Kurdî  ■  كوردی  ■  عربي
MON, 14 JUL 2025 21:59 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

راگەیاندراوی کۆبوونەوەی ئەنجوومەنی سەرکردایەتی پارتی
| KDP.info


 

هەولێر-KDP.info-  به‌سه‌رپه‌رشتی جه‌نابی سه‌رۆك بارزانی، ئه‌نجوومه‌نی سه‌ركردایه‌تی به‌ ئاماده‌بوونی ئه‌ندامانی ئه‌نجوومه‌ن و به‌رپرسی سه‌رجه‌م مه‌كته‌ب و ده‌سته‌ و ده‌زگا و لقه‌كانی پارتیمان، رۆژی شه‌ممه‌ رێكه‌وتی 1ی 6ی 2019، كۆبوونه‌وه‌ی فراوانی خۆی ئه‌نجامدا و، چه‌ند بابه‌تێكی گرینگ و هه‌نوكه‌یی خسته‌ به‌ر باس و گفتوگۆكردن و بڕیاری پێویستیان له‌باره‌وه‌ وه‌رگیرا. له‌ ده‌ستپێكدا كۆبوونه‌وه‌ وێڕای خۆشحاڵی، پشتگیری خۆی بۆ هه‌ڤاڵ نێچیرڤان بارزانی ده‌ربڕی له‌ ئه‌ركی تازه‌یدا وه‌كو سه‌رۆكی هه‌رێمی كوردستان و، پیرۆزبایی لێ كرد.

دواتر له‌ روانگه‌ی خوێندنه‌وه‌یه‌كی واقعیانه‌ی قۆناغی ئێستای كۆمه‌ڵگاكه‌مان و هه‌ستیاریی بارودۆخی سیاسی و عه‌سكه‌ری و ئابووریی ناوچه‌كه‌ به‌گشتی و عێراق و كوردستان به‌ تایبه‌تی كه‌, روداو و گۆڕانكاری زۆر و خێرا به‌خویه‌وه‌ ده‌بینێ‌ و، ناوچه‌كه‌ به‌ كوردستانیشه‌وه‌ چاوه‌ڕوانی گۆڕانكاری و ئاڵۆزی زێده‌تری لێده‌كرێت، پارتیمان له‌ سۆنگه‌ی به‌رپرسیاریه‌تی مێژوویی به‌رامبه‌ر به‌ گه‌ل و نیشتمانه‌كه‌ی وه‌ك هه‌میشه‌ گۆتار و هه‌نگاوه‌كانی به‌ شێوازێك رێكده‌خات كه‌ هاوته‌ریب بێت له‌گه‌ڵ بارودۆخه‌كه‌ و رێگه‌ له‌ زیانگه‌یاندن به‌ ئه‌زمونه‌كه‌مان بگرێت.

سه‌باره‌ت به‌ پرۆسه‌ی سیاسی له‌ عێراق و كوردستان، كه‌ پێویستی به‌ هه‌ڵوه‌سته‌له‌سه‌ركردن و خوێندنه‌وه‌یه‌كی نوێ هه‌یه‌، به‌تایبه‌تی دوای كاراكردنه‌وه‌ی یاسای سه‌رۆكایه‌تی هه‌رێم و هه‌ڵبژاردنی سه‌رۆكی هه‌رێم, كۆبوونه‌وه‌ دانبه‌خۆداگرتن و پشودرێژیی پارتی له‌دوای پرۆسه‌ی هه‌ڵبژاردنی په‌رله‌مانی كوردستان له‌ 30ی ئه‌یلولی 2018، له‌ گوتار و هه‌نگاوه‌كان به‌ ئیجابی هه‌ژمارد كه‌، بۆ به‌رژه‌وه‌ندی و پاراستنی كه‌شی هێمنانه‌ و خۆبه‌دورگرتن له‌ موهاته‌راتی میدیایی و هه‌رجۆره‌ په‌رچه‌كردارێك بووه‌ له‌ پێناو سه‌قامگیری و یه‌كڕیزی و پاراستنی په‌یوه‌ندی دۆستانه‌ له‌گه‌ڵ هه‌موو لایه‌كی به‌شدار له‌ پرۆسه‌ی سیاسیدا و، سه‌ردان و گفتوگۆ و رێككه‌وتنه‌كانمان له‌گه‌ڵ لایه‌نه‌كانی كوردستانی و عێراقی شاهیدی ئه‌و راستیه‌مان بۆ ده‌ده‌ن كه‌ هه‌نگاوه‌كانمان بۆ خزمه‌تی گه‌ل و نیشتمانه‌كه‌مان بووه‌. سه‌باره‌ت به‌ عێڕاقیش، له‌گه‌ڵ حكوومه‌تی عێراق، تا ئێستا په‌یوه‌ندیمان باشه‌ و نه‌خشه‌ڕێگای دیاریكراو بۆ چاره‌سه‌ركردنی كێشه‌كان به‌باشی به‌ڕێوه‌ده‌چێت، سه‌ره‌رای هه‌بوونی گیروگرفت كه‌ هه‌ندێجار به‌ ئه‌نقه‌ست دروستده‌كرێن چ له‌ به‌غدا یاخود له‌ كوردستان، به‌رده‌وامده‌بین.

كۆبوونه‌وه‌ له‌سه‌ر بارودۆخی هه‌ستیار و ئاڵۆزی ناوچه‌كه‌ و كێشه‌ی نێوان ئه‌مریكا و ئێران هه‌ڵوه‌سته‌ی كرد و گفتوگۆی پێویستی له‌باره‌وه‌ كرد، كه‌ راسته‌وخۆ و ناڕاسته‌وخۆ كاریگه‌ری له‌سه‌ر عێراق و كوردستان و به‌شه‌كانی دیكه‌ی كوردستانیش هه‌یه‌، هیوای خواست به‌ حیوار و به‌شێوه‌یه‌كی ئاشتیانه‌ چاره‌سه‌ر بكرێت و ناوچه‌كه‌ دوربێت له‌ شه‌ڕ.
له‌ ته‌وه‌رێكی دیكه‌دا كۆبوونه‌وه‌ هه‌ڵوه‌سته‌ی له‌سه‌ر دیارده‌ی سوتاندنی ده‌غڵودانی جوتیارانی ناوچه‌كانی ده‌ره‌وه‌ی ئیداره‌ی هه‌رێم كرد و ئه‌وپه‌ڕی نیگه‌رانی خۆی نیشاندا و به‌ كارێكی ناڕه‌وا و ته‌عدای هه‌ژماركرد ده‌رهه‌ق به‌ دانیشتوانی كوردی ئه‌و ناوچانه‌ و داوای پێكهێنانی لیژنه‌یه‌كی هاوبه‌شی بۆ لێكۆڵینه‌وه‌ له‌سه‌ر ئه‌م بابه‌ته‌ و بابه‌تی ته‌عریب كرد و داواشی كرد حكومه‌تی فیدرال قه‌ره‌بووی زیانلێكه‌وتوان بكاته‌وه‌, هاوكات پێمان وایه‌ ئیداره‌ی كه‌ركوك و ناوچه‌كانی دیكه‌ی هاوشێوه‌، به‌ هاوبه‌شی هێزه‌كانی پێشمه‌رگه‌ و سوپا و ده‌زگا ئه‌منییه‌كانی هه‌ردوولا نه‌بێت به‌ڕێوه‌ناچێت.

پارتیمان, له‌دوای سه‌ركه‌وتنی گه‌وره‌ی له‌ هه‌ڵبژاردنی په‌رله‌مان له‌ ساڵی رابردوو و به‌ده‌ستهێنانی متمانه‌ی زۆرینه‌ی خه‌ڵكی كوردستان، بڕیاری رێگه‌خۆشكردن و زه‌مینه‌ی پتری ته‌بایی و یه‌كڕیزی و سیاسه‌تی گفتوگۆ و په‌یوه‌ندیكردنی له‌ ناوخۆ گرته‌ به‌ر، كه‌ ئه‌مه‌ش له‌وپه‌ڕی هه‌ست به‌ به‌رپرسیاریه‌تی و له‌پێناو سه‌قامگیری سه‌رچاوه‌ی گرتووه‌. له‌ ناوخۆش پێویستی به‌ تێگه‌یشتن و هاتنه‌ پێشه‌وه‌ی لایه‌نه‌كان هه‌یه‌ كه‌ هیوادارین خوێندنه‌وه‌یان بۆ ئه‌م پشوودرێژییه‌مان به‌ ئه‌رێنی وه‌ربگیرێ‌ دوور له‌هه‌ر لێكدانه‌وه‌ی دیكه‌.

ئه‌نجوومه‌نی سه‌ركردایه‌تی
پارتی دیموكراتی كوردستان
1ی 6ی 2019



 




دوایین هەواڵەکان

دوو درۆنی بۆمبڕێژکراو لە پارێزگای هەولێر کەوتنە خوارەوە

MONDAY, 14 JULY 2025 21:07:00

ھەولێر-KDP.info- دژە تیرۆری کوردستان بڵاویکردەوە، دوو درۆنی بۆمبڕێژکراو لە سنووری پارێزگای ھەولێر کەوتنە خوارەوە.

 

سەرۆک بارزانی بەشداری لە مەراسیمی ڕۆژی نیشتیمانیی فەڕەنسا دەکات

MONDAY, 14 JULY 2025 21:07:02

ھەولێر-KDP.info- ئێوارەی ڕۆژی دووشەممە ١٤ی تەمموزی ٢٠٢٥ سەرۆک مەسعود بارزانی لە ھۆتێل رۆتانای شاری ھەولێر بەشداریی لە مەراسیمی یادی ڕۆژی نیشتمانی فەڕەنسا کرد.

 
وەزارەتی ناوخۆ ڕوونکردنەوەیەکی لەبارەی ڕووداوەکەی وەرتێ بڵاوکردەوە

MONDAY, 14 JULY 2025 20:07:00

ھەولێر-KDP.info- وەزارەتی ناوخۆی حکوومەتی ھەرێمی کوردستان دەڵێت: لایەنە پەیوەندیدارەکان ڕاسپێدراون بۆ لێکۆڵینەوە و گرتنەبەری ڕێکاری یاسایی لەسەر ڕووداوەکانی شەوی ڕابردووی سنووری شارەدێی وەرتێ.

ھەڵگورد شێخ نەجیب: دۆخی سنوورەکە ئارامە و ئەمڕۆ کێشەی کارەباش چارەسەر دەکرێت

MONDAY, 14 JULY 2025 17:07:04

سۆران -KDP.info- سەرپەرشتیاری ئیدارەی سەربەخۆی سۆران گوتی "ئێستا دۆخی ئیدارەی سەربەخۆی سۆران ئارامە و ئاساییبۆتەوە، ئەو کێشەیەی کارەباش کە ھەبوو ئەمڕۆ چارەسەر دەبێت."

 
باشترین گوندی گەشتیاری لەسەر ئاستی وڵاتان دەستنیشان دەکرێت

MONDAY, 14 JULY 2025 16:07:22

ھەولێر -KDP.info- بەڕێوەبەری بەبازاڕکردن لە دەستەی گەشتوگوزاری ھەرێمی کوردستان گوتی "لەسەر ئاستی عێراق دوو شوێن لە هەریمی کوردستان دیاریکراون کێبڕکێ دەکەن بۆ نازناوی باشترین گوندی گەشتیاری لەسەر ئاستی وڵاتانی عەرەبی، بۆ ئەو مەبەستە ئامادەکاریی تەواو کراوە و پێشبینی دەکەین ئەنجامی باش بەدەست بێنین."

 


 
© 2023 Kurdistan Democratic Party, KDP

Contact