سۆران -KDP.info- بەڕێوەبەری نشینگه‌ و پاسپۆرتی ده‌روازه‌ی نێوده‌وڵه‌تی حاجی ئۆمه‌ران ده‌ڵێ "ساڵی ڕابردوو ملیۆنێک و 260 هه‌زار كه‌س له‌ڕێگه‌ی حاجی ئۆمه‌رانه‌وه‌ گه‌شتیان كردووه‌."

عه‌قید سالا ته‌حسین، به‌ڕێوه‌به‌ری نشینگه‌ و پاسپۆرتی ده‌روازه‌ی نێوده‌وڵه‌تی حاجی ئۆمه‌ران به‌ ماڵپه‌ڕی فه‌رمیی پارتی دیموكراتی كوردستانی ڕاگه‌یاند "ده‌روازه‌ی نێوده‌وڵه‌تی حاحی ئۆمه‌ران یه‌كێكه‌ له‌و ده‌روازانه‌ی ڕۆژانه‌ ژماره‌یه‌كی به‌رچاوی هاووڵاتی بۆ گه‌شتكردن به‌كاری دێنن، ساڵانه‌ به‌پێی ئاماری به‌رده‌ست ڕێژه‌ی گه‌شتكردن له‌ڕێگه‌ی ده‌ورازه‌ی نێوده‌وڵه‌تی حاجی ئۆمه‌ران له‌ به‌رزبوونه‌وه‌ دایه‌، ته‌نیا له‌ ساڵی ڕابردوو (2024) له‌و ده‌روازه‌یه‌ ملیۆنێک و 260 هه‌زار كه‌س گه‌شتیان كردووه‌."
به‌ڕێوه‌به‌ری نشینگه‌ و پاسپۆرتی حاجی ئۆمه‌ران ده‌شڵێت "لەڕێگه‌ی ئامێری پێشكه‌وتوو ڕێگه‌ له‌ هه‌ر حاڵه‌تێكی ساخته‌كاری ده‌گیرێت، ئه‌فسه‌ر و كارمه‌ندانی نشینگه‌ مه‌شق و ڕاهێنانیان كردووه‌ بۆ ئه‌وه‌ی هیچ كه‌سێك له‌ڕێگه‌ی به‌كارهێنانی پاسپۆرتی ساخته‌ گه‌شت ئه‌نجام نه‌دات."

عه‌قید سالار ته‌حسین ئاماژه‌ی بۆ ئه‌وه‌ كرد "هه‌موو ئەو كه‌سانه‌ی له‌ڕێگه‌ی ده‌روازه‌ی نێوده‌وڵه‌تی حاجی ئۆمه‌ران گه‌شت ئه‌نجام ده‌ده‌ن به‌ ڕێكاری یاسایی تێده‌په‌ڕن، له‌ڕێگه‌ی ڤیزاوه‌ مافی چوونه‌ ده‌ره‌وه‌ و هاتنه‌ ژووره‌وه‌یان پێ ده‌درێت، به‌رده‌وام ڕێنماییه‌كانی وه‌زاره‌تی ناوخۆ جێبه‌جێ ده‌كرێن و به‌ڕێزه‌وه‌ پێشوازی له‌ گه‌شتیاران ده‌كه‌ین."

قائید میرۆ