Kurdî  ■  كوردی  ■  عربي
SUN, 31 AUG 2025 12:33 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

ھێمن ھەورامی و دەم پارتی ئاشتی و چارەسەری ڕیشەیی پرسی کوردیان لە تورکیا تاوتوێ كرد
| KDP.info


ئەنقەرە-KDP.info- بەرپرسی بەشی ڕێکخستنی پارتی دیموکراتی کوردستان، لە ئەنقەرە لەگەڵ جێگری سەرۆکی فراکسیۆنی دەم پارتی و ئەندامی کۆمسیۆنی تایبەتی پەرلەمانی تورکیا بۆ پرسی چارەسەری، ڕا و سەرنج و سیاسەتی پارتی لەسەر پرۆسەی ئاشتی و چارەسەری دیموکراتی و گفتوگۆکانی ئەم قۆناغە و هەنگاوەکانی بەرەوپێشبردنی کۆتایی هێنان بە شەڕ و توندوتیژی و کرانەوەی سیاسی و یاسایی بۆ چارەسەری ڕیشەیی پرسی کورد لە تورکیا خستەڕوو.

ئه‌مڕۆ هه‌ینی ۲۹ی ٨ی ٢٠٢٥، د. ھێمن ھەورامی، ئەندامی مەکتەبی سیاسی و بەرپرسی بەشی ڕێکخستنی پارتی دیموکراتی کوردستان، لە ئەنقەرە سەردانی ئۆفیسی سەرەکی (دەم پارتی) کرد و لەگەڵ گوڵستان کیلیچ جێگری سەرۆک فراکسیۆنی دەم پارتی و ئەندامی کۆمسیۆنی تایبەتی پەرلەمانی تورکیا بۆ پرسی چارەسەری و  ئاشتی و  پەرلەمانتاری وان زولکوف ئوجار کۆبووه‌وه‌.

لە سەرەتای دیدارەکەدا د. ھێمن ھەورامی، بە ووردی ڕا و سەرنج و سیاسەتی پارتی لەسەر پرۆسەی ئاشتی و چارەسەری دیموکراتی و گفتوگۆکانی ئەم قۆناغە و هەنگاوەکانی بەرەوپێشبردنی کۆتایی هێنان بە شەڕ و توندوتیژی و کرانەوەی سیاسی و یاسایی بۆ چارەسەری ڕیشەیی پرسی کوردی لە تورکیا خستەڕوو.

هەر لەو دیدارەدا، ھەردوولا بیروڕایان لەباره‌ی هەڵسەنگاندنی بەرەو پێشچوونەکان و ئاستەنگەکان و هەنگاوەکانی داهاتوو ئاڵوگۆڕ کرد.

گوڵستان کیلیچ جێگری سەرۆکی فراکسیۆنی دەم پارتی، هەنگاو و کارەکانی کۆمسیۆنە پەرلەمانیەکەی خستەڕوو و زۆر سپاسگوزاری ڕۆڵی سەرۆک بارزانی و پارتی بوو بۆ پشتیوانیکردنی ئەم پرۆسەیە.




دوایین هەواڵەکان

پەیامی هاوخەمی مەکتەبی سیاسی بۆ ماڵباتی (هیوا حەمە سەعید)

SUNDAY, 31 AUGUST 2025 12:08:31

ھەولێر-KDP.info- مەکتەبی سیاسیی پارتی دیموکراتی کوردستان، بۆ کۆچی دوایی خاتوو (حەلاوەخان حاجی حەسەن ئاغای مێرگان) پرسە و سەرەخۆشی ئاراسته‌ی ماڵباته‌كه‌یان ده‌كات.

 
زیبا تەھا بۆ KDP: لە زاخۆوە تا خانەقین سەرقاڵی گەیاندنی ڕێنمایی بووین

SUNDAY, 31 AUGUST 2025 10:08:44

ھەولێر-KDP.info- سکرتێری یەکێتیی ئافرەتانی کوردستان دەڵێت، لە ماوەی دوو هەفتەی ھەڵمەتی هۆشیارکردنەوە لەبارەی بەکارھێنانی ئاو، ڕێنمایی گەیاندرایە دەیان ھەزار ماڵ و ئافرەت لە سەرتاسەری کوردستان. ھاوکات جەختیش دەکاتەوە، ھەڵمەتی دیکەش لەسەر بابەتی جیاواز بەڕێوەن.

 
سەرۆکی حکوومەت پیرۆزبایی لە یانەکانی کوردستان دەکات

SATURDAY, 30 AUGUST 2025 20:08:20

ھەولێر-KDP.info- سەرۆکی حکوومەتی ھەرێمی کوردستان، پیرۆزبایی لە یانە وەرزشییەکانی سەنحاریب، ئەکاد و بەخدێدا کرد، بە بۆنەی بەدەستھێنانی پلەی یەکەم، دووەم و سێیەمی پاڵەوانێتی بالەی خانمانی عێراق.

 
فارس عیسا: کێشەی ئێمە لەگەڵ بەغدا عەقڵیەتە

SATURDAY, 30 AUGUST 2025 17:08:49

بەغدا -KDP.info- سەرۆکی نوێنەرایەتی  حکوومەتی ھەرێمی کوردستان لە بەغدا دەڵێت، "کێشەی گەورەی ئێمە لەگەڵ بەغدا عەقلیەتە، ئەوان دەیانەوێت بڕیار بدەن و ئێمەش جێبەجێی بکەین، بۆیە باشترین چارەسەر بۆ ئەوەی کێشەکانی نێوان ھەرێم و بەغدا چارەسەر بکرێن پێویستە کورد یەکدەنگ و یەکھەڵوێست بێت، لەبەر ئەوەی زۆرینەی دەستکەوتەکانی ڕابردوو لە بەغدا بە یەکدەنگی بەدەست ھاتوون."

 
وەزیر زانیاری نوێ لەبارەی دروستکردنی فڕۆکەخانەی دھۆک بۆ KDP ئاشكرا ده‌كات

SATURDAY, 30 AUGUST 2025 12:08:11

ھەولێر-KDP.info- وەزیری گواستنەوەی حکوومەتی ھەرێمی کوردستان رایدەگەیەنێت، دیزاینێکی تازە و سەردەمیانە بۆ فڕۆکەخانەی نێودەوڵەتیی دھۆک ئامادە کراوە و بڕیارە لەگەڵ کۆمپانیایەکی نێودەوڵەتیی ناسراو بە قۆناغ لە داھاتوویەکی نزیکدا دەست بە دروستکردنی بکەین.

 


 
© 2023 Kurdistan Democratic Party, KDP

Contact