Kurdî  ■  كوردی  ■  عربي
SAT, 30 AUG 2025 18:35 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

سەرۆکی ھەرێمی کوردستان له‌گه‌ڵ فه‌رمانده‌ى هێزه‌كانى هاوپه‌یمانان له‌ عێراق و سووریا كۆبووه‌وه‌
| KDP.info


ھەولێر-KDP.info- بەیانیی ئەمڕۆ پێنجشەممە ٢٠٢٥/٧/٣١ بەڕێز نێچیرڤان بارزانی، سەرۆکی ھەرێمی کوردستان، پێشوازیی لە بەڕێز جەنەراڵ کیڤن لامبێرد، فەرماندەی ھێزەکانی ھاوپەیمانان لە عێراق و سووریا و شاندێکی یاوەری کرد.

لە کۆبوونەوەیەکدا کە بەڕێزان وەزیر و سوپاسالاری پێشمەرگە و کونسوڵی گشتیی ئەمەریکا لە ھەرێمی کوردستان ئامادەی بوون، دوایین پێشھاتەکانی دۆخی ئەمنی و ھەڕەشە و مەترسییەکانی تیرۆر و پەلامار و جووڵەکانی داعش تاوتوێ کران، ھەروەھا باس لە پێویستیی کاراکردنی زیاتری ھەنگاوەکانی پرۆسەی یەکخستنەوەی پێشمەرگە و چاکسازی لە وەزارەتی کاروباری پێشمەرگە کرا.

ھەردوولا ھاوڕا بوون کە داعش ھێشتا مەترسییەکی ڕاستەقینەیە لەسەر ئاسایش و سەقامگیریی عێراق و سووریا بەتایبەتی، بۆیە پێویستە ھەموو لایەنە پەیوەندیدارەکان ھاریکاری و ھەماھەنگی بکەن بۆ ڕووبەڕووبوونەوەیان و ھەموو ھاوکارییەک بکەن بۆ نەھێشتنی یەکجاریی ھێزەکانی لە سووریا و عێراق، بۆ ئەم مەبەستەش بەردەوامیی ئەرکی ھێزەکانی ھاوپەیمانیی نێودەوڵەتییان بە پێویست زانی.

ھەردوولا داکۆکییان کردەوە کە کورد و پێکھاتەکان لە سووریا دەبێ ھاوبەشێکی کارای ئێستا و داھاتووی وڵات بن، ھەروەھا دوایین پێشھاتەکانی ڕۆژھەڵاتی ناوەڕاست و لێکەوتە و کاریگەرییەکانی بەسەر سەقامگیریی وڵاتانی ناوچەکەوە، پەیوەندییەکانی عێراق و ھەرێمی کوردستان لەگەڵ وڵاتانی دراوسێ، تەوەرێکی دیکەی کۆبوونەوەکە بوو.




دوایین هەواڵەکان

فارس عیسا: کێشەی ئێمە لەگەڵ بەغدا عەقلیەتە

SATURDAY, 30 AUGUST 2025 17:08:49

بەغدا -KDP.info- سەرۆکی نوێنەرایەتی  حکوومەتی ھەرێمی کوردستان لە بەغدا دەڵێت، "کێشەی گەورەی ئێمە لەگەڵ بەغدا عەقلیەتە، ئەوان دەیانەوێت بڕیار بدەن و ئێمەش جێبەجێی بکەین، بۆیە باشترین چارەسەر بۆ ئەوەی کێشەکانی نێوان ھەرێم و بەغدا چارەسەر بکرێن پێویستە کورد یەکدەنگ و یەکھەڵوێست بێت، لەبەر ئەوەی زۆرینەی دەستکەوتەکانی ڕابردوو لە بەغدا بە یەکدەنگی بەدەست ھاتوون."

 
وەزیر زانیاری نوێ لەبارەی دروستکردنی فڕۆکەخانەی دھۆک بۆ KDP ئاشكرا ده‌كات

SATURDAY, 30 AUGUST 2025 12:08:11

ھەولێر-KDP.info- وەزیری گواستنەوەی حکوومەتی ھەرێمی کوردستان رایدەگەیەنێت، دیزاینێکی تازە و سەردەمیانە بۆ فڕۆکەخانەی نێودەوڵەتیی دھۆک ئامادە کراوە و بڕیارە لەگەڵ کۆمپانیایەکی نێودەوڵەتیی ناسراو بە قۆناغ لە داھاتوویەکی نزیکدا دەست بە دروستکردنی بکەین.

 
پەیامی هاوخەمی مەکتەبی سیاسی بۆ ماڵباتی خوالێخۆشبوو (عەریف عەلی سەرگەڵوویی)

SATURDAY, 30 AUGUST 2025 12:08:32

ھەولێر-KDP.info- مەکتەبی سیاسیی پارتی دیموکراتی کوردستان، بۆ کۆچی دوایی خوالێخۆشبوو (عەلی ئەحمەد مام عەباس) ناسراو بە (عەریف عەلی سەرگەڵوویی) پرسە و سەرەخۆشی ئاراسته‌ی ماڵباته‌كه‌یان ده‌كات.

 
هاووڵاتیان بۆ KDP: مەسروور بارزانی پەرۆشی خزمەتكردنه‌ و دڵسۆزی گەلەكەمانه‌

SATURDAY, 30 AUGUST 2025 11:08:11

هەڵەبجە-KDP.info- هەنگاوەكانی پڕۆژەی ڕووناكی لە كوردستان خێران و 4 ملیۆن هاووڵاتی و 115 هەزار شوێنی بازرگانی کارەبای 24 كاتژمێرییان پێ گەیشتووە، هاووڵاتیان دڵخۆشن و سوپاسی سەرۆكی حكوومەت دەكەن و دەڵێن، ئیدی ژینگە پاك دەبێتەوە و دەنگی مۆلیدە لە كۆڵانەكان نامێنێت. 

 
بەڕێوەبەری تۆمارکردنی خانووبەرە زانیاری لەبارەی تاپۆکردنی زەوی فەرمانبەران بۆ KDP دەخاتەڕوو

SATURDAY, 30 AUGUST 2025 10:08:08

ھەولێر-KDP.info- بەڕێوەبەری گشتی تۆمارکردنی خانووبەرەی میری دەڵێ، پرۆسەی تاپۆکردنی زەوی فەرمانبەران بگاتە لامان تیمی تایبەت بە بەڕێوەبەرایەتی خۆمان ھەیە و یەکسەر دەست بە تاپۆکردنیان دەکرێت.

 


 
© 2023 Kurdistan Democratic Party, KDP

Contact