ھەولێر-KDP. info- ئێوارهى ئهمڕۆ دووشهممه 2026/2/2 بهڕێز نێچیرڤان بارزانى، سهرۆكى ههرێمى كوردستان، پێشوازیى له بهڕێز ئیرفان سدیق، باڵیۆزی بەریتانیا له عێراق و شاندێكى یاوهرى كرد.
له كۆبوونهوهیهكدا، دۆخى ناوخۆى ههرێمى كوردستان و پهیوهندییهكانى پارتى دیموكراتى كوردستان و یهكێتیى نیشتمانیى كوردستان، دۆخى سیاسیى عێراق و پرسى ههڵبژاردنى سهرۆككۆمار و ههنگاوهكانى پێكهێنانى حكوومهتى نوێى عێراقى فیدراڵ، تاوتوێ كران.
ههردوولا هاوڕا بوون لهسهر گرنگیى سهرخستنى پرۆسهى سیاسى له عێراق و ههرێمى كوردستان، ههروهها جهختیان له پێویستیى ههماههنگى و هاریكاریى نێوان لایهنه سیاسییهكان له عێراق و ههرێمى كوردستان كردهوه بۆ تێپهڕاندنى كێشهكان و بهرهنگاربوونهوهى ئاڵنگارییهكان.
پهیوهندییهكانى بهریتانیا لهگهڵ عێراق و ههرێمى كوردستان، دۆخى سووریا و دوایین پێشهاتهكانى ناوچهكه بهگشتى، تهوهرێكى دیكهى كۆبوونهوهكه بوو كه بهڕێز كونسوڵى گشتیى بهریتانیا له ههرێمى كوردستان، ئامادهى بوو.