Kurdî  ■  كوردی  ■  عربي
MON, 5 JUN 2023 19:02 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

لایەنە سیاسییەكان: بۆ ئەوەی بەهێزتر بین، پێویستە بە پیر بانگەوازەكە‌ی سەرۆكەوە بچین
| KDP.info


 

ھەولێر-KDP.info- لایەنە سیاسییەكان، پەیامەكەی "سەرۆك بارزانی" بۆ ڕەوشی ئێستا زۆر بە گرینگ دەزانن و دەڵێن، "بۆ ئەوەی ببینە ژمارەیەكی بەهێزتر لەنێو هاوكێشە سیاسییەكانی عێراقدا، پێویستە هەموومان بەپیر ئەو بانگەوازەی "سەرۆك بارزانی"ـیەوە بچین".

سەرۆك بارزانی، رۆژی ١٥ی ٦ی ٢٠١٨، پەیامێكی ئاڕاستەی لایەنە سیاسییەكانی ھەرێمی كوردستان كرد و ڕایگەیاند، "ھیوادارین دوای جەژن ھەموو لایەنە سیاسییەكان بەشداریی گفتوگۆیەكی بنیاتنەر بكەن بۆ گەییشتن بە چارەیەكی ئاشتیانە و گونجاو كە لە بەرژەوەندیی ھەموو گەلانی عێراق و لەسەر  بنەمای جێبەجێكردنی دەستوور بێت".

پەیوەست بە گرینگی پەیامەكە، سكرتێری گشتیی یەكێتیی نەتەوەیی دیموكراتی كوردستان، غەفوور مەخمووری، بۆ ماڵپەڕی فەرمیی پارتی دیموكراتی كوردستان گوتی، "سەردەمەكە، سەردەمی دیالۆگ و لێكتێگەییشتن و بەیەكەوەسازانە، دیارە ئەو پەیامەی "سەرۆك بارزانی"ـیش هەر لەو ڕوانگەیەوە هاتووە، چونكە بەڕێًزیان لە سەرەتاوە هەوڵی ئەوەی داوە ڕۆڵی نێوانگیری لە نێوان هەموو لایەنەكانی كوردستان و عێراقدا ببینێت و بەردەوام لە ڕوانگەیەكی نەتەوەیی و نشتیمانییەوە سەیری پۆستەكانی كردووە، بۆیە ئەگەر تێبینی بكەین، ئەو پەیامە جارێكی تر بانگهێشتی هەموو لایەنە سیاسییەكانی لەسەر ئاستی عێراق و كوردستان كردووە تا بەیەكەوە بە دیالۆگێكی كراوە بكەونە سازانەوە بۆ ئەوەی مافی هەموو پێكهاتەكانی عێراق دەستەبەر بێ".

مەخمووری ئاماژەیشی دا، "لە كوردستان پێویستیمان بە رێكخستنەوەی ناوەندی سیاسییە و پەیامەكەی "سەرۆك بارزانی"ـیش بۆ لایەنە سیاسییەكانی كوردستانە، بۆیە پێویستیمان بە یەكڕیزی و یەكدەنگی و یەكگوتاری هەیە و، بۆ بەغداش پێویستە بە یەك گرووپ بچین، چونكە بەیەكەوە هێزێكی مەزنین و دەتوانین دەستكەوتی زیاتر بەدەست بێنین و مافە دەستوورییەكانمان زامن بكەین، بۆ ئەوەی ببینە ژمارەیەكی بەهێزتر لەنێو هاوكێشە سیاسییەكانی عێراقدا، پێویستە هەموومان بەپیر ئەو بانگەوازەی جەنابی "سەرۆك بارزانی"ـەوە بچین و دەبێت كاریش بكەین بۆ جووڵاندنی ئەنجامەكانی ڕیفراندۆمی كوردستان و وەكوو كارتێك بەردەوام لە دەستمان بێت بەرانبەر بەغدا".

هەر لە بارەی پەیامەكەی "سەرۆك بارزانی"ـیەوە، سكرتێری حیزبی سۆشیالیست دیموكراتی كوردستان، محەممەدی حاجی مەحموود، بە ماڵپەڕی فەرمیی پارتی دیموكراتی كوردستانی ڕاگەیاند، "پەیامی رێزدار كاك مەسعوود بارزانی، پەیامێكی گرینگە، چونكە كەسایەتییەكی كاریگەرە و رۆڵ و پێگەیەكی مەزنی هەیە، بۆیە پێویستە هەموو لایەنە سیاسییەكان بەبیر ئەو پەیامەوە بێن بۆ ئەوەی لێكنزیكبوونەوە دروست ببێت بە ئاڕاستەی چارەكردنی كێشەكان".

حاجی مەحموود گوتیشی، "یەكڕیزیی نێوماڵی كوردیش زۆر پێویستە و دەبێت هەموو لایەنە كوردستانییەكان یەكڕیز بن و ئەو هەوڵە بدەن، هەر چەندە تائێستایش یەكڕیز نین‌".

لای خۆشیەوە، سكرتێری حیزبی شیوعیی كوردستان، د. كاوە مەحموود، بە ماڵپەڕی فەرمیی پارتی دیموكراتی كوردستانی ڕاگەیاند، " هەموو پەیامێك كە باس دەكرێت، بۆ لایەنە سیاسییەكانی هەرێم و عێراق شتێكی باشە، ئەوەی لای ئێمە گرینگە لایەنە سیاسییە كوردستانییەكان سەڕەرای ئەو ناكۆكی و جیاوازییانەی كە هەن سەبارەت بە بارودۆخی سیاسی و تێڕوانینیان بۆ ئەو ڕەوشە سیاسییە و ئاكامی هەڵبژاردنەكانی عێراق، دەبێت هەر هەموویان ئەوانەی كە چوونەتە هەڵبژاردنەوە، یەكتری ببینن و دانیشتن بكەن، خۆ ئەگەر ئەو دانیشتنە ڕاوێژكارییش بێت، بۆ ئەوەی بۆچوونەكانیان نزیك ببنەوە لە یەكتری، نزیكبوونەوەی بۆچوونەكانیش مانای ئەوە نییە جیاوازی نییە لە نێوان ئەو لایەنە سیاسیانەدا، جیاوازی هەر دەمێنێتەوە، بەڵام هەر بوار هەیە لەسەر هەندێ لە پرسە نشتیمانییەكان نزیكبوونەوە هەبێت لە بۆچوونەكاندا".

مەحموود دەشڵێ، "لایەنە سیاسییەكان دەبێت بۆچوونەكانیان بگۆڕن سەبارەت بە خوێندنەوەیان بۆ تابلۆی سیاسی، بۆ ئەوەی بتوانن پرۆسەیەكی سیاسیی نوێ دەست پێ بكەن، چونكە ئەو پرۆسە سیاسییەی كە ئێستا لە عێراقدا هەیە، لە قەیراندایە".

 

 نەشوان بەرزنجی

 




دوایین هەواڵەکان

پرسەنامەیەک لە سەرۆکی حکومەتی هەرێمی کوردستانەوە

MONDAY, 05 JUNE 2023 18:06:31

بە داخەوە هەواڵی کۆچی دوایی کەسایەتیی ناسراوی کلدانی شاری شەقڵاوە خوالێخۆشبوو قەشە فرانسیس جوبرائیل شێر-م پێگەیشت. پرسە و سەرەخۆشی لە سەرۆکایەتی کەنیسەی کلدانی ومەتڕانی ئیبارشیەی هەولێر وبنەماڵە بەڕێزەکەی و کەس و کار و ئاشنایانی و خوشک و برایانی کریستیانی شەقڵاوە دەکەم و هاوخەمیانم. خوای مەزن گیانی بە بەهەشت شاد بکات و ئارامی و دڵنەوایی بە هەمووان ببەخشێت.

 

شەوکەوت بەربھاری: ھاتوچۆی ھاووڵاتیان و گەشتیاران لە دەروازەی پێشابوور ئاسایی بووەتەوە

MONDAY, 05 JUNE 2023 16:06:25

دوای 25 ڕۆژ لە داخستنی، ئەمڕۆ دووشەممە دەروازەی پێشابوور کرایەوە و بەڕێوەبەری دەروازەکەش دەڵێ، ھاتوچۆی ھاووڵاتیان و بارزگانی وەک پێشتر لە پێشابوور ئاسایی بووەتەوە.

 

بە گوژمەی 25 ملیار دینار پرۆژە لە سێکتەری ئاو جێبەجێ دەکرێن

MONDAY, 05 JUNE 2023 16:06:27

هەولێر -KDP.info- بەڕێوەبەری ئاوی هەرێمی کوردستان گوتی، ئەمساڵ بەراورد بە ساڵی ڕابردوو کێشەکانی ئاو کەمتر بوون و حکوومەتی هەرێمی کوردستان 25 ملیار دیناری بۆ تەرخان کردووین و ئێستا دەکرێتە پرۆژە و لە هەرێمی کوردستان جێبەجێ دەکرێن، کە بەشێک لە پرۆژەکان کەوتوونەتە واری جێبەجێکردنەوە.

 
پلانی حکوومەتی هەرێمی کوردستان ئەوەیە بە بەرهەمی ناوخۆ پێداویستیی ناوخۆ پڕ بکاتەوە و هەناردەی دەرەوەشی بکات

MONDAY, 05 JUNE 2023 16:06:24

هەولێر -KDP.info- حکوومەتی هەرێمی کوردستان لەم کابینەیەدا گرنگیی تایبەت بە کەرتی کشتوکاڵ دەدات بە جۆرێک کە پێداویستیی ناوخۆ پڕ بکرێتەوە و هەناردەی دەرەوەش بکرێت، بۆ ئەو مەبەستەش هەنگاوی زۆر باش لە لایەن وەزارەتی کشتوکاڵ و حکوومەتی هەرێمی کوردستانەوە نراوە.

 

لیژنەیەکی یاسایی سەردانی ناوچە کوردستانییەکان دەکات

MONDAY, 05 JUNE 2023 15:06:00

هەولێر -KDP.info- بڕیارە لیژنەیەکی یاسایی سەردانی ناوچە کوردستانییەکانی دەرەوەی ئیدارەی حکوومەتی ھەرێمی کوردستان بکات و ڕاوێژکاری دەستەی ناوچە کوردستانییەکانیش دەڵێ، حەفتانە ڕاپۆرت لەبارەی ڕەوشی ئەو ناوچانە دەدرێت بە سەرۆکایەتیی ئەنجومەنی وەزیران.

 



 
© 2023 Kurdistan Democratic Party, KDP

Contact