەرچاوەكەی خۆمان بین، یان دەرەوەی خۆمان، لە كۆتاییدا دەستەبژێرە سیاسییەكەی ئەم نیشتمانە هەر دەبێ رێی حیكمەت و بەرژەوەندی بگرنەبەر، دەبێ ئەم هەرێمە راستەڕێ و ئارام بێتەوە و چاو لە ئاسۆی سەقامگیری و تەبایی ببڕێ. دواجار دەبێ ئەم هەوارە بە دامەزراوی و یەكپارچەیی و تۆكمەیی بمێنێتەوە و بەهێزتر و دامەزراوتر بێ. دەبێ ئەو هەنگاوانەی لەسەر راستەرێ دەستمان پێكردن، بەردەوام بن و هەنگاو بە دوای هەنگاودا بەرەو كاراكردنەوەی دامەزراوەكانمان و نوێكردنەوەی شەرعیەتی حكومەتەكەمان و ده‌مەزەردكردنەوەی ئەدائی دام و دەزگاكانمان و پڕكردنەوەی كەم و كورتییەكانمان ببن. بمانەوێ یان نا، ئاراستەكان هەر ئەو راستەرێیەمان نیشان دەدەن. 
ئەوەتا سەرباری ناتەبایی و عینادی سیاسی و مەیلی ریكنەكەوتن و ئاستەنگ هێنانپێش و كارلێكدی قورس كردن، كەچی لەدەسپێكەوە هەنگاوە دروستەكان هەر وا دێن و دەچنەپێش و یەكدی تەواو دەكەن و ناگەنە بنبەست. هەڵبژاردنمان كرد و نەچوینەژێر باری نەكردنی، ئەنجامەكانی قبوڵكران و رەتنەكرانەوە، لە پێناو پێكەوەیی و حكومەتی سەرتاسەریی، دانوستان گەرچی بەگرێ و گۆلیش بێت، دەستپێكرا و بەئەنجام گەیشت، پەرلەمان كاراكرایەوە و دەستی بەكاری خۆی كرد، یاسای سەرۆكایەتیمان هەموار كرد و دامەزراوەی سەرۆكایەتی كارا كرایەوە، سەرۆكی شایستە هەڵبژێردرا و متمانەی وەرگرت، ئەمڕۆ سوێندی یاسایی دەخوا و دەستبەكار دەكات، بەدەوری خۆی سەرۆكی نوێی ئەنجومەنی وەزیران بۆ تەشكیلدانی حكومەتی نوێ رادەسپێرێ، بێگومان ئەویش لە وادەی یاسایی خۆیدا ئەركی خۆی رادەپەڕێنێ و كابینەكەی دەباتە بەردەم متمانەی پەرلەمان. هەموو هەنگاو و كارەكان وەك ئەوەی پێویستە و دەبێ وابێت، بەڕێوە دەچن، دواجار ئەوەی راستە و رێگای راستە و بەرژەوەندی و خێر و ئیستقراری ئەم ووڵاتە و خەڵكەكەی تێدایە، ئەوە سەردەگرێ و دەچێتە سەر. 
فَأَمَّا الزَّبَدُ فَیَذْهَبُ جُفَاءً وَأَمَّا مَا یَنفَعُ النَّاسَ فَیَمْكُثُ فِی الْأَرْضِ



دوایین هەواڵەکان

د. محەمەد قادر: لە چەند ڕۆژی داھاتوو ھاوکارییەکان ڕێکخراوی WHO دەگەنە ھەرێمی کوردستان

MONDAY, 06 JULY 2020 20:07:07

ھەولێر-KDP.info-  گوتەبێژی وەزارەتی تەندروستیی ڕایگەیاند، بەھۆی بەردەوامیی شەپۆلی دووەمی ڤایرۆسی کۆرۆناوە، بە باشیان زانیوە دەربارەی نەخۆشییەکە و چۆنیەتیی ڕووبەڕووبوونەوەی لە قۆناغی ئێستادا پەیوەندی بە ڕێکخراوی تەندروستیی جیھانییەوە بکەن ، دەڵێت، بە خۆشحاڵییەوە ئەوانیش ئامادەیییان دەربڕیوە و لە کۆتاییی ئەم ھەفتەیەدا ھاوکارییە تەندروستییەکان لە ڕێگای شاندێکی ڕێکخراوی تەندروستیی جیھانی WHO دەگەنە ھەرێمی کوردستان و، دەشڵێ، بارودۆخی بڵاوبوونەوەی ڤایرۆسی کۆرۆنا بەردەوامە، پێویستە ھاونیشتمانیان زیاتر خۆیان بپارێزن و ڕێنماییەکانی تەندروستی جێبەجێ بکەن.

 
ھندرێن دۆسکی: خاڵی ناکۆکی نێوان ھەرێم و بەغدا نەماون بۆ گەیشتن بە ڕێککەوتن

MONDAY, 06 JULY 2020 18:07:03

هەولێر -PDK.info-  بڕیارە سبەی شاندی دانوستانکاری حکوومەتی ھەرێمی کوردستان بۆ درێژەدان بە دانوستان لەگەڵ حکوومەتی فیدڕاڵ سەردانی بەغدا بکات و پەرلەمانتارێکی فراکسیۆنی پارتیش پێی وایە، تەنھا ھەندێ گرفتی تەکنیکی ماون و ھەردوولا دەیانەوێ بگەنە ڕێککەوتن.

 

وەزارەتی شارەوانی ١٠% خەرجییەکانی کەم دەکاتەوە

MONDAY, 06 JULY 2020 18:07:46

ھەولێر -KDP.info-  گوتەبێژی وەزارەتی شارەوانی و گەشتوگوزاری حکوومەتی ھەرێمی کوردستان گوتی، لە چوارچێوەی چاکسازی و پێداچوونەوە بە خەرجییەکانی وەزارەتی شارەوانی توانرا ١٠% خەرجییەکان کەم بکرێتەوە بەبێ ئەوەی کاریگەریی لەسەر خزمەتگوزارییەکان ھەبێت.

 

بەرپرسى پەیوەندییەکانى پارتى و بەرپرسى بەرەى تورکمانى تەئکیدیان لە هەماهەنگى و پەیوەندیى نێوانیان کردەوە

MONDAY, 06 JULY 2020 17:07:35

هەولێر -KDP.info-  ئەمڕۆ عەلى حسێن، بەرپرسى مەکتەبى پەیوەندییەکانى کوردستانى و عێراقیى پارتى دیموکراتى کوردستان، بە یاوەریى بەرپرسى دیسکى پارتە تورکمانییەکان و ئەندامانى مەکتەب، سەردانى بەرەى تورکمانیى عێراقییان لە شارى هەولێر کرد و لەلایەن ئایدن مەعرووف، ئەندامى مەکتەبى سیاسى و وەزیرى هەرێم بۆ کاروبارى پێکهاتەکان و هیمداد بیلال، سەرۆکى فراکسیۆنى بەرەى تورکمانى و بەرپرسى هەولێرى بەرەکە پێشوازیی لی کرا.

 

ڕاپۆرتێك له‌سه‌ر ڕه‌وشى ناوچه‌ كوردستانییه‌كانی ده‌ره‌وه‌ى ئیداره‌ى هه‌رێم ئاماده‌ ده‌كرێت

MONDAY, 06 JULY 2020 16:07:15

هەولێر-KDP.info-  بە مەبه‌ستی تاووتوێكردن و ئاماده‌كردنی ڕاپۆرتێك سه‌باره‌ت به ڕه‌وشی ناوچه‌ كوردستانییه‌كانی ده‌ره‌وه‌ى ئیداره‌ى هه‌رێم، ڕۆژی یەکشەممە 2020/7/5، لیژنەی ناوچە کوردستانییەکانی دەرەوەی ئیدارەی ھەرێم له‌ په‌رله‌مانی كوردستان، بە سەرپەشتیی جوان یونس ڕۆژبەیانی، سەرۆکی لیژنەکە و ئامادەبوونی جێگری سەرۆکى لیژنە و بڕیاردەر و ئەندامان و ڕاوێژکارانی لیژنەكه‌ کۆ بووەوە.

 


سه‌رۆك نێچیرڤان بارزانى: كاتى ئه‌وه‌یه‌ بگه‌ینه‌ تێگه‌یشتنێكى هاوبه‌ش و هه‌موو دۆسیه‌كان یه‌كلا بكه‌ینه‌وه‌

بەغدا-KDP.info- سه‌رۆك نێچیرڤان بارزانى له‌گه‌ڵ هه‌رسێ سه‌رۆكایه‌تى و سه‌ركرده‌ و لایه‌نه‌ عێراقییه‌كان، كێشه‌ و به‌رپرسیارییه‌تییه‌كانى به‌ هاوبه‌ش بۆ هه‌موو عێراقییان له‌ قه‌ڵه‌م دا و گوتى: هه‌موومان یه‌ك چاره‌نووسمان هه‌یه‌ و كێشه‌كانى عێراق و هه‌رێمى كوردستان كێشه‌ى هه‌موو عێراقییه‌كانه‌، دووپاتیشى كرده‌وه‌ دواى ئه‌زموونى تاڵى چه‌ندین ساڵى گرفت و كێشه‌ى نێوان هه‌ردوولا، ئیتر ده‌بێ نه‌چینه‌وه‌ سه‌ر ڕابردوو، به‌ڵكوو ئێستا كاتى ئه‌وه‌یه‌ بگه‌ینه‌ تێگه‌یشتنێكى هاوبه‌ش و به‌ ڕێككه‌وتنێكى گشتگیرى جێى ڕه‌زامه‌ندیى هه‌ردوولا كه‌ ئارامى و سه‌قامگیرى، دادپه‌روه‌رى و پێشكه‌وتن بۆ ئێستا و داهاتووى هاوبه‌شمان دابین بكات، كێشه‌كان به‌ یه‌كجارى چاره‌سه‌ر بكه‌ین.

 
© 2020 Kurdistan Democratic Party, KDP