Kurdî  ■  كوردی  ■  عربي
FRI, 5 JUN 2020 01:52 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لیزا كاكەیی: بەعەرەبكردنی ناوچە كوردستانییەكان بۆ كەمكردنەوەی دەنگی كوردە
| KDP.info


 
هەولێر-KDP.info- پەرلەمانتارێكی كوردستان ڕایدەگەیەنێت، هاوشێوەی زەمانی بەعسییەكان، دەست كراوە بە بەعەرەبكردنی ناوچە كوردستانییەكان و ئامانجیش لێی كەمكردنەوەی رێژەی كوردە بۆ سەرژمێریی ساڵی 2020 و هەڵبژاردنی ئەنجوومەنی پارێزگاكان. 
 
لیزا فەلەكەدین كاكەیی، ئەندامی لیژنەی ناوچە كوردستانییەكانی دەرەوەی ئیدارەی هەرێم لە پەرلەمانی كوردستان، بە‌ ماڵپەڕی فەرمیی پارتی دیموكراتی كوردستانی راگەیاند: "هاوشێوەی زەمانی بەعس، دەست كراوە بە بەعەرەبكردنی ناوچە كوردستانییەكان و پرۆسەكەش لە چوارچێوەی پیلانێكی پێشوەختەدا جێبەجێ دەكرێت، كە هەر لە خانەقینەوە تا مەخموور و بەرفراوانە و بە دوو شێوە بەڕێوە دەچێت،  یەكێك لەوانە، ئەنجامدانی توندوتیژییە بە مەبەستی تۆقاندن، كە لە سنووری خانەقین بە كوشتن دەستیان پێكردووە، نموونەش ئەوەیە كە لە ماوەی چه‌ند رۆژى ڕابردوودا چوار هاووڵاتیی كورد لەو ناوچەیە شەهید كراون".
 
‎بە گوتەی كاكەیی، خەڵكی بە ڕەگەز عەرەب رۆژانە بۆ سنووری شاروچكەی مەخموور و گوندەكانی دەوروبەری دوبز و كەركووك هاوردە دەكرێن، كە حەشدی شەعبی و سوپای عێراق لەو پرۆسەیەدا هاوكار و رێخۆشكەرن.
 
ئەو پەرلەمانتارە دەشڵێت: ‌"بێگومان ئەم هەنگاوە پیلانێكی سیاسیی پێشوەختە و نەخشەبۆداڕێژراوە و دەیانەوێت لە پاڵ گۆڕینی دیموگرافیای ناوچە كوردستانییەكان، هەوڵیش بدەن تا پێش ساڵی 2020 كە بڕیارە لە عێراق پرۆسەی سەرژمێری ئەنجام بدرێت، ناسنامەی كورد لە كەركووك و مەخموور و شنگال و خانەقین و تەواوی ناوچەكانی دیكە تا ئەوەندەی دەتوانن كەم بكەنەوە، هەروەها ئەم هەنگاوانە بۆ كەمكردنەوەی دەنگی كوردە لە هەڵبژاردنەكانی ئەنجومەنی پارێزگاكان لەو ناوچانە و بە تایبەتیش لە كەركووك".
 
نەشوان بەرزنجی
 



دوایین هەواڵەکان

بڵند ئیسماعیل: پارتی لەگەڵ یەکڕیزییە لەسەر پرسە نیشتمانی و ستراتیژییەکان

THURSDAY, 04 JUNE 2020 17:06:10

هەولێر – KDP.info -  بەرپرسێکی پارتی دیموکراتی کوردستان ئاشکرای کرد، پارتی لەگەڵ یەکڕیزیی لایەنە سیاسییەکانە و دەشڵێ، پارتی و یەکێتی لەبارەی پرسە ستراتیژی و نیشتمانییەکان دەگەنە ڕێککەوتن و پارتی ئامادەیە بۆ تەباییی نێوان لایەنەکان لەپێناو بەرەژەوەندیی گشتی.

 

لیوا عه‌بدولخالق ته‌ڵعه‌ت: ئۆپەراسیۆنێكی هاوبه‌شی هاوپه‌یمانان و هێزەکانی عێراق به‌ئاگاداری هێزی پێشمه‌رگه‌ له‌ ناوچه‌كە ده‌ستی پێكردووه‌

THURSDAY, 04 JUNE 2020 15:06:19

به‌غدا-KDP.info-  نوێنه‌ری هه‌ردوو وه‌زاره‌تی پێشمه‌رگه‌ و وه‌زاره‌تی ناوخۆ له‌ فه‌رمانده‌ی ئۆپراسیۆنه‌كانی عێراق گوتی، ئۆپراسیۆنێكی هاوبه‌ش له ‌نێوان هاوپه‌یمانان و هێزه‌ عێراقییه‌كان به‌ ئاگاداریی هێزی پێشمه‌رگه‌ له‌ هه‌موو ناوچه‌كان ده‌ستی پێ كردووه‌ و هێزی پێشمه‌رگه‌ كه‌ به‌شداری نه‌كردووه‌ به‌هۆی ئه‌وه‌ی سنووری هێزی عێراقی بووه‌، به‌ڵام هه‌ماهه‌نگیی باش له‌گه‌ڵ هێزه‌ عێراقییه‌كان هه‌یه‌ و ته‌نها له‌ سنووری قه‌ره‌چوغ هاوپه‌یمانان له‌ كۆی 26 گورز 19 داعشیان كوشتووه‌ و چه‌ندین مۆڵگه‌شیان خاپوور كردووه‌.''

 

خۆشناو: تاكه‌ هۆكاری كۆنه‌بوونه‌وه‌ی پەرلەمان خۆپارێزییه له‌ ڤایرۆسی كۆرۆنا نه‌ك بابه‌تی سیاسی

THURSDAY, 04 JUNE 2020 15:06:27

هەولێر-KDP.info- سەرۆكی فراکسیۆنی پارتی دیموكراتی كوردستان لە پەرلەمان كوردستان ئاشكراى کرد، حه‌فته‌ی داهاتوو كۆبوونه‌وه‌ی سه‌رۆكایه‌تیی په‌رله‌مان و سه‌رۆكفراكسیۆنه‌كانی په‌رله‌مان به‌ڕێوه‌ ده‌چێت و ڕێوشوێنه‌كانی ئه‌نجامدانی كۆبوونه‌وه‌ی پەرلەمانیش ده‌گیرێته‌ به‌ر. ده‌شڵێ: تاكه‌ هۆكاری كۆنه‌بوونه‌وه‌ی پەرلەمان خۆپارێزییه‌ له‌ ڤایرۆسی كۆرۆنا نه‌ك بابه‌تی سیاسی  .

 

شاندی حکوومەتی هه‌رێمی كوردستان دوو مه‌له‌ف له‌گه‌ڵ به‌غدا یه‌كلایی ده‌كاته‌وه‌

THURSDAY, 04 JUNE 2020 14:06:11

به‌غدا-KDP.info-  سه‌رۆكی نوێنه‌رایه‌تیی حکوومەتی هه‌رێمی كوردستان له ‌به‌غدا گوتی، بڕیاره‌ ڕۆژی شه‌ممه‌ی داهاتوو ده‌نگ له‌سه‌ر ته‌واوكردنی كابینه‌ی نوێی حکوومەتی عێراق بدرێت و دواتر شاندی حکوومەتی هه‌رێمی كوردستان دێته‌ به‌غدا و دوو مه‌له‌ف له‌گه‌ڵ به‌غدا یه‌كلایی ده‌كاته‌وه‌. ئه‌وانیش دارایی و ئه‌وه‌ی دیكه‌ش نه‌وت، چونكه‌ تا ئێستا وه‌زیری نه‌وت نییه، بۆیه‌ چاوه‌ڕێی وه‌زیری نه‌وت ده‌كرا و هه‌ركاتێك دانرا ئه‌وكات شاندی حکوومەتی هه‌رێم ئاماده‌یه‌ بۆ گفتوگۆ و چاوه‌ڕێی حکوومەتی عێراقە.

 

ئەكرەم ساڵح بۆ KDP: سەرەداوی تەقەكردن لە لیژنەی ناوچەی كفری دەست كەوتووە

THURSDAY, 04 JUNE 2020 11:06:24

گەرمیان-KDP.info- بەرپرسی لقی گەرمیانی پارتی دیموكراتی كوردستان، زانیاریی ورد لەبارەی تەقەكردن لە بارەگای لیژنەی ناوچەی پارتی لە سنووری كفری ئاشكرا دەكات و، باس لە هۆكارەكانی ئەو تەقەكردنە دەكات.

 


 
© 2020 Kurdistan Democratic Party, KDP