هەولێر-KDP.info- له گفتوگۆیه‌كى ته‌له‌‌ڤزیۆنیدا له‌گه‌ڵ به‌رنامه‌ى (بالثلاثة)ى كه‌ناڵى ئه‌لشه‌رقییه نیووز كه كاتژمێر 11ى شه‌وى پێنجشه‌ممه 2021/4/22 پێشكه‌ش كرا، به‌ڕێز نێچیرڤان بارزانى، سه‌رۆكى هه‌رێمى كوردستان، باسى له دۆخى عێراق به‌گشتى كرد و ڕوانگه‌ى خۆى بۆ چاره‌سه‌ركردنى كێشه‌كانى عێراق و داهاتووى وڵات خسته ڕوو.
نێچیرڤان بارزانى دووپاتى كرده‌وه كه له‌پێناو چاره‌سه‌ركردنى كێشه‌كانى عێراق و سه‌قامگیریى وڵاتدا، ده‌بێ هه‌موو لایه‌ن و پێكهاته‌كان لێكگه‌یشتن و ڕوانگه‌یه‌كى هاوبه‌شیان بۆ داهاتووى عێراق هه‌بێت و له‌سه‌ر بنه‌ماى ده‌ستوور و پره‌نسیپه‌كانى سازان، هاوسه‌نگى و هاوبه‌شى، پێكه‌وه كار بكه‌ن وانه و سوودیش له هه‌ڵه‌كانى ڕابردوو وه‌ربگرن.
نێچیرڤان بارزانى وێڕاى باسكردنى چه‌ند لایه‌نێكى ژیانى تایبه‌ت و سه‌ربورده و ئه‌زموونى كه‌سیى خۆى، بڕواى خۆى نیشان دا كه نه‌وه‌یه‌كى تازه له عێراق دروست بووه و دواى هه‌ژده ساڵ ئیتر قۆناغى ڕاگوزه‌ر له وڵات ته‌واو بوو. عێراقییه‌كان چیتر دروشمى بێ ناوه‌ڕۆكیان له سیاسییه‌كانى وڵات قبووڵ نییه و ده‌بێ چاره‌سه‌رێكى جددى بۆ دۆخى عێراق بدۆزرێته‌وه.
ده‌قى دیداره‌كه‌ى ئه‌لشه‌رقییه نیووز له‌گه‌ڵ به‌ڕێز نێچیرڤان بارزانى سەرۆكی هەرێمی كوردستان:
https://presidency.gov.krd/president-nechirvan-barzani-the-iraqis-will-not-accept-empty-slogans/