هەولێر-KDP.info- ئەمڕۆ دووشەممە، ٩ـی شوباتی ٢٠٢٦، فراکسیۆنی پارتی دیموکراتی کوردستان لە ئەنجومەنی نوێنەرانی عێراق، بە سەرپەرشتی دکتۆر شاخەوان عەبدوڵڵا کۆبوونەوەی ئاسایی خۆی ئەنجامدا. لە کۆبوونەوەکەدا جەخت لەسەر ڕێکخستنەوەی کاروباری کارگێڕی و سیاسی فراکسیۆن کرایەوە بۆ قۆناغی داهاتوو.
لە تەوەرێکی سەرەکی کۆبوونەوەکەدا، بە مەبەستی پەرەپێدانی ئەدای پەرلەمانی و دابەشکردنی ئەرکەکان، دەستەی نوێی سەرۆکایەتی فراکسیۆن بەم شێوەیەی خوارەوە دەستنیشان کران:
دکتۆر ڕێبوار هادی: جێگری سەرۆکی فراکسیۆن.
هەڵات سەلمان: لێپرسراوی پەیوەندییەکانی فراکسیۆن.
دکتۆر دانەر عەبدولغەفار: وتەبێژی فەرمی فراکسیۆن.
سیروان ڕۆژبەیانی: لێپرسراوی کاروباری حزبی فراکسیۆن.
ئەم بڕیارە لە چوارچێوەی پلانی فراکسیۆنی پارتی دایە بۆ پتەوکردنی پێگەی کورد لە بەغدا و چالاککردنی ڕۆڵی فراکسیۆنەکە لە ناو ئەنجومەنی نوێنەران، بە ئامانجی داکۆکیکردن لە مافە دەستوورییەکانی گەلی کوردستان و هەماهەنگی باشتر لەگەڵ لایەنە سیاسییەکان.