هەولێر-KDP.info- حاکم ئازاد حەمەدەمین نەقیبی سەندیکای ڕۆژنامەنووسانی کوردستان، پیرۆزبایی (١٥) ساڵەی دامەزراندنی (KDP.info) دەکات و دەڵێ، (KDP.info) نەک تەنیا وەک زمانحاڵێکی حزبی، بەڵکو وەک سەرچاوەیەکی گرنگی زانیاری لەسەر ئاستی هەرێمی کوردستان و عێراق ناسراوە و ئەکتیڤترین و پرۆفیشناڵترین ماڵپەڕی حزبییە لەسەر ئاستی هەرێمی کوردستان.
دەقی پەیامی پیرۆزباییەکەی نەقیبی سەندیکای ڕۆژنامەنووسانی کوردستان:
بەڕێزان: بەڕێوەبەر و ستاف و هاوکارانمان لە ماڵپەڕی فەرمیی پارتی دیموکراتی کوردستان
بەبۆنەی ١٥یەمین ساڵیادی دامەزراندنی ماڵپەڕی (KDP.info)، گەرمترین پیرۆزبایی پیشەیی خۆم ئاراستەی ئێوەی بەڕێز و تەواوی کادیرانی میدیایی ماڵپەڕەکە دەکەم.
جێگەی شانازییە کە (KDP.info) لە ماوەی ١٥ ساڵی تەمەنیدا، نەک تەنیا وەک زمانحاڵێکی حزبی، بەڵکو وەک سەرچاوەیەکی گرنگی زانیاری لەسەر ئاستی هەرێمی کوردستان و عێراق ناسراوە. دەتوانم ڕاشکاوانە بڵێم کە ئەم ماڵپەڕە یەکێکە لە ئەکتیڤترین و پرۆفیشناڵترین ماڵپەڕە حزبییەکان کە توانیویەتی بە شێوازێکی زانستی و سەردەمیانە زانیارییە سیاسییەکان، حکوومی و پەرلەمانییەکان بۆ خوێنەر بگوازێتەوە.
دەستخۆشی لە هەوڵەکانتان دەکەم بۆ نوێبوونەوە و کەڵک وەرگرتن لە سۆشیال میدیا و پەرەپێدانی شێوازی داڕشتنی هەواڵ، کە ساڵ بە ساڵ بەرەو پێشچوونی بەرچاو بەخۆوە دەبینێت. هیوای بەردەوامی و سەرکەوتنی زیاترتان بۆ دەخوازم لە کاروانی ڕۆژنامەگەریی کوردیدا.
دووبارە یادی دامەزراندنی (KDP.info) پیرۆز بێت و هەر شەکاوە بن.
حاکم ئازاد حەمەدەمین
نەقیبی سەندیکای ڕۆژنامەنووسانی کوردستان
٢٨ـی شوباتی ٢٠٢٦