Kurdî  ■  كوردی  ■  عربي
SAT, 6 JUN 2020 03:08 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

بڕیاری ئەنجامدانی ریفراندۆم، سەربەخۆخوازانی سەرخست و قەیرانەكانیش تێپەڕێندران
| KDP.info


 
هەولێر-KDP.info- لە رۆژێكی وەك ئەمڕۆدا، بە سەرپەرشتیی سەرۆك بارزانی و ئامادەبوونی نوێنەری لایەنە سیاسییەكان، بڕیار درا ٢٥ـی ٩ـی ٢٠١٧ ریفراندۆمی سەربەخۆیی ئەنجام بدرێت، كە دواتر گەلی كوردستان بڕیاری دا و بەسەر هەموو كۆسپ و تەگەرە و قەیرانەكانیشدا سەركەوت. 
 
لە ٧ـی حوزەیرانی ساڵی ٢٠١٧ـدا، بە ئامادەبوونی زۆربەی لایەنە سیاسییەكانی هەرێمی كوردستان و بە سەرپەرشتیی سەرۆك بارزانی، بڕیار درا ٢٥ـی ٩ـی هەمان ساڵ وەك رۆژی ئەنجامدانی ریفراندۆم دیاری بكرێت.
 
ئازادی بۆ سەربەخۆخوازان لە نان گرنگتر بوو
 
بەكارهێنانی زەبروزەنگ و دەربڕینی ڕق و كینە لە دژی گەلی كوردستان، رەگی لە مێژووی ناوچەكەدا داكوتاوە، كوردستان و پێشكەوتنەكانیشی، هەمیشە بارگرانییەك بوون بۆ نەیاران و شۆڤێنیستان، بۆیەش بەردەوام دژایەتیی گەلی كوردیان كردووە، بەڵام گەلی كورد نەك هەر چۆكی دانەداوە، بگرە بەردەوام ڕووبەڕووی هەموو هێرشەكان بووەتەوە و نەكەوتووە.
 
ئەگەر گەلی كورد ریفراندۆمیشی نەكردبا، دوژمنان هەر هێرشیان دەكردە سەری، وەك سەرۆك بارزانیش لە بانگەشەی ریفراندۆمدا رایگەیاند: "ئەوەی سەربەخۆیی بوێت، دەبێ چاوەڕێی هەموو جۆرە باجێك بێت".
 
لە ٢٥ـی ٩ـی ٢٠١٧ـدا، ریفراندۆمی سەربەخۆیی كوردستان ئەنجام درا و زیاتر لە ٩٢%ـی كوردستانیان دەنگیان بە بەڵێ دا، چونكە بە لای گەلی كوردەوە، ئازادی لە نان گرنگتر بوو، كە بە دەنگێكی زوڵاڵ بە جیهانیان گوت: "سەربەخۆییمان دەوێ".
 
 
هەڵوێستی وڵاتان
 
سەرۆك بارزانی، لە زۆربەی دیدار و كۆبوونەوەكانیدا، بە وڵاتانی جیهانی دەگوت، ئەلتەرناتیڤێكمان پێ بدەن، بۆ ئەوەی ریفراندۆم نەكەین، بەڵام وڵاتان هیچ بەدیلێكیان پێ نەبوو، بۆیە سەرۆك بارزانی بە رەزامەندیی گەلی كورد و لایەنە سیاسییەكان، بڕیاری ئەنجامدانی ریفراندۆمی دا.
 
گەلی كورد بڕیاری خۆی دا و ئامادەی هەموو جۆرە باجێك بوون، كە بەشێك لە وڵاتان دژایەتییان كرد و هەندێكیشیان بێهەڵوێست بوون، بەڵام عێراق هێرشی كردە سەر هەرێمی كوردستان و گوشارەكانیش بە داخستنی فڕۆكەخانە و سنوورەكان و بڕینی قوتی خەڵك، چڕ كرانەوە.
 
دواجار لەبەر هەستیاریی دۆخەكە، سەركردایەتیی سیاسیی كوردستان ریفراندۆمی سڕ كرد، بەڵام ئەوەی بۆ كورد گرنگە، ئەنجامی ریفراندۆمە، كە بوو بە تاپۆ بۆ سەربەخۆیی كوردستان.
 
 
 
سەربەخۆخوازان سەركەوتن
 
بە سیاسەتی حەكیمانەی سەرۆك بارزانی و حكوومەتی هەرێمی كوردستان، توانرا قەیران و گوشارەكان تێپەڕێندرێن، كە دواتر دەروازە سنوورییەكان و فڕۆكەخانەكان كرانەوە و بودجە و مووچەشیان بۆ هەرێم ڕەوانە كرد و سیستمی پاشەكەوتیش هەڵگیرا.
 
لە هەڵبژاردنەكانیشدا، سەربەخۆخوازەكان سەركەوتن و توانییان بە ڕێژەیەكی بەرچاو دەنگی هاونیشتمانیان مسۆگەر و زیاتر بكەن و هەروەها هەموو گوشار و هەڕەشەكانیش شكستیان پێ هێندرا.
 
ئەو وڵات و كەسایەتیانەی كە هەڕەشەیان دەكرد و دژی ریفراندۆم وەستانەوە، ئێستا زیاتر لە هەموو كات لە بارێكی ناسەقامگیر و قەیراناویدان و هەمووشیان پێویستیان بە هەرێمی كوردستانە.
 
 
كــاروان بــاعەدری
 
 



دوایین هەواڵەکان

بڵند ئیسماعیل: پارتی لەگەڵ یەکڕیزییە لەسەر پرسە نیشتمانی و ستراتیژییەکان

THURSDAY, 04 JUNE 2020 17:06:10

هەولێر – KDP.info -  بەرپرسێکی پارتی دیموکراتی کوردستان ئاشکرای کرد، پارتی لەگەڵ یەکڕیزیی لایەنە سیاسییەکانە و دەشڵێ، پارتی و یەکێتی لەبارەی پرسە ستراتیژی و نیشتمانییەکان دەگەنە ڕێککەوتن و پارتی ئامادەیە بۆ تەباییی نێوان لایەنەکان لەپێناو بەرەژەوەندیی گشتی.

 

لیوا عه‌بدولخالق ته‌ڵعه‌ت: ئۆپەراسیۆنێكی هاوبه‌شی هاوپه‌یمانان و هێزەکانی عێراق به‌ئاگاداری هێزی پێشمه‌رگه‌ له‌ ناوچه‌كە ده‌ستی پێكردووه‌

THURSDAY, 04 JUNE 2020 15:06:19

به‌غدا-KDP.info-  نوێنه‌ری هه‌ردوو وه‌زاره‌تی پێشمه‌رگه‌ و وه‌زاره‌تی ناوخۆ له‌ فه‌رمانده‌ی ئۆپراسیۆنه‌كانی عێراق گوتی، ئۆپراسیۆنێكی هاوبه‌ش له ‌نێوان هاوپه‌یمانان و هێزه‌ عێراقییه‌كان به‌ ئاگاداریی هێزی پێشمه‌رگه‌ له‌ هه‌موو ناوچه‌كان ده‌ستی پێ كردووه‌ و هێزی پێشمه‌رگه‌ كه‌ به‌شداری نه‌كردووه‌ به‌هۆی ئه‌وه‌ی سنووری هێزی عێراقی بووه‌، به‌ڵام هه‌ماهه‌نگیی باش له‌گه‌ڵ هێزه‌ عێراقییه‌كان هه‌یه‌ و ته‌نها له‌ سنووری قه‌ره‌چوغ هاوپه‌یمانان له‌ كۆی 26 گورز 19 داعشیان كوشتووه‌ و چه‌ندین مۆڵگه‌شیان خاپوور كردووه‌.''

 

خۆشناو: تاكه‌ هۆكاری كۆنه‌بوونه‌وه‌ی پەرلەمان خۆپارێزییه له‌ ڤایرۆسی كۆرۆنا نه‌ك بابه‌تی سیاسی

THURSDAY, 04 JUNE 2020 15:06:27

هەولێر-KDP.info- سەرۆكی فراکسیۆنی پارتی دیموكراتی كوردستان لە پەرلەمان كوردستان ئاشكراى کرد، حه‌فته‌ی داهاتوو كۆبوونه‌وه‌ی سه‌رۆكایه‌تیی په‌رله‌مان و سه‌رۆكفراكسیۆنه‌كانی په‌رله‌مان به‌ڕێوه‌ ده‌چێت و ڕێوشوێنه‌كانی ئه‌نجامدانی كۆبوونه‌وه‌ی پەرلەمانیش ده‌گیرێته‌ به‌ر. ده‌شڵێ: تاكه‌ هۆكاری كۆنه‌بوونه‌وه‌ی پەرلەمان خۆپارێزییه‌ له‌ ڤایرۆسی كۆرۆنا نه‌ك بابه‌تی سیاسی  .

 

شاندی حکوومەتی هه‌رێمی كوردستان دوو مه‌له‌ف له‌گه‌ڵ به‌غدا یه‌كلایی ده‌كاته‌وه‌

THURSDAY, 04 JUNE 2020 14:06:11

به‌غدا-KDP.info-  سه‌رۆكی نوێنه‌رایه‌تیی حکوومەتی هه‌رێمی كوردستان له ‌به‌غدا گوتی، بڕیاره‌ ڕۆژی شه‌ممه‌ی داهاتوو ده‌نگ له‌سه‌ر ته‌واوكردنی كابینه‌ی نوێی حکوومەتی عێراق بدرێت و دواتر شاندی حکوومەتی هه‌رێمی كوردستان دێته‌ به‌غدا و دوو مه‌له‌ف له‌گه‌ڵ به‌غدا یه‌كلایی ده‌كاته‌وه‌. ئه‌وانیش دارایی و ئه‌وه‌ی دیكه‌ش نه‌وت، چونكه‌ تا ئێستا وه‌زیری نه‌وت نییه، بۆیه‌ چاوه‌ڕێی وه‌زیری نه‌وت ده‌كرا و هه‌ركاتێك دانرا ئه‌وكات شاندی حکوومەتی هه‌رێم ئاماده‌یه‌ بۆ گفتوگۆ و چاوه‌ڕێی حکوومەتی عێراقە.

 

ئەكرەم ساڵح بۆ KDP: سەرەداوی تەقەكردن لە لیژنەی ناوچەی كفری دەست كەوتووە

THURSDAY, 04 JUNE 2020 11:06:24

گەرمیان-KDP.info- بەرپرسی لقی گەرمیانی پارتی دیموكراتی كوردستان، زانیاریی ورد لەبارەی تەقەكردن لە بارەگای لیژنەی ناوچەی پارتی لە سنووری كفری ئاشكرا دەكات و، باس لە هۆكارەكانی ئەو تەقەكردنە دەكات.

 


 
© 2020 Kurdistan Democratic Party, KDP