بەغدا-KDP.info- سەرۆکی فراکسیۆنی پارتی دیموکراتی کوردستان لە پەرلەمانی عێراق ڕایدەگەیەنێت، پێویست بوو ئەمڕۆ پەرلەمانی عێراق کۆ ببێتەوە و تێیدا خوێندنەوەی دووەم بۆ ھەمواری یاسای بودجە بکرێت، بەڵام ئەمڕۆ پەرلەمان کۆ نابێتەوە و چاوەڕێ دەکرێت سبەی کۆبێتەوە و تێیدا خوێندنەوەی دووەم بۆ یاسای بودجە بکرێت.
د. ڤیان سەبری، بە ماڵپەڕی فەرمیی پارتی دیموکراتی کوردستانی ڕاگەیاند: پێویست بوو ئەمڕۆ شەممە پەرلەمانی عێراق کۆ ببێتەوە و تێیدا خوێندنەوەی دووەم بۆ ھەمواری یاسای بودجە بکرێت، بەڵام ئەمڕۆ پەرلەمان کۆ نابێتەوە و چاوەڕێ دەکەین سبەی کۆ ببێتەوە و تێیدا خوێندنەوەی دووەم بۆ ھەمواری یاسای بودجە بکرێت، بۆ ئەوەی لەو ماوەیەدا ھەموارەکە پەسەند بکرێت.
سەبری گوتیشی: ھەموو ھەوڵێک دەدەین بۆ ئەوەی لەو ماوەیەدا یاسای بودجە ھەموار بکرێتەوە و پەسەند بکرێت، چونکە باس لەوە دەکرێت بەپێی دەستوور ھەر کاتێک بودجە ھاتە پەرلەمان، پێویستە کۆبوونەوەکان بەردەوام بن تاوەکو پەسەند دەکرێت، بۆیە ھێشتا ئەوە یەکلا نەبووەتەوە و کار دەکەین بۆ ئەوەی ھەموارەکە پەسەند بکرێت، چونکە ھەمواری یاسای بودجە زۆر گرنگە، بۆ ئەوەی دووبارە ھەناردەکردنەوەی نەوتی ھەرێمی کوردستان دەست پێبکاتەوە.
بڵند ئیبراھیم