Kurdî  ■  كوردی  ■  عربي
TUE, 10 DEC 2019 21:10 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ڕاوێژكارێكی كۆمارییەكان: ئەمەریكا حیسابی جیاواز بۆ هەرێم دەكات
| KDP.info


 

واشنتۆن-KDP.info- دوای ئەوەی دوێنێ وەزیری دەرەوەی ئەمەریكا سەردانی هەرێمی كوردستانی كرد و لەگەڵ بەرپرسانی باڵای كوردستاندا كۆ بووەوە، ڕاوێژكارێكی كۆمارییەكانی ئەمەریكا، باس لە گرینگیی ئەو سەردانەی وەزیری دەرەوە دەكات و دەڵێ، ئەمەریكا حیسابێكی زۆر جیاواز بۆ هەرێم دەكات.

دوێنێ چوارشەممە 9-1-2019، مایك پۆمپیۆ، وەزیری دەرەوەی ئەمەریكا، بە سەردانێك گەیشتە هەرێمی كوردستان و بە جیا لەگەڵ سەرۆك بارزانی و نێچیرڤان بارزانی و مەسروور بارزانی كۆ بووەوە.

لەبارەی گرینگیی سەردانی وەزیری دەرەوەی ئەمەریكا بۆ هەرێمی كوردستان، زەردەشت تۆفیق بەگ، ڕاوێژكاری كۆمارییەكانی ئەمەریكا، بە ماڵپەڕی فەرمیی پارتی دیموكراتی كوردستانی ڕاگەیاند: "لە سیاسەتی دەرەوەی ئەمەریكادا دوو وەزارەتی هەن زۆر گەورە و گرینگن، كە بریتین لە وەزارەتی دەرەوە و بەرگری، كاتێك وەزیری دەرەوە سەردانی شوێنێ دەكات، ئەمە خۆی گرینگییەكی تایبەتی هەیە، هەروەها وەزیری بەرگری و دەرەوە دەستەڕاست و چەپی سەرۆكی ئەمەریكان، واتا كاریگەرییان لەسەر سەرۆك هەیە، بۆیە سەردانی وەزیری دەرەوە بۆ هەرێمی كوردستان و چاوپێكەوتنی لەگەڵ گەورەبەرپرسانی هەرێم، گرینگییەكی تایبەتی هەیە لە سیاسەتی دەرەوەدا و، ئەمەریكایش وەك هاوبەشی سیاسەتەكانی، سەیری باشووری كوردستان دەكات، دەبێ بشگوترێ، چەندان وڵات هەن لە ناوچەكەدا هاوبەشی ئەمەریكاشن، بەڵام تاوەكو ئێستا لەسەر ئاستی وەزیری دەرەوە سەردانیان نەكراوە، بۆیە ئەو سەردانە دەستكەوتێكی گەورە دەبێت بۆ هەرێمی كوردستان".

تۆفیق، ڕاشیگەیاند: "ئەمەریكا كە گرینگی بە ناوچەیەك دەدات و سەردانی دەكات، مانای وایە بەرژەوەندیی ئەمەریكا و هاوبەش و هاوپەیمانەكانی ئێمەی تێدایە و ئەو شوێنە سەقامگیری تێیدا جێگیرە، ئەمانە لە سیاسەتی دەرەوەی ئەمەریكادا زۆر گرینگن".

دەشڵێ: "لە سەردەمی سەرۆك ترامپ، بەرژەوەندیی ئابووری هەندێك جار لە سەرووی بەرژەوەندیی سەربازییەوە دەبینرێ، بۆیە ئەو سەردانەی مایك پۆمپیۆ، لە رووی ئابوورییشەوە گرینگیی خۆی دەبێت".

ئەو ڕاوێژكارەی كۆمارییەكانی ئەمەریكا، هەروەها ئاماژەی دا، ئەو سەردانەی وەزیری دەرەوەی ئەمەریكا ڕاستەوخۆ دوای بەغدا بۆ هەرێمی كوردستان، پەیامێكە بۆ بەرپرسانی بەغدا، كە ئەمەریكا حیسابێكی زۆر جیاواز بۆ هەرێم دەكات، بەرپرسانی بەغدایش تێدەگەن كە باشووری كوردستان و سەركردەكانیان، قورساییەكی سیاسیی تایبەتیان لای ئەمەریكا هەیە.

 

نەشوان بەرزنجی




دوایین هەواڵەکان

ڕێكخەری ڕاسپاردە نێودەوڵەتییەكان: سەرەڕای تەحەددییەكان هەرێمی كوردستان زۆر هەنگاوی ئەرێنیی لە بواری مافی مرۆڤ ناوە

TUESDAY, 10 DECEMBER 2019 17:12:01

هەولێر-KDP.info-  لە كۆنگرەیەكی ڕۆژنامەنووسیدا كە بە بۆنەی ڕۆژی جیهانیی مافەكانی مرۆڤەوە ساز كرابوو، د. دیندار زێباری، ڕێكخەری ڕاسپاردە نێودەوڵەتییەكانی حكوومەتی هەرێمی كوردستان ڕایگەیاند، لە چەند ساڵی ڕابردوودا بەهۆی هێرشی تیرۆریستانی داعش و قەیرانی ئابوورییەوە، هەرێمی كوردستان ڕووبەڕووی چەندین ئاستەنگ و تەحەددیات بووەوە، بەڵام سەرەڕای ئەوەش هەوڵی دا پابەند بێت بە پرەنسیپەكانی مافی مرۆڤەوە.

 
پەیامی سەرەخۆشی سەرۆک وەزیرانی هەرێمی کوردستان بۆ بنەماڵەی شێخ سدیق عەبدولعەزیز

TUESDAY, 10 DECEMBER 2019 17:12:08

هەولێر-KDP.info- له‌ په‌یامێكدا به‌ڕێز مەسروور بارزانی، سەرۆک وەزیرانی هه‌رێمى كوردستان، سه‌ره‌خۆشى له‌ خانه‌واده‌ى خوالێخۆشبوو شێخ سدیق عەبدولعەزیز كرد، ئه‌مه‌ ده‌قه‌كه‌یه‌تى:

 
خه‌سره‌و گۆران زانیاری له‌سه‌ر كۆمسیۆنی هه‌ڵبژاردنه‌كانی عێراق ده‌خاته‌ ڕوو

TUESDAY, 10 DECEMBER 2019 16:12:32

هەولێر -KDP.info- به‌رپرسی ده‌زگای هه‌ڵبژاردنه‌كانی پارتی دیموكراتی كوردستان ئاماژه‌ به‌وه‌ ده‌كات كه‌ كۆمسیۆنی هه‌ڵبژاردنه‌كانی عێراق نه‌ماوه‌ و ستافێكی نوێ كاری كۆمسیۆن به‌ڕێوه‌ ده‌بات و له‌ناویشیدا پشكی كورد پارێزراو ده‌بێت.

 
وەزیری ناوخۆ: بەڕێوبەرایەتییەکی تر لە زاخۆ دەکەینەوە

TUESDAY, 10 DECEMBER 2019 16:12:37

زاخۆ-KDP.info- لە سەردانی ڕێبەر ئەحمەد، وەزیری ناوخۆ بۆ قەزای زاخۆ بە مەبەستی کردنەوەی نووسینگەی پاسەپۆرتی زاخۆ، ناوبراو ڕایگەیاند، بەرێوبەرایەتییەکی تر لە زاخۆ دەکەنەوە.

 
"وەزارەتی كارەبا زێدەڕۆیی سەر كەرتی كارەبا ناهێڵێت"

TUESDAY, 10 DECEMBER 2019 16:12:07

هەولێر-KDP.info- بەڕێوەبەری گشتیی كۆنتڕۆڵی كارەبای هەرێم رایگەیاند، حكوومەتی هەرێم لە رێگای پڕۆژەیەكەوە زێدەڕۆیی سەر كەرتی كارەبا ناهێڵێت و رێژەیی خواستیش لەسەر كارەبا كۆنتڕۆڵ دەكات.

 


 
© 2018 Kurdistan Democratic Party, KDP