Kurdî  ■  كوردی  ■  عربي
WED, 28 SEP 2022 00:57 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mesrûr Barzanî: PDK wek herdem di sengerên pêşî yên berevaniya li rûmeta Kurdistanê de ye
| KDP.info


Hewlêr-KDP.info- Serokwezîrê Herêma Kurdistanê Mesrûr Barzanî bi boneya salvegera damezirandina Partiya Demokrat a Kurdistanê (PDK) û roja jidayikbûna Serok Mesrûd Barzanî de peyamek belav kir û tê de ragihand, “PDKê di qonaxên curbicur ên xebat û tekoşîna xwe de, tevî hemû gef û planên dijmin û nehezan û rojên dijwar ên berxwedanê, ti carî dest ji mafên gelê Kurdistanê bernedaye û bernade.”

Peyama Serokwezîrê Herêma Kurdistanê Mesrûr Barzanî:

“Bi boneya 76emîn salvegera damezirandina Partiya Demokrat a Kurdistanê (PDK) û roja jidayikbûna cenabê Serok Barzanî, pîrozbahiyeke germ li serkirdatî, endam, alîgir û dostên Partiya Demokrat a Kurdistanê dikim. Hêvîdar im wek her dem, PDK di pêşketin û pêşengiya xwe de berdewam be. Heftê û şeş sal in, PDK wek partî û tevgereke cemawerî û Kurdistanî, bêwestan pêşengiya tevgera rizgarîxwaza Kurdistanê dike û heta niha jî bi xebat û têkoşîna ji bo bidestxistina mafên netewî û niştimanî û parastina destkeftên gelê Kurdistanê berdewam e.

Di qonaxên curbicur ên xebat û tekoşîna xwe de, tevî hemû gef û planên dijmin û nehezan û rojên dijwar ên berxwedanê, ti carî dest ji mafên gelê Kurdistanê berneda û bernade. Her demê jî ku her çi gefek li ser Kurdistanê hebe, PDK di eniya herî pêş a berevanî û parastina rûmeta Kurdistanê de ye. Ji ber wê jî, endamên Partiya Demokrat a Kurdistanê hest bi serbilindî û şanaziyê dikin li ew partiyeke niştimanî, rêber û serokekî ne ku hertim li gel Pêşmergeyên qehreman li sengerên pêşî ne ji bo berevaniya li rûmet û serbilindiya gelê Kurdistanê.

Şanaziyeke din a dîrokî ya birûmet a PDKê wek partiyeke Kurdistanî ew e, ku bi berdewamî berevanî li mafên mirovan û mafên hemû pêkhateyên curbicur ên netewî û olî yên Kurdistanê dike û herdem parêzvanê mafên hemû çîn û pêkhateyên Kurdistanê ye. Ji bo wê jî, PDK bi berdewamî kar ji bo kultura pêkvejiyana aştiyane û bihêzkirina çanda lêborînê li Kurdistanê dike.

Di salvegera damezrandina PDKê de, silav li damezrênerê PDKê û rêberê netewa me nemir Mistefa Barzanî û kak Îdrîsê herdem sax û hemû şehîdên Kurdistanê.

Mesrûr Barzanî

16ê Tebaxê”




Nûçeyên din

Mesrûr Barzanî: Em hêvî dikin şerê sînorê Zaxo bidawî were û hurmetê ji ax û serweriya me re bigrin

TUESDAY, 27 SEPTEMBER 2022 15:09:50

Zaxo-KDP.info- Îro Sêşemê bi amadebûna Serokê Hikûmeta Herêma Kurdistanê Mesrûr Barzanî ve merasîma danîna xîm û berê bingehîn ê çend projeyên xizmetguzariyê li sînorê îdareya Serbixwe ya Zaxo bi qasî 26 milyar û nîv dînaran birêve çû û Serokê Hikûmetê jî gotarek pêşkeş kir û di gotara xwe de got: “Mixabin ew şer û pevçûnên ku li navçeyên sînorî yên Zaxo hene, bûne sebeba wê yekê ku em nikaribin gelek gundên xwe avedan bikin. Lewma em hêvî dikin ew şer bidawî were û hurmetê ji serwerî û axa me re bigrin.”

 
Serok Barzanî di salvegera Referandûma Serxwebûna Kurdistanê de: Tarîtiya şevê her divê biçe

SUNDAY, 25 SEPTEMBER 2022 17:09:29

Hewlêr-KDP.info- Serok Mesûd Barzanî bi boneya pêncem salvegera Referandûma Serxwebûna Kurdistanê li ser tora xwe ya civakî Twitterê peyamek belav kir.

 
Nêçîrvan Barzanî pêşwazî li Konsulê Giştî yê Koreya Başûr kir

SUNDAY, 25 SEPTEMBER 2022 17:09:06

Hewlêr-KDP.info- Serokê Herêma Kurdistanê Nêçîrvan Barzanî îro 25ê Îlona 2022an pêşwazî li Konsolê Giştî yê nû yê Koreya Başûr li Herêma Kurdistanê Cho Kijoung kir.

 
Nêçîrvan Barzanî beşdariya merasima cejna Neteweyî ya Erebistana Siûdî kir

SATURDAY, 24 SEPTEMBER 2022 00:09:58

Birêz Nêçîrvan Barzanî Serokê Herêma Kurdistanê, êvariya roja înê 23.09.2022ê li bajarê Hewlêrê, beşdariya merasima 92. emîn salvegera roja Niştimanî ya Şahnişîna Erebistana Siûdî kir ku, ji aliyê Konsolxaneya Giştî ya Erebistana Siûdî ve li Hewlêrê hatibû amadekirin.

Mesrûr Barzanî spasiya piştevaniya Amerîkayê bo hêzên Pêşmerge kir

WEDNESDAY, 21 SEPTEMBER 2022 15:09:53

Hewlêr-KDP.info- Serokwezîrê Herêma Kurdistanê Mesrûr Barzanî pêşwazî li Alîkara Wezîrê Berevaniyê yê Amerîka bo Karûbarên Asayişa Navdewletî Celeste Wallender kir.

 


 
© 2022 Kurdistan Democratic Party, KDP

Contact