Kurdî  ■  كوردی  ■  عربي
MON, 9 FEB 2026 02:33 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

سێ تۆنێل له‌ڕێگه‌ی گه‌لی زه‌نته‌ دروست ده‌كرێن
| KDP.info


ئاكرێ -KDP.info- به‌ڕێوه‌به‌ری ناحیه‌ی دینارته‌ دەڵێت، ڕێگای گه‌لی زه‌نته‌ فراوان ده‌كرێت، به‌پێی دیزاینی نوێ سێ تونێل له‌ گه‌لی زه‌نته‌ دروستده‌كرێن، چونکە ڕێگایه‌كی ستراتیژییه‌، پڕۆژه‌كه‌ كاریگه‌ری له‌سه‌ر هاتوچۆ ده‌بێت.

سه‌ربه‌ست سه‌بری، به‌ڕێوه‌به‌ری ناحیه‌ی دینارته‌ی سه‌ر به‌ قه‌زای ئاكرێ به‌ ماڵپه‌ڕی فه‌رمیی پارتی دیموكراتی كوردستانی ڕاگه‌یاند "ڕێگه‌ی گه‌لی زه‌نته‌ هه‌ردوو قه‌زای ئاكرێ و مێرگه‌سۆر پێكه‌وه‌ ده‌به‌ستێته‌وه‌، ڕێگایه‌كی ستراتیژییه‌ بۆ ده‌ڤه‌ری زێبار و ناوچه‌كه‌ به‌گشتی، به‌ڵام به‌هۆی سروشتی ناوچه‌كه‌ ئه‌و ڕێگایه‌ پێویستی به‌ فراوانكردن هه‌یه‌، ئێمه‌ ناتوانین بیكه‌ینه‌ دوو ساید، به‌ڵام دیزاینی ڕێگاكه‌ له‌لایه‌ن به‌ڕێوه‌به‌رایه‌تی گشتی ڕێگاوبانی دهۆك ئاماده‌كراوه‌ و گۆڕانكاری زۆری تێدا ده‌كرێت."
به‌ڕێوه‌به‌ری ناحیه‌ی دینارته‌ ده‌شڵێت "به‌پێی دیزانی پڕۆژه‌كه‌، ڕێگای گه‌لی زه‌نته‌ فراوان ده‌كرێت و ئه‌و پێچانه‌ی له‌نێو گه‌لی زه‌نته‌ن ده‌كرێنه‌ تونێل، بڕیاره‌ سێ تونێل دروستبكرێن، پڕۆژه‌كه‌ به‌شێوه‌یه‌كی سه‌رده‌میانه‌ جێبه‌جێ ده‌كرێت، له‌به‌ر ئه‌وه‌ی ڕێگاكه‌ زۆر ته‌سكه‌ و مێژووی دروستكردنی بۆ ساڵی  1940ی سه‌ده‌ی ڕابردوو ده‌گه‌ڕێته‌وه‌."

سه‌ربه‌ست سه‌بری ڕوونی كرده‌وه‌ "چاوه‌ڕێی دابینکردنی بودجه‌ دەکەین بۆ ده‌ستپێكردنی پڕۆژه‌كه‌، به‌رپرسی لقی نۆی پارتی له‌ ئاكرێ و پارێزگاری دهۆك له‌ هه‌وڵدان بۆ ئه‌وه‌ی له‌ ئاینده‌یه‌كی نزیك حكوومه‌تی هه‌رێمی كوردستان بودجه‌ی پێویست بۆ ئه‌نجامدانی پڕۆژه‌كه‌ دابین بكات، دوای ته‌واوبوونی پڕۆژه‌كه‌ كاریگه‌ری زۆری له‌سه‌ر بواری هاتوچۆ ده‌بێت، به‌تایبه‌تی ئێستا گه‌لی زه‌نته‌ و ده‌ڤه‌ره‌كه‌ ژماره‌یه‌كی زۆر گه‌شتیار سه‌ردانی ده‌كه‌ن."

قائید میرۆ




دوایین هەواڵەکان

پەیامی ھاوخەمیی سەرۆک بارزانی بۆ عەلی عەونی

MONDAY, 09 FEBRUARY 2026 00:02:00

ھەولێر-KDP.info- سەرۆک بارزانی سەرەخۆشی لە عەلی عەونی، ئەندامی کۆمیتەی ناوەندیی پارتی دەکات بەبۆنەی کۆچی دوایی دایکییەوە.

 

بە ئامادەبوونی د. سالار عوسمان کتێبی پراکاندنی ئەفسانەی خەڵافەتی ھوڤانە ناسێنرا

SUNDAY, 08 FEBRUARY 2026 23:02:00

ھەولێر-KDP.info- رۆژی یەکشەممە ٨ـی ٢ـی ٢٠٢٦ بە ئامادەبوونی د. سالار عوسمان، بەرپرسی بەشی ڕۆشنبیری و ڕاگەیاندنی پ.د.ک، ئەحمەد کانی ئەندامی کۆمیتەی ناوەندیی پ.د.ک و بەشێک لە فەرماندەکانی پێشمەرگە و ڕۆشنبیر و نووسەر و ڕۆژنامەڤانان، کتێبی (پراکاندنی ئەفسانەی خەڵافەتی ھوڤانە)ـی نووسەر (لیوا بەھجەت سێلکی) ناسێنرا.

 
ڕوونکردنەوەیەک لە وەزارەتی کارەباوە

SUNDAY, 08 FEBRUARY 2026 23:02:00

ھەولێر-KDP.info- وەزارەتی کارەبای حکوومەتی هەرێمی کوردستان ڕایدەگەیەنێت: هیچ گۆڕانکارییەک لە نرخی کارەبادا نەکراوە و پابەندی ئەو نرخە یاساییەن کە پێشتر پەسەند کراوە.

 
سەرۆکی هەرێمی کوردستان سه‌ره‌خۆشى له‌ به‌ڕێز عه‌لى عه‌ونى ده‌كات

SUNDAY, 08 FEBRUARY 2026 22:02:14

ھەولێر-KDP.info-نێچیرڤان بارزانی، سەرۆکی هەرێمی کوردستان سەرەخۆشی لە عەلی عەونی، ئەندامی کۆمیتەی ناوەندیی پارتی دەکات بەبۆنەی کۆچی دوایی دایکییەوە.

 
ھێمن ھەورامی: متمانەی ملیۆنیی گەل، سەلمێنەری پێگە و سەرکەوتنی پارتییە

SUNDAY, 08 FEBRUARY 2026 21:02:00

​ڤێرجینیا-KDP.info-​ئێوارەی ڕۆژی شەممە، بە مەبەستی تاوتوێکردنی دوایین پەرەسەندنە سیاسییەکان، دکتۆر ھێمن ھەورامی، ئەندامی مەکتەبی سیاسی پارتی دیموکراتی کوردستان، لە ویلایەتی ڤێرجینیا لەگەڵ ھەڤاڵانی لقی ٧ی پارتی و نوێنەرانی ڕەوەندی کوردستانی کۆبووەوە.

 


 
© 2023 Kurdistan Democratic Party, KDP

Contact