ھەولێر-KDP.info- بە بۆنەی بیست و دووەمین ساڵیادی دەرچوونی ڕۆژنامەی (ئەڤرۆ)، بەشی ڕۆشنبیری و ڕاگەیاندنی پارتی دیموکراتی کوردستان، پەیامێکی پیرۆزبایی ئاراستەی سەرنووسەر و کادیر و کارمەندانی ڕۆژنامەی ئەڤرۆ کرد.
دەقی پەیامەکەی بەشی ڕۆشنبیری و ڕاگەیاندنی پارتی بۆ ڕۆژنامەی ئەڤرۆ.
بەڕێزان/ سەرنووسەر و کادیر و کارمەندانی ڕۆژنامەی ئەڤرۆ
بە بۆنەی بیست و دووەمین ساڵیادی دەرچوونی ڕۆژنامەی (ئەڤرۆ) پیرۆزباییەکی گەرم لە ئێوە و نووسەران و خوێنەرانی ھێژای ڕۆژنامەکەتان دەکەین، جێدەستی ڕۆژنامەکەتان لە کاروانی ڕۆژنامەگەریی کوردیدا دیارە، بۆیە جێگەی ستایش و دەستخۆشین.
ڕۆژنامەی (ئەڤرۆ) خاوەن تایبەتمەندیی خۆیەتی و، ھەمیشە دەنگی ھاووڵاتییانی دەڤەرەکەی گەیاندووە و، خزمەتێکی زۆری بە کایەی ڕۆژنامەگەری و ڕۆشنبیری کردووە.
دووبارە لەم یادەدا پشتیوانیی خۆمان بۆ بەرەوپێشچوونیی ڕۆژنامەی (ئەڤرۆ) دووپات دەکەینەوە، ھیواخوازین ھەردەم لە پێشکەوتن دابن.
بەشی ڕۆشنبیریی و ڕاگەیاندنی پارتی دیموکراتی کوردستان
٣٠ی تەمموزی ٢٠٢٥