Kurdî  ■  كوردی  ■  عربي
SUN, 13 JUL 2025 11:01 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

Mesrûr Barzanî: Pêwîst e Bexda malbatên şehîdên Helebce û hemû qurbaniyên rêjîma Beisê qerebû bike
| KDP.info


Hewlêr-KDP.info- Serokwezîrê Herêma Kurdistanê Mesrûr Barzanî di salvegera kîmyabaran Helebceyê de peyamek belav kir û tê de ragihand, “Şehîdên stemlêkirî yên kîmyabarana Helebceyê bûne qurbaniyên tawaneke hovane û ew hertim di derûn û wijdanê gelê Kurd û mirovahiyê de zindî dimînin. ”

Peyama Serokwezîr Mesrûr Barzanî:

Îro em bi rêz û hurmet şehîdên stemlêkirî yên kîmyabarana Helebceyê bi bîr tînin ku bûne qurbaniyên tawaneke hovane û ew hertim di derûn û wijdanê gelê Kurd û mirovahiyê de zindî dimînin.

Di vê boneya xemgîn de, em helwesta Hikûmeta Federal ya bi fermî naskirina parêzgeha Helebceyê, bilind dinirxînin ku bi salan e di Parlamentoya Kurdistanê de biryar li ser hatiye dayîn. Di vê boneya diltezîn de, em dubare dikin ku pêwîst e Hikûmeta Federal berpirsiyariya xwe ya exlaqî bi cih bîne û weke ku di destûrê de jî hatiye diyarkirin, divê malbatên şehîdên Helebce, qurbaniyên Enfalê û hemû ziyandîtî û qurbaniyên rêjîma Beis bi awayekî şayeste qerebû bike. Di serdana dawî ya Serokwezîr bo Herêma Kurdistanê de jî me tekezî li ser girîngiya cîbicîkirina vê xala destûrê kir.

Tevî ku 35 sal bi ser vê tawanê re derbas bûye, lê mixabin heta niha jî birînên malbatên şehîd û berketiyên kîmyabarana Helebce derman nebûne û êş û azara qurbaniyên tawanên rejîma berê ya Iraqê bi dawî nebûne. Ji ber wê erkê me hemûyan e, bi taybetî Hikûmeta Federal û civaka navdewletî, ku hevkar alîkarê me bin ji bo xizmetkirina gelê xweragir û qurbanîder ê Helebce, bajarê şehîdan û navenda rewşenbîr, zana û zanayên navdar û avedantir bikin.

Her wiha em tekezî li ser hikumraniyeke paqij û bêkêmasî dikin ku dûrî destêwerdanên kesayetî û partîtî be û rêgiriyê li saziyên fermî yên hikûmetê neke, da ku baştir xizmeta xelkê stemlêkirî yê Helebce bike.

Silav li giyanê pak ê şehîdên Helebce û hemû şehîdên Kurdistanê.

Mesrûr Barzanî

Serokwezîrê Herêma Kurdistanê

16/3/2023




Nûçeyên din

Daxuyaniya Baregeha Barzanî ya ji bo raya giştî

SATURDAY, 12 JULY 2025 22:07:29

Hewlêr-KDP.info: Barageha Barzanî derbarê pirsgirêka mûçe û mafên darayî yên Herêma Kurdistanê de ragihand, aliyên siyasî û hikûmeta federal a Iraqê soza çareserkirina vê kêşeyê di çend rojên pêş de dane.

Nêçîrvan Barzanî pesnê hengavên pêvajoya aştiyê kir

FRIDAY, 11 JULY 2025 21:07:04

Hewlêr-KDP.info: îro în 11.07.2025 rêzdar Nêçîrvan Barzanî Serokê Herêma Kurdistanê, pêşwaziya şanda Serokayetiya DEM Partî û hejmarek ji siyasetmedarên Kurd kir ku îro beşdariya rêwresma çekdanîna grûpeke PKK da kiribûn.

Serok Barzanî pêşwaziya hejmarek kesayetiyên siyasî û şanda bilinda DEM Partî kir

FRIDAY, 11 JULY 2025 19:07:22

Hewlêr-KDP.info: Roja înê 11 ê temmûza 2025 li Selaheddînê, Serok Mesûd Barzanî pêşwaziya hejmarek kesayetiyên siyasî û şanda bilinda DEM Partiyê kir ku ji: Birêz Ehmed Turk û birêz Leyla Zana û birêz Sirri Sakik û birêz Tuncer Bakirhan Hevserokê DEM Partî û birêz Çigdem Kılıçgun Uçar Hevseroka Herêmên Demokrat û birêz Meral Daniş Beştaş Parlementerê DEM Partî û birêz Berdan Ozturk Berpirsê Peywendiyên Derveyê DEM Partiyê pêkhatibûn.

Nêçîrvan Barzanî tekezî li serxistina proseya aştiyê dike

FRIDAY, 11 JULY 2025 16:07:49

Hewlêr-KDP.info: Serokê Herêma Kurdistanê Nêçîrvan Barzanî pêşwazî li pêngava Partiya Karkerên Kurdistanê (PKK) ya ji bo çekdanînê kir û ew wekî "pêngaveke girîng û dilxweşker" bi nav kir.

 
Serok Barzanî pêşwaziya Şêwirmendê Asayîşa Niştimaniya Iraqê kir

THURSDAY, 10 JULY 2025 00:07:00

Hewlêr-KDP.info: Roja çarşema 09 ê temmuza 2025 li Selaheddînê, Serok Mesûd Barzanî pêşwaziya birêz Qasim Erecî Şêwirmendê Asayîşa Niştimaniya Iraqê kir.



 
© 2023 Kurdistan Democratic Party, KDP

Contact