واشنتن-KDP.info- وەزارەتی دەرەوەی ئەمەریکا ڕایگەیاند: سەردانەکەی مەسروور بارزانی بۆ واشنتن، نیشانەی خواستی ئەمەریکایە بۆ قووڵکردنەوەی پەیوەندییەکانمان.
ئەمڕۆ پێنجشەممە ٢٢ـی ئایاری ٢٠٢٥، تامی برووس، گوتەبێژی وەزارەتی دەرەوەی ئەمەریکا، لە کۆنفرانسێکی ڕۆژنامەوانیدا گوتی: بوونی ھەرێمی کوردستانی خۆڕاگر و بەھێز لە بەرژەوەندیی ھەمووانە.
گوتەبێژی وەزارەتی دەرەوەی ئەمەریکا، لەبارەی سەردانەکەی سەرۆکوەزیران مەسروور بارزانی بۆ واشنتن، ڕایگەیاند: سەردانەکەی سەرۆکوەزیران بۆ واشنتن، نیشانەی خواستی ئەمەریکایە بۆ قووڵکردنەوەی پەیوەندییەکانمان.
لەبارەی کۆبوونەوەی سەرۆکوەزیران مەسروور بارزانی لەگەڵ مارکۆ ڕوبیۆ، تامی برووس، ئاشکرای کرد، سبەینێ سەرۆکوەزیرانی ھەرێمی کوردستان و وەزیری دەرەوەی ئەمەریکا، بۆ گفتوگۆکردن لەسەر فراوانکردنی وەبەرھێنان کۆ دەبنەوە.