مەکتەبی سیاسیی پارتی پیرۆزبایى له‌ یەکێتی مامۆستایانى كوردستان ده‌كات

دیمانە و وتارەکانی سەرۆک■ مەکتەبی سياسی ■ وتەبێژی فەرمی پارتی ■ دەزگاکانی پارتی ■ هەواڵی لقەکان ■ پەيوەندی گشتی

کوردستانی ■ عێراقی و نێوده‌وڵه‌تی ■ هەواڵەکانی سەرۆک

THU, 15 MAY 2025 20:45 | KDP.info

ھەولێر-KDP.info- مەکتەبی سیاسیی پارتی دیموکراتی بە بۆنەی ٦٣یەمین ساڵیادی دامەزراندنی یەکێتی مامۆستایانی کوردستان پەیامێکی پیرۆزبایی ئاراستەی سکرتێر و ئەندامانی مەکتەبی سکرتاریەتی یەکێتی مامۆستایانی کوردستان دەکات.

دەقی پەیامی پیرۆزبایی مەکتەبی سیاسیی پارتی دیموکراتی کوردستان.

بەڕێزان / سکرتێر و ئەندامانی مەکتەبی سکرتاریەتی یەکێتی مامۆستایانی کوردستان.

(٦٣) ساڵ بەر لە ئەمڕۆ بە بڕیار و ڕێنمایی (بارزانی نەمر) لە (١٥ی ئایاری ١٩٦٢) یەکێتی مامۆستایانی کوردستان دامەزرا، دەستپێک و کاری ئەو ڕێکخراوە لە بواری پیشەییدا وەرچەرخانێکی گرنگ و چارەنووسساز بوو لە بزووتنەوەی ڕزگاریخوازی گەلەکەمان و تێکۆشانی نەپساوەی ڕۆڵەکانی گەلەکەمان بە گشتی و مامۆستایان بە تایبەتی.

یەکێتی مامۆستایانی کوردستان، لەو کاروانەیدا ڕۆڵ و سەنگی خۆی ھەبووە لە قۆناخە جیاجیاکانی تێکۆشانی نیشتیمانی و نەتەوەییماندا، لە لایەکی دیکەوە ئەو ڕێکخراوە بە درێژایی تەمەنی شکۆداری خۆی قوتابخانەیەکی پێگەیاندنی کەسایەتی تێکۆشەر و دڵسۆز و سەرکردە بووە، بەمەش خزمەتێکی زۆری بواری پیشەیی و خەباتی مەدەنیانە و سیاسییانە و پەروەردەیی لە کوردستاندا کردووە و قوربانی زۆریشی لەو ڕێگایە داوە.

یەکێتی مامۆستایانی کوردستان بەردەوام بەپێی کارنامە و پلان و پەیامی ڕاست و دروستی خۆی توانیویەتی دەستکەوتی مەزن بۆ پەروەدەکار و مامۆستایان دەستەبەر بکات، ھەروەھا ھەمیشە سەکۆیەکی پێشەنگ و بوێر بووە بۆ خستنەڕووی خواست و ویستی مامۆستایان بەبێ جیاوازی و گەشەپێدانی ھۆشیاریی و ھزری نەتەوەیی و نیشتیمانی، بۆیە ھەمیشە مایەی شانازی و سەرفرازی گەلەکەمانن.

بەم بۆنەیە پیرۆزبایی گەرمی خۆمان ئاراستەی ئێوە و کادیر و ئەندامانی ھێژای یەکێتییەکەتان دەکەین و خەبات و تێکۆشانی ڕێکخراوەکەتان بەرز دەنرخێنین، ھاوکات پشتیوانی خۆمان بۆ یەکێتیەکەتان دووپات دەکەینەوە و رۆڵی گرنگ و ھەستیاری ئێوە بەھەند دەگرین و ھیوادارین وەک ھەمیشە دڵسۆزانە و بەرپرسانە زیاتر برەو بە کار و چالاکییەکانتان بدەن و ئاستی پەروەردە و فێرکردن بەرزتر بکەن و بەرەو پێشتری ببەن بۆ پێگەیاندنی نەوەیەکی ھۆشیار و تێگەیشتوو و سوودمەند.

سڵاو و ڕێز و وەفاداریی بۆ دامەزرێنەران و سەرۆک و سکرتێرە پێشەنگەکانی یەکێتی مامۆستایانی کوردستان...

بەرزو پیرۆز بێت ساڵیادی دامەزراندنی یەکێتی مامۆستایانی کوردستان.

دروود و وەفاداریی بۆ گیانی پاک و بێگەردی شەھیدانی ئەو کاروانە شکۆدارەی یەکێتی مامۆستایانی کوردستان و سەرجەم شەھیدانی کوردستان.

مەکتەبی سیاسیی پارتی دیموکراتی کوردستان

١٥ی ئایاری٢٠٢٥

دوایین هەواڵەکان

سەرۆکی ھەرێمی کوردستان سه‌ره‌خۆشى له‌ خانه‌واده‌ى به‌همه‌ن حسێن ده‌کات

FRIDAY, 16 MAY 2025 18:05:00

ھەولێر-KDP.info- نێچیرڤان بارزانی، سەرۆکی ھەرێمی کوردستان لە پەیامێکدا سەرەخۆشی لە خانەوادەی خوالێخۆشبوو بەھمەن حسێن و حزبی زەحمەتکێشانی کوردستان دەکات.

سەرۆک بارزانی پیرۆزبایی لە یەکێتیی قوتابیان و لاوانی دیموکراتی کوردستان دەکات

FRIDAY, 16 MAY 2025 17:05:00

ھەولێر-KDP.info- سەرۆک بارزانی لە پەیامێکیدا بە بۆنەی سەرکەوتنی کارەکانی کۆنگرەی یەکگرتنەوەی یەکێتیی قوتابیان و لاوانی دیموکراتی کوردستان پیرۆزبایی لە قوتابیان و لاوانی کوردستان دەکات.

مەسروور بارزانی سەرەخۆشی لە سەركردایەتی حزبی زەحمەتكێشان دەکات

FRIDAY, 16 MAY 2025 17:05:00

ھەولێر-KDP.info- مەسروور بارزانی، سەرۆکی حکوومەتی ھەرێمی کوردستان لە پەیامێکدا سەرەخۆشی لە خانەوادەی خوالێخۆشبوو بەھمەن حوسێن و حزبی زەحمەتکێشانی کوردستان دەکات.

پەیامی سەرەخۆشیی سەرۆک بارزانی بۆ کۆچی دوایی بەھمەن حوسێن

FRIDAY, 16 MAY 2025 17:05:00

ھەولێر-KDP.info- سەرۆک مەسعود بارزانی پەیامێکی سەرەخۆشی بۆ کۆچی دوایی بەھمەن حوسێن، جێگری سەرۆکی حزبی زەحمەتکێشانی کوردستان بڵاوکردەوە.

وەزیری بەرگری بەلچیکا بۆ شاندی باڵای پارتی: لە نزیکترین دەرفەتدا سەردانی ھەولێر ده‌كه‌م

FRIDAY, 16 MAY 2025 14:05:31

برۆکسل-KDP.info- لە میانەی سەردانی شاندی باڵای پارتی دیموکراتی کوردستان بۆ برۆکسل و بۆ بەشداری لە کۆنفرانسی ساڵانەی یەکێتی دیموکراسی نێودەوڵەتی، شاندەکە لەگەڵ بەرێز سیۆ فرانکۆن، وەزیری بەرگری بەلچیکا کۆبۆوە.

سه‌رۆك بارزانی: ئومێدەوارم هەموو لایەك بەخۆدا بچنەوە و بگەڕێنەوە بۆ ئەو سێ مەبدەئە و بۆ دەستوور

ھەولێر-KDP.info- ئەمڕۆ پێنجشەممە 15/5/2025، لە هەولێر، بە ئامادبوونی سەرۆک بارزانی و مەسروور بارزانی، جێگری سەرۆکی پارتی دیموکراتی کوردستان، کۆنگرەی یەکگرتنی یەکێتیی قوتابیان و لاوانی دیموکراتی کوردستان دەستی پێكرد، لە كۆنگرەكەدا سەرۆك بارزانی وتارێكی پێشكەش كرد. دەقی وتاری سەرۆك بارزانی:

سەرۆک بارزانی: لە ئاهەنگی کۆڵن ڕێبازی دڵسۆزی بۆ وڵات و كوردستانیبوون سەركەوت

هەولێر-KDP.info- ئەمڕۆ یەكشەممە 23ی 3ی 2025، سەرۆك مەسعود بارزانی لەبارەی ئاهەنگی نەورۆزی شاری كۆڵنی ئەڵمانیا پەیامێكی بڵاو كردەوە و ڕایگەیاند: "جێگەی خۆشحاڵییە ژمارەیەكی زۆری هاووڵاتییانی كورد بە جۆش و خرۆشێكی بێ وێنە بەشدارییان لە ئاهەنگی نەورۆز لە شاری (كۆڵن)ی ئەڵمانیادا كرد."

سەرۆك بارزانی پەیامێك بۆ كوردانی هەر چوارپارچەی كوردستان دەنێرێت

هه‌ولێر-KDP.info- سەرۆك بارزانی لە دیدارێكی تایبەتدا لەگەڵ تەلەڤزیۆنی "شەمس" تیشكی خستە سەر كۆمەڵێ بابەتی هەنووكەیی پێوەست بە هەرێمی كوردستان، پارچەكانی تری كوردستان، عێراق، ناوچەكە و هەموو جیهان بە گشتی و باسی گۆڕانكاریی مێژوویی ناوچەكە دەكات، بەتایبەتی پاش ڕووخانی ڕژێمی ئەسەد لە سووریا و كاریگەرییەكانی بۆ سەر تەواوی ڕۆژهەڵاتی ناوەڕاست.