Kurdî  ■  كوردی  ■  عربي
SUN, 15 FEB 2026 01:34 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

نێچیرڤان بارزانی و سەرۆکی کۆمیسیۆنی ئەورووپا پەیوەندییەکانی هەرێمی کوردستان و یەکێتیی ئەورووپا تاوتوێ دەکەن
| KDP.info


میونشن-KDP. info-  پێشنیوەڕۆی ئەمڕۆ شەممە 2026/2/14، لە درێژەی کارنامەکەیدا لە کۆنفرانسی ئاسایشی میونشن، بەڕێز نێچیرڤان بارزانی، سەرۆکی هەرێمی کوردستان، لەگەڵ خاتوو ئورسۆلا ڤۆن دێر لاین، سەرۆکی کۆمیسیۆنی ئەورووپا کۆبووەوە.

لە کۆبوونه‌وه‌کەدا پەیوەندییەکانی یەکێتیی ئەورووپا لەگەڵ عێراق و هەرێمی کوردستان و دوایین پێشهاتەکانی ناوچەکە تاوتوێ کران. هەردوولا جەختیان لە گرنگیی بەهێزکردنی هاریکاریی هاوبەش کردەوە، بەتایبەتی لەو بوارانەی خزمەت بە سەقامگیری و گەشەپێدانی ئابووری ده‌كه‌ن.

هەر لە کۆبوونه‌وه‌کەدا، باس لە دۆخى سووریا و كورد و پێكهاته‌كان له‌و وڵاته‌، له‌گه‌ڵ مه‌ترسییه‌كانى تیرۆ و دوایین پێشهاته‌كانى ناوچه‌كه‌ و ئاستەنگەکانی بەردەم ئاشتی لە ڕۆژهەڵاتی ناوەڕاست کرا.

خاتوو ڤۆن دێر لاین پشتگیریی یەکێتیی ئەورووپای بۆ ئارامی و سەقامگیریی هەرێمی کوردستان دووپات کردەوە و ستایشی هه‌وڵه‌كانى سه‌رۆك نێچیرڤان بارزانى و ڕۆڵى هەرێمی كوردستانى کرد وەک فاکتەری گرنگی سەقامگیری لە ناوچەکەدا.




دوایین هەواڵەکان

سەرۆکی هەرێمی کوردستان و کۆمیسیاری باڵای نەتەوە یەکگرتووەکان بۆ کاروباری په‌نابه‌ران کۆبوونه‌وه

SATURDAY, 14 FEBRUARY 2026 21:02:32

میونشن-KDP.info- ئێوارەی ئەمڕۆ شەممە 2026/2/14، هەر لە کۆنفرانسی ئاسایشی میونشن، بەڕێز نێچیرڤان بارزانی، سەرۆکی هەرێمی کوردستان، لەگەڵ بەڕێز د. بەرهەم ساڵح، کۆمیسیاری باڵای نەتەوە یەکگرتووەکان بۆ کاروباری په‌نابه‌ران (UNHCR) کۆبووەوە.

 
سەرۆکی هەرێمی کوردستان و بریکاری وەزارەتی دەرەوەی ئەمه‌ریکا کۆبوونەوە

SATURDAY, 14 FEBRUARY 2026 21:02:49

میونشن-KDP.info- ئێوارەی ئەمڕۆ شەممە 2026/2/14، لە درێژەی دیدارەکانیدا لە کۆنفرانسی ئاسایشی میونشن، بەڕێز نێچیرڤان بارزانی، سەرۆکی هەرێمی کوردستان، لەگەڵ خاتوو ئالیسۆن هووکەر، بریکاری وەزارەتی دەرەوەی ئەمه‌ریکا بۆ کاروباری سیاسی کۆبووەوە.

 
نێچیرڤان بارزانی و وەزیری دەرەوەی پۆڵەندا پەرەپێدانی پەیوەندییەکان تاوتوێ دەکەن

SATURDAY, 14 FEBRUARY 2026 19:02:07

میونشن-KDP.info-  ئێواره‌ى ئەمڕۆ شەممە 2026/2/14، لە درێژەی دیدارەکانیدا لە کۆنفرانسی ئاسایشی میونشن، بەڕێز نێچیرڤان بارزانی، سەرۆکی هەرێمی کوردستان، لەگەڵ بەڕێز ڕادۆسلاڤ سیکۆرسکی، وەزیری دەرەوەی پۆڵەندا کۆبووەوە.

 
سەرۆکی هەرێمی کوردستان و وەزیری دەرەوەی ئەمه‌ریکا كۆبوونه‌وه‌

SATURDAY, 14 FEBRUARY 2026 18:02:07

میونشن-KDP. info-  له‌ به‌رده‌وامیى دیدار و كۆبوونه‌وه‌كانیدا، له‌ کۆنفرانسی ئاسایشی میونشن، پاشنیوەڕۆی ئەمڕۆ شەممە 2026/2/14، بەڕێز نێچیرڤان بارزانی، سەرۆکی هەرێمی کوردستان، لەگەڵ بەڕێز مارکۆ ڕۆبیۆ، وەزیری دەرەوەی ئەمه‌ریکا کۆبووەوە.

كه‌وێ میرۆ: فراكسیۆنی پارتی ئیمزای دژی باجی گومرگی كۆكردووەته‌وه‌

SATURDAY, 14 FEBRUARY 2026 18:02:46

به‌غدا -KDP.info- په‌رله‌مانتارێكی فراكسیۆنی پارتی له‌ په‌رله‌مانی عێراق ده‌ڵێ "به‌مه‌به‌ستی نه‌هێشتنی بارگرانی له‌سه‌ر هاووڵاتییان، فراكسیۆنی پارتی ئیمزای له‌دژی زیادكردنی باجی گومرگی كۆكردووەته‌وه‌." 



 
© 2023 Kurdistan Democratic Party, KDP

Contact