Kurdî  ■  كوردی  ■  عربي
FRI, 5 JUN 2020 01:49 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

یەكێتیی زانایان: بەرەنگاربوونەوەی بیری توندڕۆیی بەردەوامە و مامۆستایان رۆڵی پێشمەرگەیان ھەبووە
| KDP.info


 
هەولێر-KDPinfo- سەرۆكی یەكێتیی زانایانی ئایینی لە ھەرێمی كوردستان، باس لە بەگژداچوونەوەی بیری توندڕۆیی دەكات و دەڵێ، مامۆستایانی ئایینی مینبەری مزگەوتەكانیان ھاوشێوەی سەنگەرەكانی پێشمەرگە بۆ تێكشكاندنی داعش بەكار ھێناوە و ئاماژەی بۆ ئەوە كرد، پلانی دژایەتیكردنی توندڕۆیی، ھێشتا بەردەوامە.
 
مەلا عەبدوڵڵا سەعید، بە ماڵپەڕی فەرمیی پارتی دیموكراتی كوردستانی راگەیاند: "ماوەی دوو ساڵە لە مزگەوتەكانی ھەرێمی كوردستان ھیچ خاڵێك باس نەكراوە كە كاریگەرییەكی ئەوتۆی لەسەر پرسی نەتەوەیی و توندڕەوی ھەبێت، بەڵكوو مامۆستایان و زانایانی ئایینی ھەموویان دژایەتیی خۆیان بۆ بیری توندڕەوی نیشان داوە و دەستپێشخەریش بوونە لە بنەبڕكردنی بیری توندڕۆیی لە كوردستان، بە بەردەوامییش لەلایەن وەزارەتی ئەوقاف و كاروباری ئایینییەوە، خول بۆ پێگەیاندنی مامۆستایانی ئایینی دەكرێتەوە".
 
سەرۆكی یەكێتیی زانایانی ئایینی دەڵێت: "مامۆستایانی ئایینی پێویستیان بە دابینكردنی سەرچاوەی مەعریفی ھەیە بۆ بەگژداچوونەوەی بیری توندڕۆیی لە ھەرێمی كوردستان، چونكە توندڕۆیی تایبەت نییە بە كاتێكی دیاریكراو، بە پێچەوانەوە بەردەوام كار بۆ بڵاوكردنەوەی ھزری توندڕۆیی دەكرێت و پێویستی بە بەرەنگاربوونەوەی جیددی ھەیە".
 
مەلا عەبدوڵڵا روونیشی كردەوە: "مامۆستایانی ئایینی لە سەرەتای شەڕی داعشەوە رۆڵێكی كاریگەریان ھەبوو لە تێكشكاندنی ئەو گرووپە توندڕەوە و مینبەری مزگەوتەكان ھاوشێوەی سەنگەری پێشمەرگە بەكار ھێندراوە بۆ دژایەتیكردنی ئەو گرووپە توندڕەوە، خۆشبەختانە ھەموو لایەك بە سەركردایەتیی سیاسیی كوردەوە ھەستیان بە و رۆڵە بەرچاوەی زانایان و مامۆستایانی ئایینی كردووە، ھیچ مامۆستایەكی ئایینیش پشتیوانی لە بیری توندڕۆیی نەكردووە و ھەر كەسێكیش زانیاری ھەبێت، ئێمە بەدواداچوونی بۆ دەكەین".
 
قائید میرۆ
 
 
 



دوایین هەواڵەکان

بڵند ئیسماعیل: پارتی لەگەڵ یەکڕیزییە لەسەر پرسە نیشتمانی و ستراتیژییەکان

THURSDAY, 04 JUNE 2020 17:06:10

هەولێر – KDP.info -  بەرپرسێکی پارتی دیموکراتی کوردستان ئاشکرای کرد، پارتی لەگەڵ یەکڕیزیی لایەنە سیاسییەکانە و دەشڵێ، پارتی و یەکێتی لەبارەی پرسە ستراتیژی و نیشتمانییەکان دەگەنە ڕێککەوتن و پارتی ئامادەیە بۆ تەباییی نێوان لایەنەکان لەپێناو بەرەژەوەندیی گشتی.

 

لیوا عه‌بدولخالق ته‌ڵعه‌ت: ئۆپەراسیۆنێكی هاوبه‌شی هاوپه‌یمانان و هێزەکانی عێراق به‌ئاگاداری هێزی پێشمه‌رگه‌ له‌ ناوچه‌كە ده‌ستی پێكردووه‌

THURSDAY, 04 JUNE 2020 15:06:19

به‌غدا-KDP.info-  نوێنه‌ری هه‌ردوو وه‌زاره‌تی پێشمه‌رگه‌ و وه‌زاره‌تی ناوخۆ له‌ فه‌رمانده‌ی ئۆپراسیۆنه‌كانی عێراق گوتی، ئۆپراسیۆنێكی هاوبه‌ش له ‌نێوان هاوپه‌یمانان و هێزه‌ عێراقییه‌كان به‌ ئاگاداریی هێزی پێشمه‌رگه‌ له‌ هه‌موو ناوچه‌كان ده‌ستی پێ كردووه‌ و هێزی پێشمه‌رگه‌ كه‌ به‌شداری نه‌كردووه‌ به‌هۆی ئه‌وه‌ی سنووری هێزی عێراقی بووه‌، به‌ڵام هه‌ماهه‌نگیی باش له‌گه‌ڵ هێزه‌ عێراقییه‌كان هه‌یه‌ و ته‌نها له‌ سنووری قه‌ره‌چوغ هاوپه‌یمانان له‌ كۆی 26 گورز 19 داعشیان كوشتووه‌ و چه‌ندین مۆڵگه‌شیان خاپوور كردووه‌.''

 

خۆشناو: تاكه‌ هۆكاری كۆنه‌بوونه‌وه‌ی پەرلەمان خۆپارێزییه له‌ ڤایرۆسی كۆرۆنا نه‌ك بابه‌تی سیاسی

THURSDAY, 04 JUNE 2020 15:06:27

هەولێر-KDP.info- سەرۆكی فراکسیۆنی پارتی دیموكراتی كوردستان لە پەرلەمان كوردستان ئاشكراى کرد، حه‌فته‌ی داهاتوو كۆبوونه‌وه‌ی سه‌رۆكایه‌تیی په‌رله‌مان و سه‌رۆكفراكسیۆنه‌كانی په‌رله‌مان به‌ڕێوه‌ ده‌چێت و ڕێوشوێنه‌كانی ئه‌نجامدانی كۆبوونه‌وه‌ی پەرلەمانیش ده‌گیرێته‌ به‌ر. ده‌شڵێ: تاكه‌ هۆكاری كۆنه‌بوونه‌وه‌ی پەرلەمان خۆپارێزییه‌ له‌ ڤایرۆسی كۆرۆنا نه‌ك بابه‌تی سیاسی  .

 

شاندی حکوومەتی هه‌رێمی كوردستان دوو مه‌له‌ف له‌گه‌ڵ به‌غدا یه‌كلایی ده‌كاته‌وه‌

THURSDAY, 04 JUNE 2020 14:06:11

به‌غدا-KDP.info-  سه‌رۆكی نوێنه‌رایه‌تیی حکوومەتی هه‌رێمی كوردستان له ‌به‌غدا گوتی، بڕیاره‌ ڕۆژی شه‌ممه‌ی داهاتوو ده‌نگ له‌سه‌ر ته‌واوكردنی كابینه‌ی نوێی حکوومەتی عێراق بدرێت و دواتر شاندی حکوومەتی هه‌رێمی كوردستان دێته‌ به‌غدا و دوو مه‌له‌ف له‌گه‌ڵ به‌غدا یه‌كلایی ده‌كاته‌وه‌. ئه‌وانیش دارایی و ئه‌وه‌ی دیكه‌ش نه‌وت، چونكه‌ تا ئێستا وه‌زیری نه‌وت نییه، بۆیه‌ چاوه‌ڕێی وه‌زیری نه‌وت ده‌كرا و هه‌ركاتێك دانرا ئه‌وكات شاندی حکوومەتی هه‌رێم ئاماده‌یه‌ بۆ گفتوگۆ و چاوه‌ڕێی حکوومەتی عێراقە.

 

ئەكرەم ساڵح بۆ KDP: سەرەداوی تەقەكردن لە لیژنەی ناوچەی كفری دەست كەوتووە

THURSDAY, 04 JUNE 2020 11:06:24

گەرمیان-KDP.info- بەرپرسی لقی گەرمیانی پارتی دیموكراتی كوردستان، زانیاریی ورد لەبارەی تەقەكردن لە بارەگای لیژنەی ناوچەی پارتی لە سنووری كفری ئاشكرا دەكات و، باس لە هۆكارەكانی ئەو تەقەكردنە دەكات.

 


 
© 2020 Kurdistan Democratic Party, KDP