Kurdî  ■  كوردی  ■  عربي
TUE, 2 JUN 2020 18:07 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نێچیرڤان بارزانی پێشوازی له‌ شاندێكی ئه‌مه‌ریكی ده‌كات
| KDP.info


هەولێر-KDP.info- ئێواره‌ی ئه‌مڕۆ سێشه‌ممه‌ 9/4/2019 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ به‌ڕێزان جۆی هوود هه‌ڵسوڕێنه‌ری كاروباره‌كانی باڵیۆزخانه‌ی ئه‌مه‌ریكا له‌ عێراق، ستیڤ ڤاگن كونسوڵی گشتیی ئه‌مه‌ریكا له‌ هه‌رێمی كوردستان، ماكس بریمۆراك ڕاوێژكاری تایبه‌تی وه‌زاره‌تی ده‌ره‌وه‌ی ئه‌مه‌ریكا بۆ پێكهاته‌ جیاوازه‌كان و شاندێكی سیاسی و دیپلۆماسیی یاوه‌ریان كرد. 

له‌ دیدارێكدا شاندی میوان خۆشحاڵیی خۆیان به‌ دیداریان له‌گه‌ڵ به‌ڕێز سه‌رۆك وه‌زیران ده‌ربڕی و هاوكارییه‌كانی حكوومه‌تی هه‌رێمی كوردستانیان بۆ ئاواره‌ و په‌نابه‌رانی ده‌ستی تیرۆر و پاراستنی هه‌موو پێكهاته‌كان بێ جیاوازی، به‌رز نرخاند. هه‌ردوولا جه‌ختیان له بایه‌خدان به‌ هاوكاریی ئه‌و پێكهاتانه‌‌ كرده‌وه‌ كه‌ به‌هۆی هێرشه‌كانی داعشه‌وه‌‌ زێدی خۆیان جێهێشتووه‌ تا ئه‌و كاته‌ی ده‌گه‌ڕێنه‌وه‌ و ئاسایش له‌ ناوچه‌كانیان به‌رقه‌رار ده‌بێت.

  له‌ به‌شێكی دیكه‌ی دیداره‌كه‌دا پێكهێنانی كابینه‌ی نوێی حكوومه‌تی هه‌رێمی كوردستان و ئه‌و هه‌نگاوانه‌ی تا ئێستا له‌مباره‌یه‌وه‌ نراون، په‌یوه‌ندییه‌كانی هه‌ولێر ـ به‌غدا و هه‌نگاوه‌كانی چاره‌سه‌ركردنی كێشه‌كانی نێوان هه‌ردوولا له‌ ڕێگه‌ی دیالۆگ و گفتوگۆوه‌، مه‌ترسیی سه‌رهه‌ڵدانه‌وه‌ی داعش له‌ چه‌ند ناوچه‌یه‌ك و كاری هاوبه‌شی نێوان هه‌ولێر و به‌غدا له‌مباره‌یه‌وه‌، خرانه‌ به‌ر باس وگفتوگۆ.

تاوتوێكردنی دۆخی ناوچه‌كه‌ و چه‌ند بابه‌تێكی په‌یوه‌ست به‌ باشتربوونی لایه‌نی ئابووریی هه‌رێمی كوردستانه‌وه‌، لایه‌نێكی دیكه‌ی دیداره‌كه‌ بوو.

 




دوایین هەواڵەکان

ڕێبوار ھادی: لەم مانگەدا ھەرێم و بەغدا ڕێککەوتنی کۆتایی ئیمزا دەکەن

TUESDAY, 02 JUNE 2020 18:06:38

بەغدا – KDP.info -  لە چەند مانگی ڕابردوودا دانوستانی ورد دەربارەی پرسی نەوت و مووچەی فەرمانبەرانی ھەرێمی کوردستان لە نێوان ھەرێمی کوردستان و بەغدا کراوە و سەرۆکی لیژنەی یاساییی پەرلەمانی عێراق ئاشکرای کرد، لەم مانگەدا ڕێککەوتنی کۆتایی دەکرێت.

 

"ئەمڕۆ فراکسیۆنی پارتی بڕیار لە پشکداریکردنی دانیشتنەکەی سبەینێی پەرلەمان دەدات"

TUESDAY, 02 JUNE 2020 17:06:15

هەولێر- KDP.info -  بڕیارە سبەی کۆبوونەوەی ئەنجومەنی نوێنەرانی عێراق بەڕێوە بچێت، گوتەبیژی فراکسیۆنی پارتی لە ئەنجومەنی نوێنەرانی عێراق دەڵێ، ئەمڕۆ فراکسیۆنەکەیان بڕیار لە پشکداریکردن دەدات.

 
وه‌زیری ناوخۆ: ئه‌و كه‌سانه‌ی بانگه‌شه‌ی ئه‌وه‌ ده‌كه‌ن كۆرۆنا نییه‌ ڕووبه‌ڕووی یاسایان ده‌كه‌ینه‌وه‌

TUESDAY, 02 JUNE 2020 17:06:52

هەولێر– KDP.info-  ڕێبه‌ر ئه‌حمه‌د، وه‌زیری ناوخۆ، له‌ كۆنگره‌یه‌كی ڕۆژنامه‌نوسیدا دوای كۆتاییهاتنی كۆبوونه‌وه‌ی وه‌زیری ناوخۆ و ته‌ندروستی و پارێزگارەکان ڕایگه‌یاند: "دوای ئه‌وه‌ی هاووڵاتییان پابه‌ند نه‌بوون به‌ ڕێكاره‌ ته‌ندروستییه‌كان و هه‌ڵكشانی ژماره‌ی تووشبووانی كۆرۆنا له‌ قه‌زای پێنجوێن و پارێزگای سلێمانی، بڕیاری قه‌ده‌غه‌ی هاتوچۆمان ده‌ركرد و، ئه‌مڕۆ له‌ كۆبوونه‌وه‌مان له‌گه‌ڵ وه‌زیری ته‌ندروستی و پارێزگاره‌كان بڕیار درا پێداچوونه‌وه‌ به ‌به‌یانی ژمارە 28دا بكه‌ین و ده‌سه‌ڵات بده‌ینه‌ پارێزگاره‌كان و سه‌رۆكی یه‌كه‌ ئیدارییه‌كان كارئاسانی بكه‌ن، به‌ڵام ڕێكاری توندی خۆپارێزی پێڕه‌و بكرێت، هه‌ركه‌س سه‌رپێچی بكات سزای توند بدرێت.''

 
سه‌رۆكى هه‌رێمى كوردستان و باڵیۆزى ئه‌مه‌ریكا دۆخى عێراق تاوتوێ ده‌كه‌ن

TUESDAY, 02 JUNE 2020 16:06:19

ھەولێر-KDP.info- نیوه‌ڕۆى ئه‌مڕۆ سێشه‌ممه‌ 2/6/2020 به‌ڕێز نێچیرڤان بارزانى، سه‌رۆكى هه‌رێمى كوردستان پێشوازى له‌ به‌ڕێز ماتیو توله‌ر باڵیۆزى ئه‌مه‌ریكا له‌ عێراق كرد.

سەرۆک بارزانی پێشوازی لە باڵیۆزی ئەمەریکا لە عێراق دەکات

TUESDAY, 02 JUNE 2020 16:06:44

ھەولێر-KDP.info- ئەمڕۆ سێشەممە ٢ـی ٦ـی ٢٠٢٠ سەرۆك مەسعود بارزانی لە بارەگای خۆی لە سەڵاحەددین پێشوازی لە بەڕێز ماتیۆ تولەر باڵیۆزی ولایەتە یەکگرتووەکانی ئەمەریکا لە بەغدا کرد.



 
© 2020 Kurdistan Democratic Party, KDP