Kurdî  ■  كوردی  ■  عربي
SAT, 10 DEC 2022 08:56 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

PDK 65mîn salvegera damezrandina PDK-Sê pîroz kir
| KDP.info


Hewlêr-KDP.info- Partiya Demokrata Kurdistanê (PDK) di peyamekê de 65mîn salvegera damezrandina Partiya Demokrata Kurdistanê -Sûriyê (PDK-S) pîroz kir.

Ev jî tekesta wê peyamê ye:

Birêz Siûd Mela, Sekreterê Giştî yê Partiya Demokrata Kurdistan-Sûriye

Endamên Polîtburo û Serkirdatiya Partiya Demokrata Kurdistan-Sûriye

Bi helkefta 65 saliya damezrandina Partiya Demokrata Kurdistanê - Sûriye, em pîrozbahiyê li we, kadir, endam û alîgirên partiya we ya têkoşer û kevnar dikin. Em hêvî dikin ku hûn herdem pêşkeftî û serkeftî bin, ji bo bidestveanîna hemû mafên niştimanî û netewî û demokratîk yên gelê Kurd li Rojavayê Kurdistanê.

Partiya Demokrata Kurdistanê-Sûriye (PDK-S) beriya 65 salan weke yekemîn partiya siyasî ya kurdî li Kurdistana Sûriyê hatiye damezrandin û yek ji qonaxên herî girîng ên têkoşîna siyasî ya rêxistinî li Sûriyê bû, ew jî bi armanca komkirin û rêkxistina hewl û hêzê û herwiha ji bo rêveberiya gel ji bo bidestveanîna maf û daxwaziyên gelê Kurdistanê li Sûriyê.

Partiya Demokrata Kurdistanê -Sûriye weke partiyeke nerm, wêrek û pêbawerî li cem gelê Kurd li Rojavayê Kurdistanê di dema borî û niha de di qada xebat û qurbanîdanê de, hertim li pêşiya karwanê têkoşînê bûye. Qonaxên cuda yên xebata gelê Kurdistanê li Sûriyê şahidiya wê yekê didin ku ew partiya resen çiqasî nûneratiya êş û azarên gelê Kurd li Sûriyê kiriye û çiqasî di karwanê xebat û têkoşînê de pêşverû bûye ji bo bidestveanîna maf û azadiyên gelê Kurd li Sûriyê.

Bi vê minasebetê em hevbendî û dostaniya xwe ya bihêz di navbera xwe de dubare dikin û tekeziyê dikin li ser bihêzkirina bingehên rast ên xebat û têkoşîna sivîl û demokratîk û bidestxistina hemû armancên aştî, azadî û demokrasiyê.

Em careke din 65mîn saliya damezrandina PDK-Sê pîroz dikin û piştrast in ku zehmetî û astengiyên çêkirî yên li pêşiya têkoşîna we ya rewa demkî ne û meydana rastî ya têkoşînê ji bo partiyên resen û gelêrî ye. Karwanê xebata we ya sivîl û demokratîk berdewam û berhemdar dibe.

Her serkeftî û serfiraz bin...

Polîtburoya Partiya Demokrat a Kurdistanê

14-6-2022”

 




Nûçeyên din

Serokwezîra Îtalya nameyek ji Serokwezîrê Kurdistanê re şandiye

THURSDAY, 08 DECEMBER 2022 23:12:47

Hewlêr-KDP.info- Serokwezîrê Herêma Kurdistanê Mesrûr Barzanî nameyek ji Serokwezîra Îtalya ya nû Giorgio Meloni wergirt.

Mesrûr Barzanî: Asta xwendinê li Herêma Kurdistanê ber bi pêş ve diçe

THURSDAY, 08 DECEMBER 2022 23:12:19

Hewlêr-KDP.info- Serokwezîrê Herêma Kurdistanê Mesrûr Barzanî tekez dike, pêşxistina perwerde û xwendinê, yek ji girîngtirîn karên pêşîne yên Hikûmeta Herêma Kurdistanê ye.

Mesrûr Barzanî bo serkirdeyên Iraqê: Dawiyê li êrîşên ser cotkarên Kurd ên Kerkûkê bînin

THURSDAY, 08 DECEMBER 2022 08:12:44

Hewlêr-KDP.info- Serokwezîrê Herêma Kurdistanê Mesrûr Barzanî li ser êrîşa li dijî cotkarên Kurd ên li navçeya Daqûqê ya ser bi parêzgeha Kerkûkê peyamek belav kir.

Mesrûr Barzanî û Serokê Îmaratê li ser hinarên Kurdistanê axivîn

THURSDAY, 08 DECEMBER 2022 08:12:40

Hewlêr-KDP.info- Serokwezîrê Herêma Kurdistanê Mesrûr Barzanî îro Çarşemê 7.12.2022yan, pêwendiyeke telefonî ligel Serokê Îmarata Erebî Şêx Mihemed Bin Zayid Al Nehyan encam da.

Mesrûr Barzanî û şanda Almanyayê tekezî li ser derketina milîsan ji Şingalê kirin

THURSDAY, 08 DECEMBER 2022 08:12:27

Hewlêr-KDP.info- Serokwezîrê Herêma Kurdistanê Mesrûr Barzanî îro Çarşema 7ê Kanûnê pêşwazî li şandeke Almanyayê kir.



 
© 2022 Kurdistan Democratic Party, KDP

Contact