Kurdî  ■  كوردی  ■  عربي
MON, 6 JUL 2020 22:29 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

شاخەوان عەبدوڵڵا: نه‌گه‌ینه‌یه‌ك رێگای دیكە ده‌گرینە بەر.. داعش گەیشتووەتە ناو كەركووك
| KDP.info


كەركووك-KDP.info- ئەندامێكی شاندی دانوستانكاری پارتی بۆ ئاساییكردنەوەی دۆخی كەركووك گوتی، مەترسییەكی زۆر گەورە لەسەر كەركووك ھەیە و ئێستا بە ھەوڵی پارێزگاری كەركووك، داعش خۆی خزاندووەتە ناو دامودەزگا حكوومییەكانەوە. دەشڵێ: "لە چەند رۆژی داھاتوودا كۆبوونەوەیەكی گرنگمان لەسەر ئاستی باڵا لەگەڵ بەغدا ھەیە و ئومێد دەكەین دوایین كۆبوونەوە بێت و بگەینە رێككەوتن، ئەگەر نا رەنگە رێگای دیكە بگرینە بەر".

شاخەوان عەبدوڵڵا، بە ماڵپەڕی فەرمیی پارتی دیموكراتی كوردستانی ڕاگەیاند: "كێشەكانی كەركووك دوو بەشن، بەشێكی ئەوەی كە داعش لە ناوچەكانی باشووری كەركووك و ناوچەكانی دیكە خۆی كۆكردووەتەوە و پێشتر لەبەر ھێزی پێشمەرگە و ھێزەكانی ئاسایش نەیاندەتوانی جموجۆڵ بكەن، بەڵام ئێستا نەك تەنھا لە دەوروبەری كەركووك ھەن، بگرە لەناو دامودەزگا حكوومییەكانی كەركووكیش داعش بوونیان ھەیە، كە بە ھەوڵی پارێزگاری كەركووك ئەو كارە كراوە، بۆیە مەترسییەكی گەورە لەسەر كەركووك ھەیە".

عەبدوڵڵا گوتیشی، جگە لە داعش، ھێزەكانی حەشدی شەعبی لەناو كەركووك دەستیان بە تاڵانكردن و دەستگرتن بەسەر ماڵوحاڵی كوردەكاندا كردووە.

دەشڵێ: "ئێمە بەردەوامین لە گفتوگۆكانمان لەگەڵ حكوومەتی عێراق بۆ ئاساییكردنەوەی دۆخی كەركووك و دوایین كۆبوونەوە ٢١ی مانگی ڕابردوو ئەنجام درا و بڕیارە لە چەند رۆژی داھاتووشدا كۆبوونەوەیەكی دیكە لەسەر ئاستی باڵا ئەنجام بدرێت، بۆیە ئومێد دەكەین ئەم جارە دوایین كۆبوونەوە بێت و بگەینە ئەنجامێكی كۆتایی و دۆخی كەركووك ئاسایی بكرێتەوە، ئەگەر نا رەنگە رێگای دیكە بۆ چارەسەر كردنی ئەو كێشەیە بگرینە بەر".

 

بڵند ئیبراھیم




دوایین هەواڵەکان

د. محەمەد قادر: لە چەند ڕۆژی داھاتوو ھاوکارییەکان ڕێکخراوی WHO دەگەنە ھەرێمی کوردستان

MONDAY, 06 JULY 2020 20:07:07

ھەولێر-KDP.info-  گوتەبێژی وەزارەتی تەندروستیی ڕایگەیاند، بەھۆی بەردەوامیی شەپۆلی دووەمی ڤایرۆسی کۆرۆناوە، بە باشیان زانیوە دەربارەی نەخۆشییەکە و چۆنیەتیی ڕووبەڕووبوونەوەی لە قۆناغی ئێستادا پەیوەندی بە ڕێکخراوی تەندروستیی جیھانییەوە بکەن ، دەڵێت، بە خۆشحاڵییەوە ئەوانیش ئامادەیییان دەربڕیوە و لە کۆتاییی ئەم ھەفتەیەدا ھاوکارییە تەندروستییەکان لە ڕێگای شاندێکی ڕێکخراوی تەندروستیی جیھانی WHO دەگەنە ھەرێمی کوردستان و، دەشڵێ، بارودۆخی بڵاوبوونەوەی ڤایرۆسی کۆرۆنا بەردەوامە، پێویستە ھاونیشتمانیان زیاتر خۆیان بپارێزن و ڕێنماییەکانی تەندروستی جێبەجێ بکەن.

 
ھندرێن دۆسکی: خاڵی ناکۆکی نێوان ھەرێم و بەغدا نەماون بۆ گەیشتن بە ڕێککەوتن

MONDAY, 06 JULY 2020 18:07:03

هەولێر -PDK.info-  بڕیارە سبەی شاندی دانوستانکاری حکوومەتی ھەرێمی کوردستان بۆ درێژەدان بە دانوستان لەگەڵ حکوومەتی فیدڕاڵ سەردانی بەغدا بکات و پەرلەمانتارێکی فراکسیۆنی پارتیش پێی وایە، تەنھا ھەندێ گرفتی تەکنیکی ماون و ھەردوولا دەیانەوێ بگەنە ڕێککەوتن.

 

وەزارەتی شارەوانی ١٠% خەرجییەکانی کەم دەکاتەوە

MONDAY, 06 JULY 2020 18:07:46

ھەولێر -KDP.info-  گوتەبێژی وەزارەتی شارەوانی و گەشتوگوزاری حکوومەتی ھەرێمی کوردستان گوتی، لە چوارچێوەی چاکسازی و پێداچوونەوە بە خەرجییەکانی وەزارەتی شارەوانی توانرا ١٠% خەرجییەکان کەم بکرێتەوە بەبێ ئەوەی کاریگەریی لەسەر خزمەتگوزارییەکان ھەبێت.

 

بەرپرسى پەیوەندییەکانى پارتى و بەرپرسى بەرەى تورکمانى تەئکیدیان لە هەماهەنگى و پەیوەندیى نێوانیان کردەوە

MONDAY, 06 JULY 2020 17:07:35

هەولێر -KDP.info-  ئەمڕۆ عەلى حسێن، بەرپرسى مەکتەبى پەیوەندییەکانى کوردستانى و عێراقیى پارتى دیموکراتى کوردستان، بە یاوەریى بەرپرسى دیسکى پارتە تورکمانییەکان و ئەندامانى مەکتەب، سەردانى بەرەى تورکمانیى عێراقییان لە شارى هەولێر کرد و لەلایەن ئایدن مەعرووف، ئەندامى مەکتەبى سیاسى و وەزیرى هەرێم بۆ کاروبارى پێکهاتەکان و هیمداد بیلال، سەرۆکى فراکسیۆنى بەرەى تورکمانى و بەرپرسى هەولێرى بەرەکە پێشوازیی لی کرا.

 

ڕاپۆرتێك له‌سه‌ر ڕه‌وشى ناوچه‌ كوردستانییه‌كانی ده‌ره‌وه‌ى ئیداره‌ى هه‌رێم ئاماده‌ ده‌كرێت

MONDAY, 06 JULY 2020 16:07:15

هەولێر-KDP.info-  بە مەبه‌ستی تاووتوێكردن و ئاماده‌كردنی ڕاپۆرتێك سه‌باره‌ت به ڕه‌وشی ناوچه‌ كوردستانییه‌كانی ده‌ره‌وه‌ى ئیداره‌ى هه‌رێم، ڕۆژی یەکشەممە 2020/7/5، لیژنەی ناوچە کوردستانییەکانی دەرەوەی ئیدارەی ھەرێم له‌ په‌رله‌مانی كوردستان، بە سەرپەشتیی جوان یونس ڕۆژبەیانی، سەرۆکی لیژنەکە و ئامادەبوونی جێگری سەرۆکى لیژنە و بڕیاردەر و ئەندامان و ڕاوێژکارانی لیژنەكه‌ کۆ بووەوە.

 


سه‌رۆك نێچیرڤان بارزانى: كاتى ئه‌وه‌یه‌ بگه‌ینه‌ تێگه‌یشتنێكى هاوبه‌ش و هه‌موو دۆسیه‌كان یه‌كلا بكه‌ینه‌وه‌

بەغدا-KDP.info- سه‌رۆك نێچیرڤان بارزانى له‌گه‌ڵ هه‌رسێ سه‌رۆكایه‌تى و سه‌ركرده‌ و لایه‌نه‌ عێراقییه‌كان، كێشه‌ و به‌رپرسیارییه‌تییه‌كانى به‌ هاوبه‌ش بۆ هه‌موو عێراقییان له‌ قه‌ڵه‌م دا و گوتى: هه‌موومان یه‌ك چاره‌نووسمان هه‌یه‌ و كێشه‌كانى عێراق و هه‌رێمى كوردستان كێشه‌ى هه‌موو عێراقییه‌كانه‌، دووپاتیشى كرده‌وه‌ دواى ئه‌زموونى تاڵى چه‌ندین ساڵى گرفت و كێشه‌ى نێوان هه‌ردوولا، ئیتر ده‌بێ نه‌چینه‌وه‌ سه‌ر ڕابردوو، به‌ڵكوو ئێستا كاتى ئه‌وه‌یه‌ بگه‌ینه‌ تێگه‌یشتنێكى هاوبه‌ش و به‌ ڕێككه‌وتنێكى گشتگیرى جێى ڕه‌زامه‌ندیى هه‌ردوولا كه‌ ئارامى و سه‌قامگیرى، دادپه‌روه‌رى و پێشكه‌وتن بۆ ئێستا و داهاتووى هاوبه‌شمان دابین بكات، كێشه‌كان به‌ یه‌كجارى چاره‌سه‌ر بكه‌ین.

 
© 2020 Kurdistan Democratic Party, KDP