هەولێر-KDP.info- سەرۆک بارزانی پەیامێکی هاوخەمی بۆ کۆچی دوایی (ویداد خورشید ئەرسەلان)، وەزیری پێشووتری حکوومەتی هەرێمی کوردستان و کەسایەتیی دیاری تورکمان بڵاوکردەوە و پرسە و سەرەخۆشی ئاراستەی خانەوادە و کەسوکارەکەی کرد.
دەقی پەیامەکەی سەرۆک بارزانی.
بەناوی خودای مەزن و دلۆڤان
بەداخێکی زۆرەوە ھەواڵی کۆچی دوایی (ویداد خورشید ئەرسەلان) کەسایەتیی ناسراوی تورکمان و وەزیری پێشووتری حکوومەتی ھەرێمی کوردستانمان پێگەییشت.
پرسە و سەرەخۆشیی خۆمان ئاراستەی خانەوادە و کەسوکار و ئاشنایانی خوالێخۆشبوو ویداد ئەرسەلان دەکەین و خۆمان بە ھاوبەشی خەمیان دەزانین.
لە خودای گەورە داواکارین ڕۆحی خوالێخۆشبوو بە بەھەشتی بەرین شاد ببێت و سەبر و ئارامی بە ھەموو لایەک ببەخشێت.
انا للە و انا الیە راجعون
مسعود بارزانی
٢٣ی شوباتی ٢٠٢٦