بەغدا-KDP.info- دوای بڵاوبوونەوەی دەنگۆی ئەوەی ئەمڕۆ شاندێکی حکوومەتی ھەرێمی کوردستان سەردانی بەغدا دەکات، سەرۆکی نوێنەرایەتیی حکوومەتی ھەرێمی کوردستان لە بەغدا دەڵێت، ئەمڕۆ ھیچ شاندێکی حکوومەتی ھەرێمی کوردستان بۆ پرسی بودجە و مووچە سەردانی بەغدا ناکات.
فارس عیسا، سەرۆکی نوێنەرایەتیی حکوومەتی ھەرێمی کوردستان لە بەغدا، بۆ ماڵپەڕی فەرمیی پارتی دیموکراتی کوردستان گوتی، ئەو دەنگۆیانەی بڵاو بوونەتەوە لەبارەی چوونی شاندێکی حکوومەتی ھەرێمی کوردستان ئەمڕۆ بۆ بەغدا، ڕاست نین و ئەمڕۆ ھیچ شاندێکی حکوومەتی ھەرێمی کوردستان سەردانی بەغدا ناکات و ھیچ بەرنامەیەکیش نییە ئەمڕۆ سەردان بکەن.
عیسا گوتیشی، ئەمڕۆ بۆ گفتوگۆکردن لەسەر پرسی مووچە و بودجە، بەرنامە نییە ھیچ شاندێک لە حکوومەتی ھەرێمی کوردستان سەردانی بەغدا بکات.
بڵند ئیبراھیم