Kurdî  ■  كوردی  ■  عربي
SUN, 26 MAY 2024 00:22 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

Serok Barzanî: Şoreşa Gulanê qonaxeke herî girîng a tevgera rizgarîxwaziya Kurdistanê ye
| KDP.info


Hewlêr-KDP.info- Îro Pênçşema 25ê Gulana 2023, li devera Balekayetî ahengeke cemawerî bi helkefta çil û heftemîn salvegera şoreşa Gulanê birêve çû, di ahengê de gotara Serok Mesûd Barzanî hate xwendin

Ev jî naveroka gotara Serok Barzanî ye:

“Bi navê xwedayê mezin û dilovan

Cemawerê xweşdiviyê devera Balekayetî!

Amadebûyên azîz!

Ev dem û hemû demên we baş bin

Bi helkefta çil û heftemîn salvegera destpêkirina şoreşa Gulanê pîrozbahiyê li gelê Kurdistanê û wan hemû qehreman û Pêşmerge û têkoşeran dikim ku rola wan di şoreşa Gulanê de hebûye. Rûmet û pêzanînên min ji bo fedakarî û xweragiriya gelê Kurdistanê heye ku di qonaxekî hestiyar de palpiştê şoreşa Gulan û Pêşmerge bûn.

Vekirina vê bîranînê li vir wateyeke xwe ya taybetî heye, navçeya Balekayetî navçeyekî xwedî şehîd e ku ji bo şoreşê qurbaniyekî zêde daye. Herdem di bin fişarên şer û bombebarana dijmin de bûye û bi hezaran Pêşmerge û koçber hewandiye û kela û eniya serkirdayetiya şoreşê bûye. Her wiha navçeya balekayetî di şoreşa Gulanê de jî xala destpêka şoreş û qurbanîdana gelê Kurdistanê bûye. Yekem şehîdê şoreşa Gulanê jî, Şehîd Seyid Abdulla bû ku zarok û gedeyê vê navçeya serbilind a Kurdistanê ye. Em bi hemû awayekê deyndarê xelkê têkoşerê navçeya Balekayetî ne.

Spas ji bo xweragiriya we...

Spas ji bo qehremaniya we.

Şoreşa Gulanê qonaxeke herî girîng a tevgera rizgarîxwaziya Kurdistanê ye û hilgirê wê peyamê bû ku ji bilî hebûna plangêrî û gef û êrîşa bi hêz ya neyaran û astengiyên mezin, lê belê îradeya berdewam û şoreşê li kûrahiya dilê mirovê Kurdistanî de her zîndî ye. Şoreşa Gulanê, tehedakirina wan hemû dîktator û sitemkar û dijminan bû ku wiha berguman kiribûn, bi şikesta şoreşa Eylûlê êdî heta hetayê dawî bi şoreş û berxwedana gelê Kurdistanê tê. Lê belê şoreşa Gulanê ew xewna nehezan kire gorê û gelê Kurdistanê di xebata xwe berdewam bû û sernizmî û şikest ji bo dijminan ma.

Di vê bîranîna pîroz de tekeziyê li wê yekê dikim ku berjewendiya Kurdistanê di ser rûyê hemû berjewendiyekî din re ye û hêvîdar im aliyên siyasî yên Kurdistanê karibin nakokiyên xwe yên siyasî derbas bikin û hemû bi ruhekî niştimanperwerane û birayane giriftan çareser bikin.

Di dawiyê de bi hezaran silav ji bo şehîdên şoreşa Gulanê û hemû şehîdên Kurd û Kurdistanê dişînim ku bi xwîna xwe dîrok ji bo gelê xwe tomar kirin û her hemû mînaka qehremanî û xwe bi dest ve nedan û xwe neçemandinê ne.

Gelekî spasiya amadebûna we dikim

Bimînin bi xêr û xweşiyê

 

Mesûd Barzanî

25ê Gulana 2023”

 




Nûçeyên din

Serok Barzanî û şanda Wezareta Derve ya Qeterê pêşxistina pêwendiyan gotûbêj kirin

SATURDAY, 25 MAY 2024 16:05:34

Hewlêr-KDP.info- Serok Barzanî pêşwazî li şandeke Wezareta Derve ya Qeterê kir û di wê hevdîtinê de tekez li ser pêşxistina pêwendiyên di navbera Hewlêr û Dohayê de di warên geştyarî, aborî û geşepêdanê de hate kirin.

 

Nêçîrvan Barzanî û Serokê Îmaratê pêwendiyên dualî nirxandin

FRIDAY, 24 MAY 2024 20:05:44

Hewlêr-KDP.info- Nêçîrvan Barzanî Serokê Herêma Kurdistanê, îro Îna 24.05.2024ê li bajarê Ebûdabî, ji aliyê Serokê Îmarata Erebî Şêx Mihemed Bin Zayid Al Nehyan ve hat pêşwazîkirin.

 
Mesrûr Barzanî behînameyekê belav kir

FRIDAY, 24 MAY 2024 20:05:08

Hewlêr-KDP.info- Ji bo wexera dawiyê ya Xudêjêrazî Dilêr Hecî Meşhûd Mela Emîn, Serokê Hikûmeta Herêma Kurdistanê Mesrûr Barzanî peyameke sersaxî û behîdariyê rastî malbata Xudêjêrazî kir.

 
Mesrûr Barzanî û Balyozê Kuweyt tekezî li ser giringiya bihêzkirina pêwendiyên dostane kirin

THURSDAY, 23 MAY 2024 20:05:39

Hewlêr-KDP.info- Serokê Hikûmeta Herêma Kurdistanê pêşwaziya Balyozê Kuweytê li Îraqê kir û di wê hevdîtinê de herdu aliyan tekezî li ser giringiya bihêzkirina pêwendiyên dostane kirin.

 

Şanda Kurdistanê beşdarî behiya serokomarê Îranê û hevalên wî bû

WEDNESDAY, 22 MAY 2024 19:05:15

Tehran-KDP.info- Şanda bilind a Herêma Kurdistanê beşdarî merasîma behiya Serokkomarê Îranê Îbrahîm Reîsî bû.

 


 
© 2023 Kurdistan Democratic Party, KDP

Contact