Kurdî  ■  كوردی  ■  عربي
SAT, 25 OCT 2025 17:00 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

به‌سه‌ركردنه‌وه‌ی دووسایدی (هەولێر – کۆیە) له‌لایه‌ن سه‌رۆكی حكوومه‌ته‌وه‌ گوڕوتینی زیاتر به‌ جێبه‌جێكردنی ده‌دات
| KDP.info


ھەولێر-KDP.info- ئەمڕۆ پێنجشەممە، 23ـی تشرینی یەکەمی 2025، مەسروور بارزانی، سەرۆکی حکوومەتی هەرێمی کوردستان پڕۆژەی دووسایدی (هەولێر - کۆیە)ـی بەسەر کردەوە.

پڕۆژەی ستراتیژی و گرنگی دووسایدی (هەولێر – کۆیە) کە بە یەکێک لە شادەمارەکانی ڕێگه‌وبانی کوردستان دادەنرێت، لە سنووری پارێزگای هەولێر جێبەجێ دەکرێت.

ئەم پڕۆژە گەورەیە بە گوژمەی 560 ملیار و 443 ملیۆن دینار ئەنجام دەدرێت و کۆمپانیای "ئوزان" کاری تێدا دەکات. ڕێگه‌کە درێژییەکەی 37 کیلۆمەترە و بە شێوەی سێ لاین بۆ ڕۆیشتن و سێ لاین بۆ هاتن دیزاین کراوە، کە پانی هەر لاینێک 12 مەترە. هەروەها، ڕێگه‌کە بە سێ چینی قیڕی 22 سانتیمەتری قیرتاو دەکرێت بۆ دڵنیابوون لە کوالێتی و خۆڕاگرییەکەی.

لە دروستکردنی ئەم پڕۆژەیەدا، 6 ئۆڤەر پاس و 5 ژێر پرد و پردێکی گەورە بە درێژی 250 مەتر دادەنرێت. سەرەڕای ئەمانەش، 160 ئاوبڕی کۆنکرێتیش دروست دەکرێن بۆ باشترکردنی سیستمی ئاوه‌ڕۆ و پاراستنی ڕێگه‌کە لە لافاو و داخوران.

 چاوەڕوان دەکرێت ئەم پڕۆژەیە کاریگەرییەکی گەورەی هەبێت لەسەر کەمکردنەوەی قەرەباڵغی، خێراکردنی هاتووچۆ و باشترکردنی سەلامەتی ڕێگه‌وبان لە نێوان هەردوو شارەکەدا.




دوایین هەواڵەکان

فارس عیسا بۆKDP.info: باسی ئەو مووچانەی ئەمساڵ دەکات کە لای عێراق ماوەن

SATURDAY, 25 OCTOBER 2025 16:10:23

بەغدا -KDP.info- سەرۆکی نوێنەرایەتی حکوومەتی ھەرێمی کوردستان لەبەغدا گوتی " ئەم ھەفتەیە مووچەی مانگی ھەشت دەدرێت، بڕیارە ھیچ مووچەیەکی ئەمساڵ نەفەوتێت، چونکە بەپێی یاسای بودجە نابێت ھیچ مووچەیەک بفەوتێت." 

 

مەسرور بارزانی: پارتی لە ئاستیی هەرێمی کوردستان گەورەترین و کاریگەرترین ‌هێزە و ڕکابەری نییە

SATURDAY, 25 OCTOBER 2025 16:10:29

ھەولێر-KDP.info-  مەسرور بارزانی، جێگری سەرۆکی پارتی لە بانگەشەی هەڵبژاردنی لیستی ٢٧٥ کە لە ھەولێر سازکرا و ھەڤاڵانی سنووری مەکتەبی رێکخستنی کەرکووک.گەرمیانی پارتی، تێیدا ئامادەبوون

سەرۆک بارزانی پەیامێکی ھاوخەمی ئاراستەی خانەوادەی خوالێخۆشبوو (حەمەی عەزیز) دەکات

SATURDAY, 25 OCTOBER 2025 14:10:46

ھەولێر-KDP.info- سەرۆک بارزانی، بۆ کۆچی دوایی هەڤاڵی تێکۆشەر و پێشمەرگە (حەمەی عەزیز)، پرسە و سەرەخۆشیی ئاراستەی خانەوادە و کەسوکار و دۆست و ئاشنایانی  خوالێخۆشبوو و هەموو هەڤاڵ و هاوسەنگەرانی دەکات.

 
نێچیرڤان بارزانی گوتارێکی مێژوویی پێشکەشی ھەردوو بازنەی دھۆک و مووسڵ و كوردستانیان دەکات

SATURDAY, 25 OCTOBER 2025 13:10:20

مووسڵ-KDP.info- بەرپرسی لقی ٢٠ی پارتی دیموکراتی کوردستان لە شێخان ڕایدەگەیەنێت، ئەمڕۆ بە ئامادەبوونی نێچیرڤان بارزانی، لە شێخان کەرنەڤاڵێکی گەورە بۆ ناساندنی کاندیدانی پارتی لە سنووری ھەردوو مەکتەبی رێکخستنی پارتی لە دھۆک و مووسڵ بەڕێوە دەچێت، بۆ ئەو مەبەستەش ئامادەکاریی تەواو کراوە.

 
کەرکووک.. مەکتەبی ڕێکخستنی پارتی ڕاگەیەندراوێکی لەبارەی ڕووداوەکەی پردێ بڵاوکردەوە

SATURDAY, 25 OCTOBER 2025 11:10:31

کەرکووک-KDP.info- مەکتەبی ڕێکخستنی پارێزگای کەرکووک-گەرمیانی پارتی دەربارەی ڕووداوی گرژی و ئاڵۆزییەکانی ناحیەی پردێ ڕاگەیەندراوێکی بڵاوکردەوە و تێێدا هاتووە، لە ساتەوەختی گرژی و ئاڵۆزییەکانی دوێنێ شەوی ناحیەی پردێ، ئێمە لە مەکتەبی ڕێکخستنی پارێزگای کەرکووک-گەرمیان، هەر زوو پەیوەندیمان بە لایەنە پەیوەندیدارەکان کرد، بۆ ئەوەی بە ئەرکی خۆیان هەستن و دۆخەکە کۆنتڕۆڵ بکەن، گیانی هاووڵاتیان بپارێزن.

 


 
© 2023 Kurdistan Democratic Party, KDP

Contact