Kurdî  ■  كوردی  ■  عربي
THU, 18 AUG 2022 08:41 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Cîgirê Wezîra Berevaniya Almanya: Emê li ser piştevaniya Hêzên Pêşmerge berdewam bin
| KDP.info


Hewlêr-KDP.info – Birîkarê Wezareta Pêşmerge û Cîgirê Wezîra Berevaniya Almanya tekezî li ser berdewamiya piştevaniya Almanya bo Hêzên Pêşmergeyên Kurdistanê kirin.

Cîgirê Wezîrê Berevaniya Almanya General Markus Laubenthal îro di konferanseke rojnamevanî de got: "Ji bo min gelekî girîng bû ku ez serdana Iraq û Kurdistanê bikim da ku rewşê bibînim û fêm bikim." Derbarê mana hêzên welatê wî li Iraql wiha got: “Ezê gelek agahiyan bi xwe re vegerînim û Parlamentoya Almanyayê dê di meha Cotmehê de biryarê li ser vê yekê bide.”

Cîgirê Wezîra Berevaniya Almanyayê tekez kir ku Almanya dê li ser piştevaniya hêzên Iraqî û hêzên Pêşmergeyên Kurdistanê berdewam be.

Derbarê alîkariyên serbazî yên Almanya bo Hêzên Pêşmerge ku ev saleke rawestane, Markus got: "Şerê li Ukraynayê ji Almanyayê re gelek zehmetiyên ewlehiyê çêkiriye. Almanya û welatên din gelek piştgirî dane Ukraynayê, ji ber vê yekê divê em ji bo vê navçeyê pêşniyarên nû bikin, lê em dikarin we piştrast bikin ku peydakirina şêwirmendên leşkerî bo Hêzên Pêşmerge berdewam dibe.”

Birîkarê Wezareta Pêşmerge Sarbast Lazgîn jî wiha got: “Serdana Cîgirê Wezîra Berevaniya Almanya û şanda pê re bo Wezareta Pêşmerge peyameke piştevaniyê ye.”

Cîgirê Wezîrê Berevaniya Almanya General Markus Laubenthal: "Girîng e ku li herêmê hêzeke xurt hebe. Divê hemû alî bi hev re karînên xwe yên têkoşîna li dijî terorê zêde bikin. Weke Almanyayê çi ji me were xwestin em amade ne ku bikin, lê divê kêşe li ber çavan bên girtin." 




Nûçeyên din

Mesrûr Barzanî: PDK wek herdem di sengerên pêşî yên berevaniya li rûmeta Kurdistanê de ye

TUESDAY, 16 AUGUST 2022 14:08:10

Hewlêr-KDP.info- Serokwezîrê Herêma Kurdistanê Mesrûr Barzanî bi boneya salvegera damezirandina Partiya Demokrat a Kurdistanê (PDK) û roja jidayikbûna Serok Mesrûd Barzanî de peyamek belav kir û tê de ragihand, “PDKê di qonaxên curbicur ên xebat û tekoşîna xwe de, tevî hemû gef û planên dijmin û nehezan û rojên dijwar ên berxwedanê, ti carî dest ji mafên gelê Kurdistanê bernedaye û bernade.”

 
Seroka Parlamentoya Kurdistanê pîrozbahî li PDKê kir

TUESDAY, 16 AUGUST 2022 14:08:13

Hewlêr-KDP.info- Bi helkefta 76 saliya damezrandina Partiya Demokrata Kurdistanê (PDK) Serokê Parlamentoya Kurdistanê peyameke pîrozbayî pêşkêşî Serok Barzanî û Mekteba Siyasî ya wê partiyê kir.

 
Serok Barzanî: PDK îrade û hêvî û hêz e ji bo hemû xelkê Kurdistanê

TUESDAY, 16 AUGUST 2022 14:08:03

Hewlêr-KDP.info- Serok Mesûd Barzanî bi boneya 76 saliya damezirandina Partiya Demokrata Kurdistanê (PDK) peyamek belav kir û tê de daxwaz ji hemû endamên PDKê kir ku îrade û hêviya wan bihêz be ji ber ku PDK îrade û hêvî û hêz e ji bo hemû xelkê Kurdistanê.

 

PDK bang li aliyên Iraqê kir: Dikarin li ser encamdana hilbijartinên pêşwext lihev bikin

SATURDAY, 13 AUGUST 2022 17:08:25

Hewlêr-KDP.info- Polîtburoya Partiya Demokrat a Kurdistanê (PDK) di daxuyaniyekê de ji hemû aliyên siyasî daxwaz dike, pêngavên cidî, pêwîst û bilez ji bo encamdana gotûbêjeke berhemdar û serkeftî bigrin ber xwe.

 
Peyama Serok Barzanî ya ji bo koça dawî ya Heme Seîd Xefaf

FRIDAY, 12 AUGUST 2022 19:08:54

Bi mixabiniyê ve min nûçeya koça dawî ya kesayetiyê niştimanî û Kurdperwer Kak Heme Seîd Xefaf bihîst. Xwedê jêrazî Heme Seîd Xefaf dostê cenabê Barzaniyê Nemir û hevkareke cewherî yê Partî û Şoreşa Eylûl bû û li wê rêyêda tûşî zehmetî û koçberî û dûrî welat bû. Heme Seîd Xefaf kesayetiyeke dilsoz û xwedî helwest û herdem xizmetguzarê doza gelê xwe bû.

 


 
© 2022 Kurdistan Democratic Party, KDP

Contact