Kurdî  ■  كوردی  ■  عربي
SUN, 13 JUL 2025 09:37 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

Wezîra Berevaniya Holandayê: Emê li ser piştevaniya Pêşmerge berdewam bin
| KDP.info


Hewlêr-KDP.info- Serokwezîrê Herêma Kurdistanê Mesrûr Barzanî îro 29.11.2022an pêşwazî li Wezîra Berevaniyê ya Hollandayê Kajsa Ollongren kir.

Di civînê de, Wezîra Berevaniyê ya Hollandayê ragihand, pêwendiyên dostane yên bihêz di navbera Holanda û Herêma Kurdistanê de hene û berdewamiya hevkariyên ewlehî û leşkerî û hevahengî û piştevaniya welatê xwe bo Pêşmerge dubare kir.

Serokwezîr Mesrûr Barzanî spasiya piştevaniya Qraliyeta Hollandayê kir ku di çarçoveya Hevpeymaniya Navdewletî de li Herêma Kurdistanê berdewam dibe. Her wiha pêzanînên wî ji bo Hollenda hebû ku yek ji wan welatan e piştevaniya plan û karnemaya Kabîneya Nehemîn dike, di warê pirrengiya aborî û giringîpêdana bi sektora çandiniyê.

Mijareke sereke ya hevdîtinê jî taybet bû bi girîngiya parastina ewlehî û aramiya Herêma Kurdistanê. Her du alî êrîşên li ser Herêma Kurdistanê şermezar kirin û tekezî li ser pêwîstiya rêzgirtin û parastina serweriya Iraq û Herêma Kurdistanê û rawestandina êriş û destdirêjiyan kirin.

Serokwezîr Mesrûr Barzanî di wê derbarê de tekezî li ser wê yekê kir ku Herêma Kurdistanê wek her dem dibe faktorê asayîş û aramiya navçeyê û dixwaze pêwendiyên wê yên dostane li ser bingeha cîrantiya baş û rêzgirtina li hevdu û berjewendiyên hevbeş bi welatên cîran re hebin.

Pêşkeftinên yekxistina hêzên Pêşmerge, çaksaziyên Wezareta Pêşmerge û şerê li dijî gefên terorîstên DAIŞ jî beşeke din a gotûbêjên civînê bûn.




Nûçeyên din

Daxuyaniya Baregeha Barzanî ya ji bo raya giştî

SATURDAY, 12 JULY 2025 22:07:29

Hewlêr-KDP.info: Barageha Barzanî derbarê pirsgirêka mûçe û mafên darayî yên Herêma Kurdistanê de ragihand, aliyên siyasî û hikûmeta federal a Iraqê soza çareserkirina vê kêşeyê di çend rojên pêş de dane.

Nêçîrvan Barzanî pesnê hengavên pêvajoya aştiyê kir

FRIDAY, 11 JULY 2025 21:07:04

Hewlêr-KDP.info: îro în 11.07.2025 rêzdar Nêçîrvan Barzanî Serokê Herêma Kurdistanê, pêşwaziya şanda Serokayetiya DEM Partî û hejmarek ji siyasetmedarên Kurd kir ku îro beşdariya rêwresma çekdanîna grûpeke PKK da kiribûn.

Serok Barzanî pêşwaziya hejmarek kesayetiyên siyasî û şanda bilinda DEM Partî kir

FRIDAY, 11 JULY 2025 19:07:22

Hewlêr-KDP.info: Roja înê 11 ê temmûza 2025 li Selaheddînê, Serok Mesûd Barzanî pêşwaziya hejmarek kesayetiyên siyasî û şanda bilinda DEM Partiyê kir ku ji: Birêz Ehmed Turk û birêz Leyla Zana û birêz Sirri Sakik û birêz Tuncer Bakirhan Hevserokê DEM Partî û birêz Çigdem Kılıçgun Uçar Hevseroka Herêmên Demokrat û birêz Meral Daniş Beştaş Parlementerê DEM Partî û birêz Berdan Ozturk Berpirsê Peywendiyên Derveyê DEM Partiyê pêkhatibûn.

Nêçîrvan Barzanî tekezî li serxistina proseya aştiyê dike

FRIDAY, 11 JULY 2025 16:07:49

Hewlêr-KDP.info: Serokê Herêma Kurdistanê Nêçîrvan Barzanî pêşwazî li pêngava Partiya Karkerên Kurdistanê (PKK) ya ji bo çekdanînê kir û ew wekî "pêngaveke girîng û dilxweşker" bi nav kir.

 
Serok Barzanî pêşwaziya Şêwirmendê Asayîşa Niştimaniya Iraqê kir

THURSDAY, 10 JULY 2025 00:07:00

Hewlêr-KDP.info: Roja çarşema 09 ê temmuza 2025 li Selaheddînê, Serok Mesûd Barzanî pêşwaziya birêz Qasim Erecî Şêwirmendê Asayîşa Niştimaniya Iraqê kir.



 
© 2023 Kurdistan Democratic Party, KDP

Contact